KISAH 3:7-8

Sug Petrus arougb en danggohob, kaba, en os sud hom mohora agaim gin mesira misen. Hanoba en ousa en eisa besa toua. Sug en os en mesira inegohob, kaba, en mohora dara mohorigo hwas ouwasis boubesa namcir. Sug sud hom mohora agaim en eiya, doba en mohora eigouhwohob, kaba, en eisa besogwa namcir. Hanoba en ainyen naugb ec ucucugb dig gabeda diginin toua. Sug en ec bainyenohob, kaba, en oucan Petrus dara Yohanes naugb len leinesa Allah Men Tuari gin toua. Doba sug en oucan lan gini, kaba, en esogsogwa dara agahugouhw an Allah, ben sijo dou en namcir.