San Marcos 12:29-31

Jesús becabittebe gueni re na: —Ley nu racaru duelha dho tisa guee nna anque tisa rá: “Gualiyienini, lebiꞌi benni Israel, Tata Do Iyyabaaha Benni bananie ri anque Dios gueri, sunruba Ben-na anque Benni bananie ri. Aquinlu gue Tata Do Iyyabaaha Benni bananie lu itú iqui itú lelu, leni itúxea lastoolu lhe leni itú elha rieni guelu lhe leni itú fuerza guelu lhe”.[Ley-na anque benni racaru duelha dho tisa guee.] Ley berupaha nna anque attiba benni: “Aquinlu gue ca benni attiba raquinlu gue la luba.” Tsa lärga birua attu ley te racaru duelha dho tisa guee attichula chupa ca ley-ni.