TOWUNÖT 15

1Nyini kiwonyö ngalechoni, kungwïn ngölyonto ECHOTYON wölo mi Apram ompö sïwïyagh nyo kilö, “Mewöghisyö Apram! Ochan longengu. Akoninyi ropöwon nyo wow tya.” 2Wölo kuyokyï Apram lö, “Nyi Echotyon TORORÖT, ne nyo ngörokanïn ropöwontononi ikonaninyi akwanyï motïngetanye monïng? Olentan Elieser nyay kingwïna Damaska nyo mïlanïn. 3Melö kekonaninyi mönïng, chi nyo mïlöy asïyech tïkuchan kï akonga ompö sekeyköchan.”

4Atolapay kïlenchï ECHOTYON Apram, “Melö lïku sekeyontonï le Elieser mïlintengu, werïngu kegh nyo mïlinyi.” 5#Rum 4:18; Epr 11:12. Kumït ECHOTYON nyinte kïlït sany akïlenchï, “Topöne yïm köny aimukyï iyit kokel, ato imukenyi iyitöy! Lenye nyoni wölo chongitu moneku kïlïkwï!” 6#Rum 4:3; Kal 3:6; Yak 2:23. Kughan Apram ECHOTYON, kïngarak ECHOTYON ompö nyinte akuyit lö, chi pö man.

7Atolapay kïlenchï Apram, “Ochan ECHOTYON nyo kyamïtuneninyi Ur nyo pö Papilonia atokoninyi koronete atemïla.” 8Wölo kïlö Apram, “Echotyon TORORÖT, onkïtunan lö ne lö omïlan koronete?”

9Kïlenchï ECHOTYON, “Ipkante mösör nko söpölyon nko makal, cho tïng könyis sömök löwïr nko chepïrïm.” 10Kwipchï Apram Tororöt tïkuchoni löwïr, kïkarer tyonchay löwïr kwen kïlïkwï odeny atolapay kïtat panyechay kakïkarer kïtopön kegh, wölo kimakarernye kwen chay le törit. 11Akwotini kichörorchini mötongwö panyechay, kutul Apram.

12 # Ayu 4:13-14. Akwotini kimach kïröyto asis, kwam Apram rïwönto nyo nïkis. Kuyen tuwïn nyinte nyo wow nko kiwaghat. 13#Wuw 1:1-14; Ist 7:6.Kilenchï ECHOTYON Apram, “Inkïtï nyo pö nyoman lö lïku moneku to ompö koro pich walaka, pöghisyechini chane ompö nyarïl piko korononi akïlïku sekey ompö wöloni könyis 400. 14Wölo orwokyinan pïchoni ighöy chane sekey, akwotini ngetuno chane korononi pö tontön, kïpkonöy nko sïkönöt nyo wow. 15Wölo itöponyi könyis cho chang airöpösenyi ompö kalya. 16Mïlonchot moneku koronete ato itïta pïnwöy angwan, ompöwölo tomönye kwitïta ghöyityo pipö Amori.”

17Otini kökiröytö asis akïtuwit, kuchumï ighot nyo kingwïno töro ma nko kitömöwon nyo kitïng lyopöt akuwer kwenu panyechay kakïkarer aketat. 18#Ist 7:5.Kam ECHOTYON muma* nko Apram asisoni lö, “Otöninan moneku koronete kïmïkul, kïngata lalwa Misri ntökwit lalwanay wow kïkuro Yuparet. 19Kïmi nko koroswo pipö Kenin nko Kenis nko Kadmon nko 20Ititi nko Peris nko Repaim 21nko Amori nko Kanan nko pipö Kirkasyi nko Yepusi.”

Akar nko Ismael

Currently Selected:

TOWUNÖT 15: PIPÏLIA

Highlight

Copy