ZABUR 13
13
Do'e dengan saq tetindes
1Umaq pemimpin kor. Zabur Daud.
2Jangke piran Deside lupaqang kaji ya ALLAH ?
Jangke piran Deside nyeboq léman kaji?
3Jangke piran kaji harus nanggung susah,
dait aséq sejeloan?
Jangke piran kaji tekuasein musuh?
4Cingakin kaji, ya ALLAH , Tuhan kaji,
jawab do'e kaji.
Tulakang kekuatan kaji,
dait sampunang menengang kaji maté.
5Sampunang menengang musuh kaji bebase
bahwe ie pade sampun ngalahang kaji.
Sampunang menengang ie pade nyurakin kaji.
6SĂ©ngaq kaji ngandelang kasih Deside,
make kaji gen besukecite
séngaq Deside nyelametang kaji.
Kaji mélé benyanyi bagi ALLAH,
séngaq Ie sampun ngelaksaneang saq solah tipaq kaji!
Currently Selected:
ZABUR 13: LAISAS
Highlight
Share
Copy
Want to have your highlights saved across all your devices? Sign up or sign in
