Génesis 36

Esaúpita miraqkuna

1 Crónicas 1.34-43

1Kaychömi qellqashqa kaykan Esaúpa tsurinkunapä y paykunapita miraqkunapäpis. Esaúpa jukaq jutinmi karqan Edom.

2Esaúpa warminkunaqa cananea warmikunam kayarqan.#Gén. 26.34-35. Jukaq warminpa jutinmi karqan Ada. Payqa karqan heteo runa Elónpa tsurinmi. Jukaq warminpa jutinnam karqan Aholibama. Payqa karqan heveo runa Zibeónpa willkan y Anápa tsurinmi. 3Tsaynöllam Esaúqa täkurqan prïman Basematwan. Basematqa karqan Ismaelpa tsurin y Nebaiotpa paninmi.#Gén. 28.9.

4Adapa wamranmi karqan Elifaz. Basematpa wamrannam karqan Reuel. 5Aholibamapa wamrankunanam kayarqan Jeús, Jaalam y Coré. Paykunaqa Canaánchö Esaú taykaptinmi yuriyarqan.

6Wawqin Jacobwan taykanqanpita witikurmi Esaúqa juk partiman aywakurqan llapan warminkunata, tsurinkunata y sirviqninkunatapis pushakurkur. Canaánchö taykar tarinqan kaqtaqa llapanta apakurkurmi aywakurqan. 7Jacobwan Esaú rïcu kayaptinmi taykäyanqan parti ayparqannatsu juntu täyänanpä. Ashmankuna atska kaptinmi mitsikuyänanpä qewapis ayparqannatsu. 8Tsaynöpam Esaú casta runakunaqa Seir jallqakunaman aywakuyarqan. Esaúpa jukaq jutinmi karqan Edom.

9Seir jallqakunachö taykarmi Esaú castakuna atskaman mirayarqan. Paykunatam edomita runakuna kayanqanta niyaq. Kaykunam kayarqan Esaúpita miraqkuna:

10Esaúpa warmin Adachömi yurirqan Elifaz.

Warmin Basematchönam yurirqan Reuel.

11Elifazpa tsurinkunam kayarqan Temán, Omar, Zefo, Gatam y Cenaz.

12Elifazpa concubïna warmin Timnachömi Amalec jutiyuq tsurin karqan. Paykunam kayarqan Esaúpa y warmin Adapa willkankuna.

13Reuelpa tsurinkunam kayarqan Nahat, Zera, Sama y Miza. Paykunam kayarqan Esaúpa y warmin Basematpa willkankuna.

14Esaúpa warmin Aholibamachömi tsurinkuna kayarqan Jeús, Jaalam y Coré. Aholibamaqa karqan Anápa tsurin Zibeónpa willkanmi.

15Esaúpa mayor tsurin Elifazpa tsurinkunam mandaq kayarqan. Paykunam kayarqan Temán, Omar, Zefo, Cenaz, 16Coré, Gatam y Amalec. Tsay mandaqkuna llapanpis Elifazpa tsurinkunam kayarqan. Paykunam Edom nacionchö mandaq kayarqan. Paykunam kayarqan Esaúpa y warmin Adapa willkankuna.

17Esaúpa tsurin Reuelpa tsurinkunapis mandaqmi kayarqan. Paykunam kayarqan Nahat, Zera, Sama y Miza. Paykunam kayarqan Esaúpa y warmin Basematpa willkankuna.

18Esaúpa jukaq warmin Aholibamapa wamrankunapis mandaqmi kayarqan. Paykunam kayarqan Jeús, Jaalam y Coré. Aholibamaqa Aná jutiyuq runapa tsurinmi karqan.

19Tsay mandaqkunaqa llapanpis Esaú castam kayarqan. Esaúpa jukaq jutinmi karqan Edom.

20Seir partiman Esaú manarä chaptinmi horeo runakuna tsaychö täyarqan. Paykunam mirayarqan Seir jutiyuq runapita. Seirpa tsurinkunam kayarqan Lotán, Sobal, Zibeón, Aná, 21Disón, Ezer y Disán. Paykunam kayarqan Edomchö Seir casta horeo runakunapa mandaqninkuna.

22Lotánpa tsurinkunam karqan Hori y Hemam. Lotánpa paninmi karqan Timna.

23Sobalpa tsurinkunam kayarqan Alván, Manahat, Ebal, Sefo y Onam.

24Zibeónpa tsurinkunam kayarqan Aja y Aná. Papänin Zibeónpa ashnunkunata mitsiykanqanchömi Aná tarirqan desiertuchö achaq yaku pukyukunata.

25Anápa tsurinkunam kayarqan warmi ollqu. Ollqu kaqpa jutinmi karqan Disón y warmi kaqpanam Aholibama.

26Disónpa tsurinkunam kayarqan Hemdán, Esbán, Itrán y Querán.

27Ezerpa tsurinkunam kayarqan Bilhán, Zaaván y Acán.

28Disánpa tsurinkunam kayarqan Uz y Arán.

29Horeo runakunapa mandaqninkunam kayarqan Lotán, Sobal, Zibeón, Aná, 30Disón, Ezer y Disán. Tsay runakunaqa juknin jukninpis horeo runakunapa mandaqninkunam kayarqan. Cada castapa jutinmi mandaqninpa jutin kanqannö karqan. Tsay castakunam Seir partichö täyarqan.

31Israel nacionchö rey manarä kaptinmi Edom nacionchöqa reykuna kayarqanna. Kaychömi tsay reykunapa jutinkuna qellqashqa kaykan:

32Juk reymi karqan Beorpa tsurin Bela. Belapa markanmi karqan Dinaba.

33Bela wanuskiptinnam Zerapa tsurin Jobab rey karqan. Payqa Bosra markapitam karqan.

34Jobab wanuskiptinnam paypa trokin rey karqan Husam. Payqa temanita runakuna täyanqanpitam karqan.

35Husam wanuskiptinnam paypa trokin rey karqan Bedadpa tsurin Hadad. Paymi Moab partichö madianita runakunata wanutsirqan. Hadadpa markannam Avit karqan.

36Hadad wanuskiptinnam paypa trokin rey karqan Samla. Payqa Masreca markapitam karqan.

37Samla wanuskiptinnam rey karqan Saúl. Payqa Éufrates mayu ñöpanchö kaykaq Rehobot markapitam karqan.

38Saúl wanuskiptinnam rey karqan Acborpa tsurin Baal-hanán.

39Baal-hanán wanuskiptinnam rey karqan Hadar. Payqa Pau markapitam karqan. Hadarpa warminpa jutinmi karqan Mehetabel. Mehetabelqa karqan Matredpa tsurin y Mezaabpa willkan.

40Esaúpita miraqkunapa mandaqninkunam kayarqan Timna, Alva, Jetet, 41Aholibama, Ela, Pinón, 42Cenaz, Temán, Mibzar, 43Magdiel y Iram. Tsay runakunapa jutinkunanöllam mandayanqan markakunapapis jutinkuna karqan. Tsaynöllam paykunapita miraqkunatapis reqiyaq mandaqninkunapa jutillanwan.

Llapan tsay runakunaqa edomita runakunam kaykäyan.

Currently Selected:

Génesis 36: qxo

Highlight

Copy