SURO-SURO 1:10-11

Tempo ira danantingoa langi nanggita Yesus neore etu, sampegoli naria romba'a malaeka to nopakea naputi nenggore ri sinjori ira. Nangulimo malaeka etu, “Umba komi, to Galilea! Nokuya komi aga mpanggoremo ri setu nantingoa langi? Yesus to nikita komi neore nggari ngayo komi mpaka ri suruga pani'a kana marata bali ri dunia e'i nasimbayu ewa nikita komi pane'a.”