Génesis 10

Noépa tsurinkunapita miraqkuna

1 Crónicas 1.5-23

1Kaychömi qellqashqa kaykan Noépa tsurinkunapä y paykunapita miraqkunapäpis.

Noépa tsurinkunam kayarqan Sem, Cam y Jafet. Diluviupitarämi paykunapa tsurinkuna yuriyarqan.

2Jafetpa tsurinkunam kayarqan Gomer, Magog, Madai, Javán, Tubal, Mesec y Tiras.

3Gomerpa tsurinkunam kayarqan Askenaz, Rifat y Togarma.

4Javánpa tsurinkunam kayarqan Elisa, Tarsis, Quitim y Dodanim. 5Lamar kuchunpa aywarmi tsay runakuna nacionkuna kayänanpä atskaman mirayarqan. Cada nacionninchömi kikinkunapa idiömankunata parlayaq.

6Campa tsurinkunam kayarqan Cus, Mizraim, Fut y Canaán.

7Cuspa tsurinkunam kayarqan Seba, Havila, Sabta, Raama y Sabteca. Raamapa tsurinkunam kayarqan Seba y Dedán.

8Nimrodpis Cuspa tsurinmi karqan. Paymi kay patsachö mas puntata runakunata poderninchö tsarararqan. 9Nimrodqa Tayta Dios yanapaptinmi jirka ashmakunata tsariyta yacharqan. Tsaymi pipis jirka ashmakunata alli tsariq kaptin niyaq: <<Nimrodnömi jirka ashmakunata tsariyta yachan>>.

10Nimrod mandanqan jatun markakunam kayarqan Babilonia, Erec, Acad y Calne. Tsay markakunam Sinarchö kayarqan. 11Tsaypita Asur partiman aywarmi shäritsirqan Nínive, Rehobot y Cala markakunata. 12Tsaynöllam shäritsirqan Resén jatun markata. Tsay markaqa karqan Nínivipita Calaman päsaq nänichömi.

13Mizraimpita miraqkunam kayan ludeo runakuna, anameo runakuna, lehabita runakuna, naftuhita runakuna, 14patruseo runakuna, casluhíta runakuna y caftorita runakunapis. Caftorita runakunapitam filisteo runakuna mirayarqan.

15Canaánpa mayor tsurinmi karqan Sidón. Paypa qepanmanmi karqan Het. 16Canaánpita miraqkunam kayan jebuseo runakuna, amorreo runakuna, gergeseo runakuna, 17heveo runakuna, araceo runakuna, sineo runakuna, 18arvadeo runakuna, zemareo runakuna y hamateo runakunapis. Tsay llapan runakunaqa cananeo runakunam kayarqan. Paykunam atskaman mirarnin maytsayman mashtakäyarqan. 19Tsaymi cananeo runakunapa lindërunkuna karqan Sidón markapita Gaza cercanchö kaq Gerar markayaq. Tsaynöllam lindërun päsarqan Sodoma, Gomorra, Adma y Zeboim markakunapa hasta Lasayaq.

20Paykunam kayarqan Campa tsurinkunapita miraqkuna. Tsay runakunam nacionkuna kayänanpä atskaman mirayarqan. Cada nacionkunachömi kikinkunapa idiömankunata parlayaq.

21Jafetpa mayor wawqin Sempapis tsurinkuna kayarqanmi. Semqa Heberpa y Heberpita miraqkunapa unay castanmi karqan. 22Sempa tsurinkunam kayarqan Elam, Asur, Arfaxad, Lud y Aram.

23Arampa tsurinkunam kayarqan Uz, Hul, Geter y Mas.

24Arfaxadpa tsurinmi karqan Sala. Salapa tsurinmi karqan Heber. 25Heberpa tsurinkuna ishkaymi karqan. Mayor tsurinpa jutinmi karqan Peleg.#10.25 Peleg ninanqa rakikashqa ninanmi. Tsaynöqa jutin karqan pay kawanqan witsan runakuna chikinakur wakpa kaypa aywakuyanqanpitam. Qepa kaq tsurinpa jutinmi karqan Joctán.

26Joctánpa tsurinkunam kayarqan Almodad, Selef, Hazar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila y Jobab. Paykunam Joctánpa tsurinkuna kayarqan. 30Paykunam täyarqan Mesapita Sefaryaq. Sefarqa rupay yarqamunan lädu jallqakuna kanqanchömi kaykan.

31Paykunam kayarqan Sempa tsurinkunapita miraqkuna. Tsay runakunam nacionkuna kayänanpä atskaman mirayarqan. Cada nacionninchömi kikinkunapa idiömankunata parlayaq.

32Tsaynömi karqan Noépa tsurinpita miraqkuna. Diluviupitarämi paykuna maytsaypapis aywarnin nacionninkunata rurayarqan.

Currently Selected:

Génesis 10: qxo

Highlight

Copy