TOWUNÖT 49
49
1Atolapay kïkur Yakopo werkachi akïlenchï, “Aghamïta kegh tomwowok kïgh nyo igho osis cho pkonöy ompö akwa.
2“Aghamïta kegh nyu werpö Yakopo,
ater ngaleko papongwo Israel.
3“Nyi Rupen, ichinyi poretyenyan
aichï owesyenyan, nyo kiyat yiyenyan.
Nyo ikwolenyi kegh ompö konyït,
aiwulöy kegh, aichï awes nyoman
4Ilatenyi mirtino pögh ompö lalwa,
nyo melö ichinyi kïgh.
Ompöwölo kiwenyi chemïnïngwo* kon
ailomsyö ipus pöröyeto kon.
5“Tupchö Simion nko Lawi.
Tïkukwa cho kïrïmo pich chokonï.
6Osirenan kegh kokwotïnekwa,
mochömanye otuyö nko chane.
Ompöwölo kipar pich ompö nörekyengwa,
akïtor eghin aghisay kwïle.
7Chïpote nörekyengwa nyo kigha nyoman,
ompöwölo kimötïngnye kisyonchin.
Ochöghan chane ompö kö pö Yakopo.
Atoytoyö chane ompö koro Israel.
8Nyi Yuda, kusinyi werkökwa asïyech,
itökenyi punköku.
Kïtïngchininyi werkökwa.
9“#Kiy 24:9; Ngo 5:5.Ilatenyi wawa ngötïny we Yuda,
kengwïnenyi wölo kepörchinyi kïgh.
Werïnyu, keghïteghenyi ngwïny le ngötïny,
ngo nyo muköy ntökunget nyinte?
10Melö wegho lïpö paytagh Yuda.
Pöytoy monechi kokay
ntökïtenö kungwïn nyinte nyo mïchini kïpayta,
akïkïtïngchini pipö punton nyinte.
11Rötyini sïkïryenyi ket pö sapipu,
akïrötyï wawe ket pö sapipu nyo karam nyoman,
akïmwata sïrokachi kumpa sapipun
akïmwata anankis pögho sapipun cho pïröch.
12Pïröchitu konyichi ompö kumpa sapipun
akïrelachitu kelechi ompö chö.
13“Möngöy Saplon sörömu nanam,
akïlïku kapkimïny pö melin
kïlïkwï sörömunyi Sidon.
14“Karkegh Isakar nko sïkïryö nyo körom,
nyo rïwöy kwenu asachoy.
15Wölo kisïwa lö karam wölo kimungo,
akïsïwa lö pïchigh kore.
Kïlenyona kungïrukö tökïkasan tïkwïn,
akegh ompö kat kïlïkwï sekeyon.
16“Rwokyini Dan pikachi,
ompöwölo tökï ore anka nyo pö Israel.
17Lïku Dan moroy nyo mi or,
mïny nyo mi or kamas,
nyo sïröy angole putïlöy,
kïtarenta ipinte kïweghö ara patagh.
18“Kyakanyan sörunötengu ECHOTYON.
19“Riköy lïko chelölos Kad,
wölo poryegho ntökïyon chane.
20“Okwoghöch omisyewut pö Asyer,
akïkonu tïkwïn cho ngöröko pöytoghintö.
21“Karkegh Naptali nko akwete nyo tyakate,
nyo yiyöy wara cho pïchighöch.#49:21 pïchighöch: Nyo ngölonöy ngal cho karamach.
22“Karkegh Yosep nko ket nyo tökïngarngar,
nyo pito atolekïtö kö pö pögh,
nyo sïlöy akïlang morichi nayat.
23Kiporyeghö pung nyinte cho köromöch nyoman,
kiwut akuchop kong nyinte.
24Wölo kingötï kwantinyi mökinateghanye,
akinyoru owesyö ewunechi,
ompö kingörokutyo ewuno Kimuktoghinto Israel,
ompö kaynata Mösöwon Ghatya Israel.
25Ngörokinyi Tororöt pö papongu,
Tororöt Kimuktoghin nyo soyöninyi
ompö kisoyönut cho pö yïm
nko kisoyönut cho pkono ngwïny
nko kisoyönut pö kitïn nko yiyö.
26Owesöch kisoyönutko papongu
kïtïl kisoyönut pö kutïngkot cho pö könyisyok
nko tïkwïn cho pïchighöch cho pö yïm.
Nya kïtïpï möt pö Yosep kisoyönutchoni,
akïtïpï paraku nyinte nyo kikepesyeghö werkökwa.
27“Suyon Penchamen nyo mutmutöy,
omöy tökwoghö cho könyorchï sakas.
Akïchaghachagh nangat cho könyorï.”
28Chete löwïr kï ortïn taman nko odeny cho pö Israel akï chete cho kimwochï kwanta chane otini kisoyönisïyi. Kisoyön chi kïrïp kegh nko kisoyönut cho kimwochini nyinte.
Karapas Yakopo aketïp
29Kirur Yakopo chane kïlenchï, “Lekït arapasan aroranïn nko papotïnechan ompö köpönonay mito para Epron nyo le chi pö Ititi, 30#Tow 23:3-20.ompö köpönononi mito para Makpela okumpö tagh ompö Mamre nyo mi koro Kanan nyo kyal Apraam nko nyay pö Epron, kyal lö tökïlïkwï wölo kïtïpchini pich. 31#Ist 7:15. Kikïtïpchï atoni Apraam nko kokönyontenyi Sara, aketïpchï atoni Isak nko kökönyontenyi Repeka atïpchan atoni Lea. 32Kikyal pare nko köpöne nyo mi ori kyala pipö Ititi.” 33#Ist 7:15. Otini kiwany Yakopo kurur monechi kuyoda kelyechi kughegh pöröy, kunuk akïma.
Currently Selected:
TOWUNÖT 49: PIPÏLIA
Highlight
Share
Copy

Want to have your highlights saved across all your devices? Sign up or sign in
©Bible Society of Kenya, 2019