Eksodɔs NHƐNMU
NHƐNMU
Nwoma no ne dzin “Eksodɔs” no ase kyerɛ dɛ Otukɔr. Ɔka Israelfo abakɔsɛm no mu nsɛntsitsir bi a osii ho asɛm. Ɔfa no Israelfo tu a wotui fii Egypt asaase do nkowaasom mu no ho. Wobotum akyekyɛ nwoma yi mu ahorow ebiasa.
1. Wɔgyee Hebriwfo fii nkowaasom mu ma wotuu kwan fii Egypt kɔr Sinai Bepɔw ho.
2. Nyankopɔn n’ahyɛmu a ɔnye ne man dzii wɔ Sinai Bepɔw no ho. Ahyɛmu yi fa abrabɔ, amanyɛ na Nyamesom ho mbra a ɔsɛ dɛ wodzi do ho.
3. Wosii dan siesiee mu dɛ Israelfo no nsom wɔ mu, hyehyɛɛ mbra maa asɔfodzi na mbrɛ wonsi nsom Nyankopɔn mfa.
Na no korakora nye dɛ, nwoma yi ka dza Nyankopɔn yɛe, dɛ ɔgyee ne man a nna wɔdze hɔn ayɛ nkowaa na mfonabaa, na ɔyɛɛ hɔn ɔman a woenya enyidado.
Nyimpa tsitsir a nwoma yi ka no ho asɛm nye Moses. Ɔno na Nyankopɔn yii no dɛ onndzi ne man no enyim nyi hɔn mfi Egypt. Nwoma no fa bi a ayɛ atsenka yie nye Mbrasɛm Du a ɔwɔ Tsir 20 no mu no.
Dza Ɔwɔ Mu
Wɔgyee Israelfo fii Egypt nkowaasom mu 1.1—15.21
1. Wɔyɛɛ hɔn nkowaa wɔ Egypt 1.1-22
2. Moses n’awoo na no mbofrase ho nsɛm 2.1—4.31
3. Moses na Aaron kehyiaa Egypthen 5.1—11.10
4. Apaho Afahyɛ na fi a Israelfo fii Egypt 12.1—15.21
Wofii Mbɛw Po no ho kɔr Sinai Bepɔw ho 15.22—18.27
Mbra no na ahyɛmu no 19.1—24.18
Ehyiadzibuw no na ɔsom ho nhyehyɛɛ 25.1—40.38
Currently Selected:
Eksodɔs NHƐNMU: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.