ZABUR 12
12
Do'e nunas tulung
1Umaq pemimpin kor. Menurut lagu saq kebaluq. Zabur Daud.
2Tulung kaji, ya ALLAH,
séngaq nénten araq malik dengan saq soléh,
dengan saq setie léq Deside sampun musnah.
3Ie pade selapuq saling berugung,
saling tipu siq ucapan-ucapan saq manis.
4Engkahang ucapan saq ngerayu nike, ya ALLAH,
tungkem dengan-dengan saq beléq raosne saq bebase,
5“Tiang pade bekuase siq élaq tiang pade!
Napi doang bau tiang pade ucapang,
dait ndéq araq saq bau ngalangin!”
6Manik ALLAH, “Dengan miskin tetindes
dait dengan sengsare ngeluh.
Make mangkin éndah Tiang dateng
ngebéng ketentreman saq ie pade melétang.”
7Janji ALLAH teguq dait bau teandelang,
maraq perak murni saq teuji léq dalem api.
8-9Dengan jahat begerame léq mbé-mbé,
kejahatan teajum siq sebilang dengan.
Laguq Deside ngelindungin kaji, ya ALLAH,
jagaq kaji léman dengan-dengan jahat nike.
Currently Selected:
ZABUR 12: LAISAS
Highlight
Share
Copy
Want to have your highlights saved across all your devices? Sign up or sign in
