MARKUSI 6
6
Ti Isa diila tilolimolio to Najaret
(Mat. 13:53-58; Luk. 4:16-30)
1Lonto tambati boito, ti Isa lohualingo pee̒-pee̒enta wolo tahidudua̒ o-Lio ode kambungu pilohuluta loduhu-Lio. 2Todulahu Saabati Tio malo lumulo longaajali tobele potabiaalo. Woluo taa ngohuntua teto. Tou̒ tau-tauwala boito loo̒dungohe pongaajali li Isa timongolio lolinggolabe daa̒. Timongolio malo loi̒ya, “Lonto utoonu tau botie loo̒tapu ngoa̒amilalo boito? Tinepo odelo wolo utie uwoluo to o-Lio? Woloolo mola Tio mowali mohutu moo̒linggolabe? 3Diila maa Tio botie walao̒ pani lo ayu, walai̒ Maria, wau wutatee Yakobus, Yoses, Yudas, wau Simon? Ooo̒, mongo wuta-Tio taabua woluo olo hibiluloa̒wa tewe.” Sababu uito timongolio diila lololimo o-Lio.
4Tulusi ti Isa lotahuda mao̒ ode limongolio, “Nabi ngota hulumatiolo boli tou̒toonu, ngopohia to kambungu pilohuluta loduhulio, wau towolota lomongo ilaatolio wau ngaalaa̒lio.”
5To tambati boito ti Isa diila looĚ’hutu penu boli tuwau maoĚ’ u mooĚ’linggolabe, ngopohia lopooĚ’luli dengolo lota tahi ngongota wolo lopodutu uluuĚ’-Lio toimbupulu limongolio. 6Tio lolinggolabe deuĚ’ timongolio diila palacaya.
Ti Isa lolao mopulaa duulota tahiduduaĚ’ o-Lio
(Mat. 10:5-15; Luk. 9:1-6)
Lapatao̒ ti Isa lonao̒ mola ode kakaa-mbunguwalo topalitio boito wau helo ngaajali. 7Tio lotiangai mopulaa duulota tahidudua̒ o-Lio, tulusi lolao olimongolio duduulota wau longohi kawasa olimongolio u mopohinggi roroo-huwaalo u moleeto. 8Tio longohi potuhata odie olimongolio, “Diila mao̒ podelo wolo-wolo tononao̒ limongoli, ngopohia tunggudu. Diila mao̒ podelo ua̒alo meaalo bututu losadaka, meaalo doi. 9Pomake mao̒ sapatu, bo diila podelo boo̒ dulopita.” 10Tio olo lotahuda, “Wonu timongoli tumuwoto ode bele ngowale, poti biluloo̒po teto tunggula timongoli mololaa mao̒ kota boito. 11Bo wonu timongoli meidungga totambati tuwau, wau tau-tauwalo teto diila mololimo wau diila mohuto modungohe olimongoli, tolai mao̒ tambati boito. Wau pongee̒ya mao̒ peaahuo̒ monto paladu oa̒atumu odelo poe̒ela olimongolio!”
12Yi mopulaa duulota tahiduduaĚ’ li Isa boito malo monggato. Timongolio lonaoĚ’ lopo loladu habari deuĚ’ manusia musi molilihu monto duduu-sawaalo. 13TahiduduaĚ’ li Isa boito lopohinggi ngohuntua rohu u moleeto, lomadeta yinulo jaitun totahi ngongota wau helo pooĚ’luli olimongolio.
Opopate lei Yahya Tamopolihua
(Mat. 14:1-12; Luk. 9:7-9)
14Habari pasali lo ngoa̒amila u lotoduo boito debo leidungga mola olo toli Olongia Herodes, sababu tangguli Isa mai̒lotaawa lotaa dadaata boli tou̒toonu. Woluo taa u hipo loi̒yawa, “Tei Yahya Tamopolihua maluli tilumumulai! Uitolo sababuulio Tio okawasa helohutu u moo̒linggolabe boito.”
15Bo tau-tauwala wewo hipo loi̒yawa, “Tio Elia.”
Woluo olo talo loi̒ya, “Tio nabi, debo odelo tala ngota lonabi tojamani muloololio mai.”
16Tou̒ tei Herodes loo̒dungohe uito, tio malo loi̒ya, “Tantu utieelo tei Yahya Tamopolihua u muloololio mai mapilei̒ timadeu̒ lunggongio. Botia tio maluli tilumumulai!”
17Sababu tou̒ diipo uito tei Herodes malei̒ wau̒po olei Yahya, wau lopotuwoto olio ode delomo tutupa. Tei Herodes lohutu odito sababu pasali li Herodias, dile lowutatio lohihilao, deu̒ito-yito tei Pilipus. Sababu tei Herodes malonika woli Herodias, 18wau pasali losua̒li boito tei Yahya mapipiiu̒wa helodini olei Herodes odie mola, “Diila mowali yio̒ monika wolo dile lo wutatumu boito.”
19Uitolo sababuulio ti Herodias loniyati olei Yahya wau ohilaa momate olei Yahya mate-mateelo maoĚ’, bo tio diila mowali mohutu suaĚ’li boito, sababu laito helabuto lei Herodes. 20Sababu tei Herodes malo poaĚ’hu tau lodaha olei Yahya tioĚ’otutua alihu tio moaĚ’ahu to tutupa, sababu tio moohe olei Yahya. Otaawalio tei Yahya tau ngota mopiohe tailao mai lo Allahu TaaĚ’ala. Wau memangi wonu tei Yahya mobisala, tei Herodes motohilaa olo modungohe olio, penu boli tio mowali balisa daaĚ’ sababu tio.
21Pulitio mao̒ ti Herodiasi ilohiyango todulahu ilowali mai lei Herodes. Tou̒ boito tei Herodes lohutu potihunggu ode ngoa̒amila tahi opanggatia molanggato to bele biluloa̒ saaha li olongia, mongo polowila wau tahi o tanggulawa to Galilea. 22To potihunggu boito walai̒ Herodias tadulahu helo ngelungo, wau elungio boito loo̒sanangi daa̒ hilaa lei Herodes wolo tahe tiloduwolio. Yi tei Herodes malo loi̒ya ode tadulahu boito, “Yio̒ motohilaa wolo, bolo pohileaalo. Mawohiu̒ mai olemu wolo u otohilaamu!” 23Lapatao̒ tei Herodes malodanti ode tadulahu boito wolo tadia. Tei Herodes loloi̒ya mao̒, “Penu boli wolo u pohilemu mawohiu̒ mai, penu boli ngotayadu lo yilaidiyau̒ pee̒entalo mao̒!”
24Yi tadulahu boito mailumualo wau lohintu oli maamalio, “Maama wolo pulito u mopiohe u musi pohile lowatia?”
Timaamalio lolametao̒, “Pohilea mao̒ lunggongee Yahya Tamopolihua.”
25Tadulahu boito hua̒a lohualingai odelei Herodes wau loloi̒ya mao̒, “Watia mohile lunggongee Yahya Tamopolihua wohia mai olaatia to saaa̒tilo botie tanitani mai tobaki tuwau!”
26LooĚ’dungohe hihiile boito tei Herodes masiluukali daaĚ’. Bo tio didu mowali mopotouli hihiile boito sababu tio malo tadia totalu lo tahe tiloduwolio. 27Oditolio tio lato lomalentaoĚ’ ngotaalio lo tamoo-kawalia olio mota lohama mai lunggongee Yahya Tamopolihua boito. Yi pajule boito malonaoĚ’ mota ode tutupa, lapataoĚ’ malo limadei lunggongee Yahya. 28LapataoĚ’ dilelolio mai lunggongo boito tanitani tobaki wau yiludulio ode tadulahu boito. Wau tadulahu boito longohi maoĚ’ odeli maamalio. 29TouĚ’ tahiduduaĚ’ olei Yahya looĚ’dungohe suaĚ’li boito, timongolio malonaoĚ’ mola lohama milate lei Yahya boito, tulusi yilobungio.
Ti Isa lopotamela taalimo lolihu lota
(Mat. 14:13-21; Luk. 9:10-17; Yah. 6:1-14)
30Mongo rasulu taheilao li Isa boito lapatao̒ luli lohualingai, wau lotia̒mbu woli Isa. Timongolio mai lopodulohu o-Lio ngoa̒amila u mapilohutu wau pilo ngaajali limongolio. 31Dadaata daa̒ tahi ponao̒wa mai wau tahipo hualinga, tilinggula didu otembo penu bo ngoi̒di mao̒ ti Isa wau tahidudua̒ o-Lio molamelo. Sababu uito ti Isa lotahuda ode tahidudua̒ o-Lio, “Duloolo ito monao̒ ode tambati udiila otau, tou̒toonu bo ito-itoolo wambai̒o wau timongoli mowali mohuheli ngopee̒ mola.” 32Yi timongolio olo malo monggato wolo bulotu hitalua ode tambati udiila otau.
33Bo dadaata tau maloo̒onto olimongolio tou̒ lololaa mao̒ tambati boito, wau helotota tatoonu timongolio. Oditolio, lonto ngoa̒amila kota tomadala boito, tau-tauwalo hitetea̒ loli tudulio lotimulo mota woli Isa wau tahidudua̒ o-Lio. 34Tou̒ ti Isa lolaaheo̒ lonto bulotu, Tio loo̒onto taa dadaata. Lodehu hilaa-Lio olimongolio, sababu timongolio debo odelo himba u diilalo oditilio. Yi Tio malo lumulo helo ngaajali dadaata sua̒li olimongolio. 35Tou̒ malo laangio mola, tahidudua̒ li Isa loloi̒ya mao̒ o-Lio, “Bolo ngopee̒ mai maahui wau tambati botie tihitihi. 36Lebe mopiohe ti Paaa̒ mopoa̒hu mota tau-tauwalo botie monao̒, alihu timongolio mota motali mai ua̒alo to kakaa-mbunguwalo wau to dedee-sawaalo totili mao̒ lewe.”
37Boti Isa lolametao̒, “Timongolilo tamongohi mao̒ olimongolio ua̒alo.”
“Waa, wolo amiaatia musi mota motali mai roti ngohalaga dulo hetuto doi talaa̒ wau mopo tamela olimongolio botie?” odito ualo tahidudua̒ li Isa boito.
38Lapatao̒ yilintu mao̒ li Isa, “Ngoolo roti tolimongoli? Nte mota bilohi mai.”
Lapatao̒ mota bililohei limongolio, malo loi̒ya timongolio, “Woluo roti limo lobutu wau woluo olo dulo botu uponula.”
39LapataoĚ’ ti Isa malo poaĚ’hu ngoaĚ’amila tau boito lotihuloaĚ’ ngopo-ngopolemboaĚ’ tohuoĚ’yoto u moidu. 40Tau-tauwala boito olo lotihuloaĚ’ wolo hiaĚ’atulua, ngopo-ngopolemboaĚ’. Woluo u ngohetuto lota ngopolemboaĚ’, wau woluo olo limo lopulu lota ngopolemboaĚ’. 41LapataoĚ’ ti Isa lohama maoĚ’ limo lobotu roti wau dulo botu uponula boito, tulusi yilumanggela mola ode hulungo wau lolapali sukuru ode Allahu TaaĚ’ala. LapataoĚ’ uito, Tio malo mita-mitangaoĚ’ roti boito wolo uluuĚ’-Lio wau longohi maoĚ’ ode tahiduduaĚ’ o-Lio u taya-tayadulo ode taa dadaata boito. Wau uponula dulo botu tila-tilayadio olo ode limongolio ngoaĚ’amila. 42Timongolio malo lamela tunggula lobutuhu. 43LapataoĚ’ lebelio louĚ’ aalo boito yilimooĚ’ lo tahiduduaĚ’ li Isa, ngoaĚ’amilalo woluo mopulaa dulo kalanji hipolua. 44Mongo lolaiĚ’ talo lamela roti boito woluo otanu limo lolihu lota.
Ti Isa lonaoĚ’ totudu lotaluhu
(Mat. 14:22-33; Yah. 6:16-21)
45LapataoĚ’ uito ti Isa huaĚ’a lopoaĚ’hu to tahiduduaĚ’ o-Lio lomonggato wolo bulotu leimulo wo-Lio ode Betsaida to ngotuwali lobulalo, wau Tio donggo hemeiĚ’ walinga mota taa dadaata boito. 46LapataoĚ’ leiĚ’ walinga mota taa dadaata boito, ti Isa lonaoĚ’ ode huludu mola loduaĚ’. 47TouĚ’ maahui mai, bulotu lo tahiduduaĚ’ o-Lio maamota tohuungio lobulalo, hiambola ti Isa donggo totudulio. 48Tio looĚ’onto mota olimongolio malo tioĚ’opatea hipobiteya bulotu boito sababu dupoto boito lalaawania dulungio wolo bulotu. Sababu uito, tanu towolota jamu 3 wau jamu 6 dimodupo, Tio lonaoĚ’ mai ode limongolio loli tudu lotaluhu. Wau Tio lonaoĚ’ tulusi debo odelo malumaodeoĚ’ to limongolio. 49TouĚ’ iloontonga limongolio deuĚ’ Tio lonaoĚ’ totudu lotaluhu, yi yilantobi mongolio Tio ponggo, 50tilinggula timongolio hiwatiaĚ’ mailoohe daaĚ’. Sababu timongolio ngoaĚ’amilalo looĚ’onto o-Lio wau timongolio iloohea daaĚ’.
Boti Isa lato lotahuda mao̒ olimongolio, “Potiduo̒otolo mola! Wau̒ Isa. Diila oohe!” 51Lapatao̒ Tio lobotulao̒ ode bulotu limongolio, yi dupoto olo mailoole lomola. Tahidudua̒ li Isa malo linggolabe daa̒. 52Olinggolabe wolo roti limo lobotu boito debo diipo ilopahamua limongolio. Mototolo olimongolio u mongalati.
Ti Isa lopooĚ’luli tau-tauwalo tahi ngongota to Genesaret
(Mat. 14:34-36)
53Tou̒ leidungga mola ode ngotuwali lobulalo, timongolio lotilabua topentadu lo Genesaret. 54Tou̒ timongolio yilumualai lonto bulotu, tau-tauwala loo̒onto deu̒ talei dungga mai boito ti Isa. 55Lapatao̒ timongolio bolo hitete-teteea̒ ode utoonulalo mao̒ to ngoilanggubu madala boito, wau malodelo mai tau-tauwalo tahi ngongota boito to amongo odeli Isa. Wonu timongolio moo̒dungohe deu̒ ti Isa woluo totambati tuwau, hedeloo limongolio tau-tauwalo tahi ngongota boito odito mola. 56Boli tou̒toonu ti Isa meidungga – mopio to kambungu, tokota meaalo todesa – teto olo tau laito hiponao̒wa mai wau mopo balatao̒ tau-tauwalo tahi ngongota limongolio boito to tanalapa. Lapatao̒ timongolio mei̒ poluasi wolo tio̒otutua alihu tau-tauwalo tahi ngongota boito moo̒dedeta jumba li Isa penu bo biihio. Ngoa̒amila tahe loo̒dedeta jumba boito, maloluli.
Currently Selected:
MARKUSI 6: LAIGOR
Highlight
Share
Copy
Want to have your highlights saved across all your devices? Sign up or sign in
