MATIYUT 28:12-15

Yorogo mbareegwa, it nogo aap inanggok inom kuwak eeko nogogwaarik, wone amburu mbambunuk, it aap yigin unde wako nogogwaarak nogo wu mbuti perak nggwok ambik wogorogo logonet, ”Nit oonikiya nogo yugwi niigak, it Yetut oone waganggwi nogo nen wogo nagaarik, Yetut eebe wonok wunggaarak o, yinuk, ti mban yoranet nugu logonu o. Ndi, wone yi agaarak nogo at nggubereno aruk konengge logominggirik, aaninggin kinoba pinagage kero, nit ninom wone mbanugun o.” Yorogo mbareegwa, it yigin unde nogo nen mbuti wu nogo kologo nogogwaarik, it Ala unde inoweewi nen yorogogwaarak nogo ndak-ndak aret agan nogogwaarak. Ndi, wone nogo ti, aap Yakuri iname lombok wigannagagerak me, yogondak awo aret yogo agaarik o.