MALEAKHI 2
2
1 Manetualain Fo Manakoasa, nafa'da basa imam-mala nae, “Au fe emi paleta nde ia: 2Fe ha'da-holomata neu Au nenik emi tatao-nono'im. Metema emi ta nau mamanene Au dede'a-kokolang fa soona, neukose Au soo-supa emi. Emi sipo basa baba'e-papalak-kala, neukose nasafali da'di soo-supak. Tete'ek-ka, Au soo-supa basa hata malole sila-la so, nanahu emi ta tao taoafik neu Au paletang-nga fa. 3Neukose Au huku emi anam-mala, ma Au ahutu emi mata-panam nenik emi tunu-hotu bana-la, tein-na, ma neukose emi nanalele'a-lolosok leo tei bubuak-ka meu. 4#Bil. 3:11-13 Soona emi bubuluk, mae Au fe basa paleta ia so, fo ela Au hehelu-balatang no basa imam-imam, fo Lewi tititi-nonosin-nala, nanapake nahelek.
5 #
Bil. 25:12
Nai hehelu-balatak ndia dalek, Au helu fes so'dan-nala nee-nee lino-lino ma so'da-molek, ma Au adenus, fo ala fe ha'da-holomata neu Au. Nai tepo-lelek ndia, memak ala fe ha'da-holomata neu Au, ma ala bii-lamata'u neu Au. 6Lanoli hataholi-a ndoos-sa, te ta lanolis salak fa. Ala leo-lapalasa loo Au, ma ala tunga Au hihii-nanaung no matetun-na. Boeo, ala tulu-fali hataholi makadotok, fo ala boso boe tao tatao-nono'i mangalauk bai 7Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.
8Tehu besak ia, emi fo imam-imam mala lemin, emi la'ok sala neme eno ndoos-sa mai so. Emi nanolim-mala, lele'a-loloso neni hataholi makadotok, fo ala tao salak. Emi tao malutu hehelu-balataak fo Au taon no emi-a so. 9Hu ndia de, Au boeo, neukose fe hataholi Israel-la, heheta-aa'i emi, nanahu emi ta tunga Au hihii-nanaung, ma hu kande emi bibinga-baba'e hataholi, nai lelek emi manoli Au anang-ngala.”
Anan-nala ta lilineka neu Manetualain fa
10Ade, ita basa-basa-tala, ta tanuu ka'da Amak esa fa do? Ade, ita ta nananakadada'dik neme Manetualain fo sama fa do? Metema leondiak, soona tao le'e de, ita esa bei nalelesi hehelu-balataak no esa, de no enok ndia, ade ita ta talelesi hehelu-balataak fo Manetualain taon no ita bei-ba'i kain-nala fa do? 11Hataholi Yehuda-la la'olena Manetualain hehelu-balataan no sila so, ma ala tao-no'i dede'a-dede'ak fo neni mamaek nai Yerusalem, ma nai basa nusak-ka lala'en-na. Ala tao langgenggeo Manetualain Uman fo Ana sue-lain ndia so, ma ala ka'bing loo ina-inak fo, ala sene-do'ok neu leoina fe'ek-kala, lamatua daebafan-nala. 12Sa'di leo been-na, hataholi manatao leondiak-ka, Manetualain, Ana usi henis leme Israel anan-nala la dalek mai. Sa'di leo been-na, ala ta tunga seluk loo ita leoinan-na, fo ala fe tutunu-hohotuk neu Manetualain Fo Manakoasa so'on.
13Ma emi tatao-nono'i fe'em-ma nde ia. Emi tao mahenu Manetualain mei tunu-hotun nenik luuoe; emi kii ma makaleleu, nanahu Manetualain ta nau sipok emi tutunu-hohotuk so'on. 14Emi matane mae, tao le'e de, Ana ta nau sipo fan? Hu kande Manetualain bubuluk, emi ta lilineka neu inak fo emi ka'bing moon, nai lelek emi muli-solum-ma. Emi tia-laim inak ndia, nai emi so'dam-ma dalek, tehu emi malelesin, leomae emi helu basa, soaneu lilineka mahele moon, nai Manetualain matan so. 15Ade, Manetualain Fo Kisak-ka, ta nakadada'dik emi aok esa, ma samanek esa moo inak ndia fa do? Ade, Manetualain dudu'an la'eneu dede'ak ndia, leo beek? Ta fe'ek fa, fo ela emi hapu anak, fo ala da'di Manetualain ana matetun. Da'di, manea aoinam-ma, fo boso nalosak nai emi dalek, hapu nggelok ta lilineka neu saoinan-na fa. 16Manetualain Manakoasa, fo Israel Manetualain-na nae, “Au ta hii naelak-ka fa. Au amanasa, metema hataholi esa nai emi dalek, ana tao tatao-nono'i susue-lalai tak ndia, neu saoinan-na. Hu ndia de, manea aoinam-ma, fo boso tao makahehe'dik saoinam-ma dalen-na.”
Fain naketu-nala'dik deka so
17Emi taom-ma Manetualain malua emi kokolam-ma. Tehu emi matane mae, “Da'di tao leo beek, de ami taom-ma Manetualain malua?” No emi mafa'da mae, “Basa hataholi manatao mangalauk-kala, Manetualain, nafa'da nae malole, ma nahiik-kasa.” Do no natatanek, “Manetualain manatao tunga ndoos ma matetun-na ndia, nai bee?”
Currently Selected:
MALEAKHI 2: twu
Highlight
Share
Copy
Want to have your highlights saved across all your devices? Sign up or sign in
