1 Piyɛr Tar dɔ Makəturu tə̂ le
Tar dɔ Makəturu tə̂ le
Makəturu lə Piyɛr kə̂ dda dɔngɔr nəənn le ula nɛ̂n arə njê-mə-kunnje kə̂ isije ngann bbeje tə̂ min kə̂ Rɔmɛnje â ɔnje dɔɛ̂. Ngann bbeje le toje nangə tə̂ kə̂ Aji Minər ər kə dagoo ddəm kəm kar tə̂ ddəm. Aji minər le daw bbar nan Turki bbokənɛn ngaa. Njê-mə-kunnje le isije nunn to njê-mbaje mba ddee kə̂ n̂-ddeeje to dəwje lə Kristə le (1:1 ; 2:11). Njê-bbeje le ndikijede ang, n̂-mbətəjede. Dundaje tar dɔde tə̂ baa njaa ngaâ dəjəje ta ddajede maji ang.
Piyɛr dda Makəturu nəənn mba karə arəde singa ddəw mə-kunn tə̂ ləde kə ddəw məde tə̂ kə̂ dundaje dɔ Kristə tə̂ ngaâ ta kɔsu kutude karə disije to dəwje lə Lubba.
Makəturu lə Piyɛr kə̂ to dɔngɔrɛ̂ le to mba njê-mə-kunnje kə̂ ləw aw poloje kɔrje dang dang. Bbasinɛn dujude tokə siki ngaa, arə pa-nja ləde tokə ənga kadedeje ang ngaa ddəm tokə ənga dəwje kə̂ n̂-ddaje bbe kə de le ang ngaa ddəm (1:13–2:4) N̂-ddeeje to dəwje lə Lubba ngaa (2:4-10) Dasəje ta tɔ wurde mə nɛ̂nje tə̂ kə̂ aw ngəngje kə de ddəm mə nɛ̂n kəm-to-ndooje tə̂ ddəm mba məde kə̂ dundaje dɔ Kristə tə̂ le aw arəde singa karə disije nɛ̂n (1:3,13,21 ; 3:15).
Makəturu le arə ndəjə dəwje kə̂ toje to bbərəje (2:18 ; 3:6) Bbərəje kə̂ əbbədede to njê-mə-kunnje ang kə dɛnɛ̂nje kə̂ ngawdede to njê-mə-kunnje ang tɔ. Pa-nja ləde a kasə ta dda karə kəsə dəwje gərəje tar mə-kunn. Horo njê-mə-kunnje tə̂, ndiki naan kə bbəəl naan ɔn dɔ pa-nja lə dəwje kə̂ eeje dɔ ngamarəde tə̂, pa-nja lə basanje kə njê-mə-kunnje kâra kâra tɔyn (5:1-7 ; 1:22–2:3). Pa-nja nəənn le tɔju kə ddaka to, marə nɛ̂n kə̂ dâ kunda nɛ̂n tar dɔ njê-mə-kunnje tə̂ goto.
Currently Selected:
1 Piyɛr Tar dɔ Makəturu tə̂ le: KabbaDkS
Highlight
Share
Copy
Want to have your highlights saved across all your devices? Sign up or sign in
© 2020, ACOTBA