EKSODUS 1
1
Kare oloh Israel buah kasusah intu Misir
1 #
Gen. 46:8-27
Aran kare anak Yakob, je mampahayak ie akan Misir, genep bitie dengan keluargae, iete:
2Ruben
Simeon
Lewi
Yuda
3Isaskar
Sebulon
Benyamin
4Dan
Naptali
Gad
Aser.
5Turonan Yakob te aton uju puluh biti samandiaie. Yosep jari labih helo aton intu Misir. 6Pire-pire katahie limbah te Yosep tuntang kare paharie matei; tumon te kea kare oloh je ije angkatan dengae. 7#Gaw. Ras. 7:17 Tapi turonan ewen, iete kare oloh Israel, manak meso are toto, sampai tanah Misir kontep awi ewen.
8 #
Gaw. Ras. 7:18
Limbah te ije raja taheta je dia kasene Yosep nampara marentah intu Misir. 9Ie hamauh dengan rayat ayue, “Kare oloh Israel te bahaya toto akan itah; awi ewen are toto tuntang labih abas bara itah; 10#Gaw. Ras. 7:19 Amon aton kalahi, tau ewen hapakat dengan musoh mangat malawan itah, palus hadari malihi#1:10: hadari malihi atawa manguasa. tanah toh. Itah musti manggau jalan mangat ewen ela sampai mandahang karee tinai.” 11Maka kare oloh Misir mangkat kare pamimpin mahunjun bangsa Israel akan mampahali pambelom ewen hapan gawi babehat. Ewen imaksae mamangun akan raja Misir kare lewu Pitom tuntang Raamses akan eka mingkes ramo. 12Tapi aloh ewen sasar inyusah awi oloh Misir, sasar mandahang haream kare bitin oloh Israel, tuntang sasar tayap kare ewen akan hapus tanah te, sampai oloh Misir mikeh dengan ewen. 13Hapan katulase oloh Misir mangapehe ewen, 14tuntang mawi pambelom ewen susah. Jaton asi samasinde, ewen imaksa bagawi babehat intu kare eka mamangun tuntang intu kare tana.
15Limbah te raja Misir manenga parentah akan Sipra tuntang Pua, due biti bidan je mandohop kare bawin oloh Israel luas. 16Koan raja Misir, “Amon keton mandohop bawin oloh Ibrani luas, ingat jetoh: amon anak je inakan te hatue, patei ie! Amon anak je inakan te bawi, nalua ih ie belom.” 17Tapi kare bidan te oloh je mikeh dengan Hatalla. Ewen dia maku malalus parentah raja, jadi ewen manalua anak awau awang hatue belom. 18Palus raja mantehau kadadue bidan te tuntang misek, “Mbuhen keton manalua kare anak hatue te belom?”
19Tombah ewen, “Bawin oloh Ibrani dia kilau bawin oloh Misir. Ewen murah toto luas. Helo bara bidan dumah, anake jari inakan.” 20-21Maka Hatalla mamberkat kare bidan te tuntang manenga turonan akan ewen, awi ewen mahormat Hatalla. Oloh Israel kea sasar are tuntang abas. 22#Gaw. Ras. 7:19 Palus raja manenga parentah toh akan rayat aie, “Genep anak hatue ain oloh Ibrani je harue inakan musti inganan huang Sungei Nil, tapi uras anake bawi tau inalua belom.”
Currently Selected:
EKSODUS 1: NIJ
Highlight
Share
Copy
Want to have your highlights saved across all your devices? Sign up or sign in
