MATIUS 28

Puwawangung I Yesus

(Mrk. 16:1-10; Luk. 24:1-12; Yoh. 20:1-10)

1Su tempo l᷊ou ngu Sabati seng nal᷊iu, mborong mal᷊uka-l᷊ukari su l᷊ou ngu Misa, i Maria Magdalena l᷊au i Maria ko wal᷊inge e'e natamai nutuhung kubul᷊i e'e. 2Singkahuwiu pia rinuhi mauha. Singkatau malaekat u Mawu nul᷊umintu bou sorga bou e'e nul᷊unggi watu l᷊ahumping kubul᷊i e'e, dingang nukumangiang su wawoe. 3Pahesu malaekati e'e musul᷊ung u kila, dingang u l᷊aku e mawira-wira. 4Sardado ko mundadiaga ko kapudiagae su se'e nataku sarang i sire nukumende, dang nakoa musul᷊ungu tau ko nate.

5Malaekati e'e nangul᷊i si sire manga kowawine e'e, “Ariwe kataku! Ia matitong i kumu kapundeae si Yesus ko seng nighantong e'e. 6I Sie seng tarie'e si'i. I Sie seng nuwangung kere ko seng mbuae niul᷊i-E horo. Maite putuhung tampa ko niral᷊okang-E. 7Ii, tamaite pakaehong puhabari su manga tumatuhu-E. ‘I Sie seng nuwangung, dang i'i i Sie seng natamai nangihoro si kumu sarang Galilea. Pai se'e i kumu sarung makawua si Sie!’ Tinaungeta apang ko seng daku niul᷊i si kumu.”

8Masahawu-sahawu manga kowawine e'e nanintang u kubul᷊i e'e. Dingangu taku mul᷊al᷊a u l᷊iaghi, i sire katal᷊ange tadeau makapuhabari hal᷊i e'e su manga tumatuhu I Yesus.

9Singkahuwiu I Yesus nusumandighi nusombang i sire manga kowawine e'e dingang u nuhabaru, “Salamati!” Bou e'e i sire nusumandighi si Sie, mbuhue nul᷊ahuku l᷊aer-E, nanumba si Sie. 10“Kumbahang mataku,” didatong I Yesus si sire, “Dakote ul᷊i su manga ana u singkatau-Ku tadeau i sire patamai sarang Galilea; pai se'e i sire sarung makawua si Sia.”

Lahabaru sordado mundadiaga

11Sutempo ngu e'e manga kowawine e'e natamai, pirangkatau boi sire sordado mundadiaga ko kapudiagae kubul᷊i e'e napul᷊e sarang soa nangul᷊i su manga tumbonang u imam kaul᷊ie ko seng nariadi. 12Manga tumbonang u imam e'e nu ghaghighili dingang u manga pangaha u tau Yahudi, mbuhue nangonggo doi maul᷊i si sire sardado diaga e'e. 13Dingang nangul᷊i, “I kumu mambeng puhabari, manga tumatuhu I Yesus nusumongo huwi nanako badang-E su tempo ngu i kami katikie. 14Boko i gubernur makaringihi hal᷊i e'e, hindo i kami mul᷊oke si sie tadeau i kumu tamakahombang susa.”

15Kuteu sordado diaga e'e nundae doi e'e, dang nukoa kere nitanata ngi si sire. Ual᷊ingu e'e, wuke e'e mborong nakeke su tal᷊oara u tau Yahudi sarang l᷊ou i'i.

I Yesus nutingkaandaghu watangeng-E su manga tumatuhu-E

(Mrk. 16:14-18; Luk. 24:36-49; Yoh. 20:19-23; Wuk. 1:6-8)

16 # Mat. 26:32; Mrk. 14:28 I sire mampul᷊onsau tumatuhu I Yesus e'e nakoa sarang wul᷊uri su Galilea kere niparentang I Yesus si sire. 17Su tempo ngi sire nakawua si Yesus pai se'e, i sire dingang u nusuba nanumba si Sie. Kateho mang pia bou tal᷊oarai sire mborong sal᷊atamangimang. 18I Yesus nusumandighi si sire, dingang nangul᷊i, “Kaul᷊i u kawasa su sorga dingang u su dunia seng nisarakang si Sia. 19#Wuk. 1:8Watu u e'e tamaite sarang kaul᷊i u bangsa su kaul᷊i u dunia, koa ko i sire e'e mariadi tumatuhu-Ku. Sahani i sire e'e dingang u areng I Yamang, dingang u Ahuse, dingang u Roh u Mawu Ruata. 20Tintiroi i sire patuhu kaul᷊ie ko seng Daku niparenta si kumu. Dang putinaungte Ia sintinia mang mahundingang i kumu sarang panginsueng u dunia.”

Currently Selected:

MATIUS 28: LAISXN

Highlight

Copy