WUNGGULI LOMONGO RASULU 16
16
Tei Timotius loduduaĚ’ olei Paulus wolei Silas
1Tei Paulus lopo tolonga mola lononaoĚ’lio ode Derbe, lapataoĚ’ ode Listra. Mota teto woluo talolaiĚ’ ngota, muri li Isa tanggulio Timotius. Tiilolio Yahudi ngota, tamalo malacaya li Isa; bo tiyamolio taulo Yunani. 2Towolota lotau-tauwalo tapalacaya tahi biluloaĚ’wa to Listra wau Ikonium, tei Timotius otaawa lotaa dadaata odelo taa mopiohe. 3Tei Paulus motohilaa alihu tei Timotius moduduaĚ’ wolio; sababu uito tio loluuna olei Timotius. Tio lohutu uito, sababu tau-tauwalo Yahudi to madala boito ngoaĚ’amila motota deuĚ’ tiyamo lei Timotius ngotaalio lo Yunani. 4TotimiiĚ’du kota unilaoĚ’ limongolio, timongolio helo potunggulaoĚ’ ode tau-tauwalo tapalacaya to pupuu-tusaniyalo u matilantu lomongo rasulu wau mongo tauĚ’wa to Yerusalemu. Timongolio helo naseehati tomongo wutato tamalo malacaya boito alihu moduduaĚ’ wuwuu-uduwaalo boito. 5Yi jajaa-maaĚ’alo boito iĚ’loduhenga mola lotolo iimanilio, wau timiiĚ’du dulahu heiĚ’lo duhenga mola jumulaalio.
To Troas: tei Paulus looĚ’onto tuwaulio lobibilohu
6Rohullah diila longohi olei Paulus wolei Silas mopo loladu tahuda lo Allahu TaaĚ’ala to polopinsi lo Asia. Oditolio nonaoĚ’ limongolio pilopo tolonga mola limongolio ode madala lo Prigia wau Galatia. 7TouĚ’ leidungga mola, ode sipatana lo Misia, timongolio mohimontala tumuwoto ode polopinsi lo Bitinia, bo Rohu li Isa lodini olimongolio odito mola. 8Oditolio timongolio lolaapata to Misia wau tulusi ode Troas. 9Huilio maoĚ’, to Troas, tei Paulus looĚ’onto tuwaulio lobibilohu. Todelomo bibilohio boito tio looĚ’onto taulo Makedonia ngota tihutihula totalulio sambela hemohile louĚ’ tioĚ’otutua alihu tio monaoĚ’ ode Makedonia mola motulungi olimongolio. 10LapataoĚ’ tei Paulus looĚ’toduo mai bibilohe boito, ami lato lotidapa-dapato u lonaoĚ’ mola ode Makedonia. Sababu wolo yakini ami lolantu maoĚ’ deuĚ’ Allahu TaaĚ’ala malo poaĚ’hu olami mopohabari Habari Mopiohe boito ode tau-tauwala mola teto.
To Pilipi: ti Lidia palacaya to Allahu TaaĚ’ala
11Ami lololaa mao̒ Troas wau lobite tulusi ode Samotrake, wau loombulio mola ode Neapolis. 12Lonteeto ami ode Pilipi, kota tuwau tobohulo madala Makedonia. Pilipi yito kiluwaasa bele biluloa̒ saaha li olongia lo Roma. Mola teto ami lotibiluloa̒ dengolo hui mola. 13Todulahu Saabati ami lonao̒ mota ode biihu dutula to bulemengo huhebu hulubangi lokota, sababu to pongolaasa lami teto woluo tambati potabiaalo duo̒lo taulo Yahudi. Lapatao̒ ami malo tihuloo̒ wau lobibii-salawa wolo mongobua tahi ambua totambati boito. 14Ngotaalio limongolio yito tamoo-dahangia kaingi lailoumu, tai̒lunte Lidia wau asaliilio mai lonto Tiatira. Tio motolia̒ngo to Allahu Taa̒ala, yi Eeya malo ngoliyoo̒ hilaalio alihu tio mololimo wolo upilo ngaajali lei Paulus olio. 15Ti Lidia wau ngotuango belelio yiluhualio. Lapatao̒ yilihualio tio loloduo̒ olami. Ualio mao̒, “Wonu Mongo wutato molaasa u watia otu-otutuulo mao̒ malo malacaya li Isa, toduwolo motihangata tobele lowatia.” Tulusi tio helo huntula alihu ami moduduo̒ hihiilelio.
Tei Paulus tilutupaalio to Pilipi
16Todulahee tuwau tou̒ ami donggo hinao̒wa ode tambati podua̒alo, ami lodunggaya wolo taabua ngota; tio wato. Taabua boito kiluwaasa lorohu u moleeto umoo̒ laamali popoo-lou̒tiyalo umamei dungga mai. Wolo topo laamalia paladu lotau, taabua boito hemoo̒ pae̒eda daa̒ odeli mongo tuanilio. 17Taabua boito lodudua̒ tulusi wambao̒ olei Paulus wau wolami sambela wuwa-wuwaatia̒, “Tau-tauwala botie wato lo Allahu Taa̒ala Taa Laba-labaalo molaio̒! Timongolio lonao̒ mai mopoo̒taa to Mongo wutato woloolo mola pohuliilio timongoli mowali moa̒ahu!” 18Dengolo hui mola hiheolio taabua boito mololaalaaita hemo nguatia̒ odito. Oditolio tei Paulus madiilalo loo̒sabari, tilunggula tio maloili, tulusi loloi̒ya mao̒ ode rohu boito, “To tangguli Isa Almasi wau̒ momalenta olemu polahilo monto taabua botie!” Tou̒ boitolo olo rohu boito lololaa mao̒ taabua boito. 19Tou̒ timongo tuanilio longalati mao̒ deu̒ hiangi mongolio upoo̒ tapulalo doi madiduu̒, yi timongolio loheu̒pa olei Paulus wolei Silas, wau duduulotalo diledei̒ mongolio ode tanalapa mota pilopo taluolio wolo tawaajibu. 20Timongolio lopotaluo mao̒ olei Paulus wolei Silas ode tahidihima pantungo pamalenta lo Roma, lapatao̒ loloi̒ya mao̒, “Tau-tauwala botie taulo Yahudi. Timongolio tahelo potoodei tolonggalo tokota botie. 21Timongolio helo poa̒hu tau moponao̒ adati obobiasa u bubuu-lemenga wolo bubuu-too̒onto, tau-tauwalo Roma. Ito diila mowali mololimo meaanto moduduo̒ adati obobiasa boito!” 22Taa dadaata olo lodudua̒ loluhu olei Paulus wolei Silas; wau tahidihima pantungo lo pamalenta malo ngaidinga boo̒ u hipakea to rasulu duulota boito lapatao̒ lopoa̒hu tau lomuboa̒a olimongolio duulota. 23Lapatao̒ biluboa̒a limongolio longongotolo mao̒, timongolio pilo tuwotio ode delomo tutupa. Tau̒wa lotutupa ilahulalio lodaha olimongolio wolo lotoheetolo mao̒. 24Sababu palenta boito, tau̒wa lotutupa boito malo lahangi olimongolio tohuwali lotutupa umola todelomio daa̒, wau lomungu oa̒ati mongolio tobaalaki.
25Tanu to tomutaa̒a lou̒ hui tei Paulus walei Silas helodua̒ wau lopolahu mola puji poloi̒laalo momuji ode Allahu Taa̒ala. Tahi tahangia wewolio olo helo dungohe olimongolio hipolahua mola. 26Debolo lotoduwolo mola liluhu ulaba-labaalo tutu, tilinggula pundasi lotutupa boito olo hilumeulo loo̒ohuu̒. Ngoa̒amila huhebu lotutupa boito lohuo̒ wau lalaa-nteyaalo u hipungua to ngoa̒amila tahi tahangia malo lopato. 27Tau̒wa lotutupa boito mai̒loohea lobongu. Tou̒ tio loo̒onto ngoa̒amila huhebu lotutupa mahi huo̒wa, tio malo mahuto wamilio wau mamo tipate wolo wamilio boito sababu to lantobio deu̒ tahi tahangia boito matilumeteo̒ ngoa̒amila. 28Bo tei Paulus malo nguatia̒ loo̒ohuu̒-huu̒ulo mola, “Diila mao̒ potipate! Amiaatia ngoa̒amila donggo maatia teea!”
29Tau̒wa lotutupa boito malohile tohe tulusi tilumetea̒ mota ode delomio, wau wolo hulu-huluhelio tio leidumulolo mola totalu lei Paulus wolei Silas. 30Lapatao̒ tio malodelo olimongolio ode bulemengio wau loloi̒ya, “Mongo tuani, wolo umusi pohutuo lowatia alihu watia moa̒ahu?”
31Tei Paulus wolei Silas lolametao̒, “Pomalacayalo li Isa Eeya! Yio̒ mamoa̒ahu – yio̒ wau ngoa̒amila taa tobelemu!” 32Lapatao̒ tei Paulus wolei Silas lotombangao̒ tahuda lo Eeya ode tau̒wa lotutupa boito wau ode ngoa̒amila taa u woluo tobelelio. 33To tomutaa̒a lou̒ huilo boito, tau̒wa lotutupa boito lodelo olimongolio tulusi lopoo̒ belesi mao̒ papaa-liyaalo limongolio. Yi tio wau ngoa̒amila taa tobelelio lato yilihualio. 34Lapatao̒ tio lodelo mota olei Paulus wolei Silas ode belelio wau lopohinta ua̒alo ode limongolio. Tio wau ngoa̒amila ngaalaa̒lio sanangi daa̒ sababu timongolio botia palacaya to Allahu Taa̒ala.
35Loombulio mola dimodupo, tahidihima pantungo pamalenta lo Roma malolao mota pulisi ode tutupa u lopo tunggulaoĚ’ palenta alihu tei Paulus wolei Silas lopatolo.
36Tau̒wa lotutupa boito lopoo̒taa mao̒ sua̒li boito odelei Paulus. Tio malo loi̒ya, “Mongo tuani, tahidihima pantungo lo pamalenta malo malentai u molopata tomongo tuani. Botia mongo tuani mamowali mohualingo. Hinta moa̒ahu todalalo!”
37Bo tei Paulus loloi̒ya ode pulisi tahi otuugasia boito, “Ami walao̒ lipu lo Roma. Lou̒ diilalo bilutoi̒o ami mabiluboa̒lio totalu lotaa dadaata wau tiluwotio ode tutupa. Wau botia timongolio mei̒nao̒ olami wolo poo̒-poo̒oyo? Ami diila mohuto! Pei̒nao̒i mai lohihilao tahidihima pantungo lo pamalenta boito odia mai u molopata olami.”
38Pulisi tahi otuugasia boito lopo duloheoĚ’ suaĚ’li boito ode tahidihima pantungo pamalenta lo Roma. TouĚ’ tahidihima pantungo lo pamalenta boito looĚ’dungohe deuĚ’ tei Paulus wolei Silas walaoĚ’ lipu lo Roma, timongolio mailoohe. 39LapataoĚ’ timongolio malonaoĚ’ mota lohile maaĚ’apu olei Paulus wolei Silas, lapataoĚ’ lodepita olimongolio duulota yilumualaoĚ’ lonto tutupa, wau lohile maoĚ’ alihu timongolio monaoĚ’olo monto kota boito. 40Tei Paulus wolei Silas lololaa maoĚ’ tutupa boito tulusi lonaoĚ’ ode bele li Lidia. LapataoĚ’ lodunggaya wolo tau-tauwalo tapalacaya mola teto, wau helongohi maoĚ’ sumangati olimongolio, tei Paulus wolei Silas lomonggato.
Currently Selected:
WUNGGULI LOMONGO RASULU 16: LAIGOR
Highlight
Share
Copy
Want to have your highlights saved across all your devices? Sign up or sign in
