Ekisodha 10:1-2

PFHUMU Nungungulu a di embela Mosi, khuye: “Indra u ya ganela ni Faro, kholu nyi bangiside monyo waye ni myonyo ya dzindruna dzaye, nyifela gu wonegisa siliwugiso sangu vbakari gwawe, gasi uwe ufela gu embeledzela dzindzeveni ga sanana sago ni situgulwana sago edzi nyi nga va gira khidzo Vagipiti ni siliwugiso nyi giridego vbakari gwawe, gasi enu mufela gu dzitini gukhenu Eni kheni PFHUMU Nungungulu.”