Luka 4:5-8

Sathane a di mu dzega aya naye gigomoni nya gulaphe ngudzu, aya mu yeyedza khu gikhatinyana, mifumo yatshavbo nya mafu, a mu embela, khuye: “Nyi na gu ninga wufumu watshavbo wowu ni wudhumo wakone, kholu nyi ningidwe satshavbo, eni neni nyi ngu dzi kodza gu ningela ga uye nyi mu nago. Wa gu khidzima u nyi khozela satshavbo si na bani siri sago.” Jesu a di mu hakha, khuye: “Duga, Sathane, gu lovidwe, pwani: ‘U na khozela Pfhumu Nungungulu wago. Khuye basi u na gu mu phaselago.’ ”