EKISODA 3:7-8

Muṋe washu a ri, “Vhukuma ndo vhona u tambudzwa ha vhathu vhanga ngei Egipita. Ndo pfa tshililo tshavho vha tshi ṱavha mukosi nga mulandu wa vhashumisi vhavho. Vhukuma ndi ḓivha u tambula havho. Ndo tsa uri ndi vha lamulele zwanḓani zwa Vhaegipita, ndi vha pfuluse shangoni ḽeneḽo ndi vha ise shangoni ḽa manona ḽo aṱamaho, shango ḽi elaho mukhaha na ṋotshi, haya ha Vhakanana na Vhahithi na Vhaamori na Vhapherisi na Vhahivi na Vhajebusi.