MATIUS 23

L᷊aingati tadeau pakatiho su manga meteru agama dang manga tau Farisi

(Mrk. 12:38-39; Luk. 11:43,46, 20:45-46)

1Bou e'e I Yesus nangul᷊i su taumata maul᷊i dingang u su manga tumatuhu-E, 2“Manga meteru agama dang manga tau Farisi nakarea kawasa guna ngu pul᷊ahe torat i Musa. 3Ual᷊ingu e'e tarimae dang tuhukete kaul᷊i u ko i parentangi sire. Kateho ariwe pukoa apang ko koateng i sire, watu u i sire ta muparal᷊eng u apang ko nitintiro ngi sire. 4I sire manuntu hal᷊i ko masusa dang mangonggo atorang ko mabuha, kateho sarang singkodo i sire tamutul᷊ungu taumata mupal᷊al᷊engu tamai e'e. 5#Bil. 15:38; Ul. 6:8; Mat. 6:1Kaul᷊ie ko koateng i sire kitang tadeau paki tuhunge su taumata. I sire mutaturi mupake l᷊aiki kal᷊iomaneng mawawunahi dang mupakanandu lalaing u juba ngi sire!#23:5: lalaing u juba ngi sire: lalaing e'e ipake kere tatia ngu tatuhu su Mawu Ruata (putuhung Bil. 15:37-41). 6I sire mo mundea tampa ko kapiange su pusasal᷊iwangeng dang kadera ko masidada suapang wal᷊e pukakal᷊iomanengang. 7I sire makihaghi adateng su manga pasari, dang kuing ‘Tuang Guru.’ 8Arawe i kumu ariwe kao kuiang ‘Tuang Guru,’ watu u Guru ngi kumu kitang simbau, dang i kumu kaul᷊ie ana u simbau. 9Dang kumbahang i kumu mukumui manga singkatau su dunia i'i ‘I Amang,’ watu u I Yamangi kumu kitang simbau, ko I Yamang su sorga. 10Dang kumbahang i kumu mo kuiang ‘Pangaha,’ watu u pangahau kitang pia simbau, ko Ratu Mananal᷊amati ko nipudiandingu Mawu Ruata. 11#Mat. 20:26-27; Mrk. 9:35, 10:43-44; Luk. 22:26Taumata ko kal᷊abokange su tal᷊oara i kumu, mambeng makoa paparentang u. 12#Luk. 14:11, 18:14Taumata ko mutingkarange watangenge sarung i pakasana dang taumata ko mutingkasana u watangenge sarung i pakarange.”

I Yesus manungkul᷊i lulu ko makitika

(Mrk. 12:40; Luk. 11:39-42,44,52, 20:47)

13“Silaka i kumu apang meteru agama dang manga tau Farisi! I kumu pia lulu makitika. I kumu managakang taumata ko makoa umat u Mawu Ruata. I kumu mandiri makoa umat u Mawu Ruata, dang taumata ko wal᷊inge ko mo, sahagheng i kumu.

[14Silaka i kumu apang meteru agama dang tau Farisi: I kumu pia lulu makitika. I kumu mangakal᷊i manga kowawine wal᷊u dang muhampasi wal᷊engi sire dang tadeau mataka kakanoa dal᷊ai e'e, i kumu mukal᷊iomaneng manandu-nandu. E'e hakiu hukumang si kumu sarung mabuha!]

15Silaka i kumu apang meteru agama dang manga tau Farisi! I kumu pia lulu makitika! I kumu rumal᷊eng marau l᷊umiu l᷊auri, dang mul᷊iku kaul᷊i u wanua kitang tadeau mundea taumata simbau pasu su agama ngu. Bou e'e suapang tau e'e nasu su agama ngu, i sie koateng i kumu tataho u naraka paka rua kadal᷊aie bo i kumu!

16Silaka i kumu manga pangaha ko wuta! I kumu manintirongu i'i, ‘Boko taumata mutewa manibo Wal᷊e-Ngu Mawu, taumata e'e ta maiki su tewa nge; arawe boko i sie mutewa manibo wul᷊aeng su l᷊al᷊ung u Wal᷊e-Ngu Mawu, i sie kal᷊aiki su tewa nge e'e.’ 17I kumu taumata bodo ko wuta! Sude nangilebe mahariga, wul᷊aeng arako Wal᷊e-Ngu Mawu ko nakasusi wul᷊aeng e'e? 18I kumu manintiro ngu i'i l᷊ai, ‘Boko singkatau mutewa manibo tampa pananumbang, taumata e'e ta maiki su tewa nge; arawe boko i sie mutewa manibo sasumba ko matatimbo su tampa u pananumbang, i sie kal᷊aiki su tewa nge e'e.’ 19Wal᷊inge gampang kawuta nge i kumu! Sude maharigang? Sasumba arako tampa pananumbang, ko nakasusi sasumba e'e? 20Ual᷊ingu e'e, boko singkatau mutewa, manibo tampa pananumbang, mangal᷊enge e'e i sie mutewa su ral᷊ungu tampa pananumbang, dang su sasumba ko matatimbo su wawoe. 21Dang boko singkatau mutewa manibo Wal᷊e-Ngu Mawu, e'e mangal᷊enge i sie nutewa su l᷊al᷊ung u areng u Wal᷊e-Ngu Mawu e'e dang su l᷊al᷊ung u areng u Mawu Ruata ko natana su se'e. 22#Yes. 66:1; Mat. 5:34Dang boko singkatau mutewa manibo sorga, e'e mangal᷊enge i sie nutewa su saruang u kakangianengu Mawu, dang su sarung u Mawu Ruata ko kakangiang su se'e.

23 # Im. 27:30 Silaka i kumu apang meteru agama dang manga tau Farisi! I kumu pia lulu makitika. Haghingu rampa kere manga salasi, adas manis l᷊au jintan l᷊ai manga rampa ko wal᷊inge, i kumu munggile simbahageang mapul᷊o su Mawu. Arawe hal᷊i ko kaharigange su l᷊al᷊ungu atorang u agama kere: Karaadili, pukakindaghi, dang kasasatia, ta pandungang i kumu. Sumbal᷊i ko e'e hino ngu koateng i kumu, dingang u l᷊ai ta mamala ngu kowal᷊inge. 24I kumu manga pangaha wuta! L᷊ango su inungi kumu isahikang, arawe onta pelohangi kumu!

25Silaka i kumu manga meteru agama dang manga tau Farisi! I kumu pia lulu makitika! Manga wohosi dingang u l᷊ama i kumu niuhasi kumu mabursi-bursi bageang l᷊ikure, kateho bageang l᷊al᷊unge mal᷊amuhu kahingang dingang u manga hal᷊i ko nikarea i kumu bou pamamul᷊aho dingang u anggang. 26Farisi wuta! Kikisiko horo ral᷊ungu wohosi dingang u l᷊ama i kumu pakabursi, tadeau l᷊ikure l᷊ai mabursi!

27 # Wuk. 23:3 Silaka i kumu apang meteru agama dang manga tau Farisi! I kumu pia lulu makitika! I kumu musul᷊ung u manga kubul᷊i bou nilaburang mawira; Bou l᷊ikure tuhungang masidada, arawe sul᷊al᷊unge napene u manga duhi dang apang ko mababuhu. 28Kere'e l᷊ai i kumu. Bou l᷊ikure tuhungang taumata mapia; arawe su l᷊al᷊unge; i kumu napene u l᷊eo dang haghing u palanggarang.”

I Yesus nunubuati hal᷊i u hukumang suapang meteru agama dang manga tau Farisi

(Luk. 11:47-51)

29“Silaka i kumu apang meteru agama dang manga tau Farisi! I kumu pia lulu makitika! I kumu mukoa kubul᷊i masidada guna ngu manga nabi, dang mul᷊ighahi tughu tatia su taumata ko mapapia wiahe. 30Dang i kumu nangul᷊i, ‘Kiko i kami nuwiahi su tempo ngi upung i kami horo, i kami ta nutumuhu dingang i sire ko namate nabi.’ 31Inau i kumu nangaku himoneu i kumu ko hintou ngu manga taumata ko namate nabi! 32Boko kere'e, pakaturusi dingang pakasue manga dosa ko seng nitita i upungu e'e! 33I kumu mang taumata ko dal᷊ai dang hintou ngu taumata ko dal᷊ai. Kirapa i kumu makal᷊iwiri watangengi kumu bou hukumang su naraka? 34Daringihete pakapia-pia; Ia sarung mundoi sarang koa i kumu manga nabi, manga taumata ko papande, dang manga meteri; singga bo i sire sarung patengi kumu, dang kowal᷊inge sarung gantongang i kumu. Pia ko pahangeng i kumu su Wal᷊e Pukakal᷊iomanengang, dang wawatukang i kumu bou soa simbau sarang soa ko wal᷊inge. 35Watu u e'e i kumu sarung i hukung ual᷊ingu pamamate ko nikoa i kumu su taumata ko takoae sal᷊ange – nanita bou pamamate si Habel ko takoae sal᷊ange, sarang nurating pamamate si Zakharia ana i Berekia, ko nipateng i kumu su wulau Wal᷊e-Ngu Mawu dingang u tampa pananumbang. 36Pangimang te: kaul᷊i e'e sarung pikul᷊ang u taumata orasi i'i!”

I Yesus nukumindaghi u Yerusalem

(Luk. 13:34-35)

37“Yerusalem, Yerusalem! I kau namate nabi-nabi. Paparentang u Mawu nintungang dingang u watu sarang nate. Seng manga pakapira Ia mo mangomol᷊i kawanua ngu kere ma u manu manirung manga ana e su l᷊al᷊ung u tatilae, kateho i kumu mandiri! 38Watu u e'e Mawu Ruata seng ta muhundingang i kumu. 39Katitongte: Manita bou orasi i'i i kau seng ta sarung makawua si Sia sarang i kau mangul᷊i, ‘Al᷊amate si Sie ko sumongo dingang u arengu Mawu.’ ”

Currently Selected:

MATIUS 23: LAISXN

Highlight

Copy