YOANA 21:15-17

Kïkany kuwany kwomisyö, kïlenchï Yeso Simon Petro, “Simon, wero Yoana, ichömaninyi kïsir pïchï löwïr nya?” Kuyokyï lö, “Owöy Echotyon, inkïtönyi lö, ochöminyi.” Kïlenchï Yeso, “Pagha wareko kechiryechan.” Kïlenchï Yeso nyinte panto odeny, “Simon, wero Yoana, ichömaninyi nya?” Kuyokyï Petro lö, “Owöy, Echotyon, inkïtönyi lö, ochöminyi.” Kïlenchï Yeso, “Yakwïya kechiryechan.” Kïtep Yeso panto sömök lö, “Simon, wero Yoana, ichömaninyi?” Kusïngirö Petro, ompöwölo kitep nyinte Yeso kïnyïl sömök lö, “Ichömaninyi nya?” Kuyokyï lö, “Echotyon inkïtönyi tïkwïn löwïr, inkïtönyi lö ochöminyi!” Kïlenchï Yeso, “Yakwïya kechiryechan.