Zónà 2
2
Zónà e sɛ̀nɛ ɓo
1Zónà e sɛ̀nɛ ɓo kpã̀ã́ gé Yàwɛ lɛ́ e à Wálà káa lɛ̀ɛ, 2lɛ́ a gèe,
“M kɛ̀ yéĩ́zɛ̀ lùò káa, m i súo kɛ, Yàwɛ,
lɛ́ i m wè zɛ nɔɔ;
Lɛ m kɛ gɔɔ̀paa, m sɛ̀nɛ ɓo i lɛ̀ɛ,
lɛ́ i m wéèe maa.
3Ƃii i m dùò lɛ̀ gbékèni mɔ̀,
mɛ̀ĩ́ zèí,
lɛ́ yíí paàa e kɛ m mɛ̀ĩ́ píéa;
lɛ́ ɓà mɛ̀ĩ́ goo nù wáà o súlú dɔ̀ wáà dìè m làa.
4Lɛ́ ma gèe, ‘M dùòo lɛ pɛlɛi, m góòo lɛ I wɛlɛ mɔ̀;
zí kpɛɛ̀ lɛ́ m̀ lo kɛɛ a ká zénií ɓà ká púlúa wì?’
5Yíí paàa áà dìè m là,
lɛ̀ gbèkènìa wáà nìɛ̀ m ka,
ɛ̃́ɛ̃́ sùu nì o kɛ nìɛ̀ɛ ká bɛ̃̀ɛ̃ m wũ ka.
6M ló tɔ̃̀ũ̀ gã̀ wì tã́ã̀ gìè,
lɛ́ a gàlà nìɛ̀ e kɛá m ká tòá kília káa mɔ̀.
Lɛ̀ e kɛ kília, i m̀ kɛ̀ɓe sí gùlùa yi,
É Yàwɛ m Wálà.
7Lɛ̀ lɛ́ m zùù e vìáa ɓo m là m yí zàáa,
m zò e vùò i mɔ́ɔ̀ wɔ̃̀ ka, Yàwɛ,
lɛ́ m sɛ̀nɛ ɓo wè e nu i píé ɓà ká púlúa wìa.
8Mia lɛ́ ò gbìnĩ̀ kɛ̀ kɔ̀à wálà lɛ̀ɛ,
wáà o ko gbɛ̃̀ ɓà wánà-wɔ̃̀ɔ̃ mɔ̀.
9Kɛɛ ma yee m̀ zúo gèe wèa,
ḿm̀ lo sálà ɓoò à ká i lɛ̀ɛ;
tó pɛ lɛ́ maà m wè dɔ̀ a káa maà nɔ.
Mia ɓò wɔ̃́ yí lɛ Yàwɛ là pɛ ká.”
10Lɛ̀ e kɛ kília, Yàwɛ e wɔ̃́ gèe kpã̀ã́ã lɛ̀ɛ lɛ́ e sómá Zónà ká mɛ̀ĩ́ kpóṹlàa.
Currently Selected:
Zónà 2: MHB
Highlight
Share
Copy
Want to have your highlights saved across all your devices? Sign up or sign in
