Mattheos 13
13
1Unkan anpetu kin hena en Jesus tipi kin etanhan tankata iyaye c̣a mde kin icahda iyotanka.
2Unkan wicota ḣinca en mniciyapi, hecen iyotanke kta e wata wan en opa, qa oyate kin iyuḣpa hutata najinpi.
3Unkan wiyacinpi on taku ota owicakiyaka, qa heya; Iho, wicaśta woju wan woju iyaya:
4Unkan woju icunhan, apa canku icahda hinḣpaya; hecen waḣupakoza en hipi qa temyapi.
5Qa apa tukten inyan ota ehna iḣpaya, hen maka tonana; unkan oḣankoya hinanpa, maka tonana nakaeś.
6Tuka wi kata aya hehan owasin gu; qa hutkan nica heon etanhan śnija.
7Unkan apa iś wapepeka ehna iḣpaya; unkan wapepeka tanka icage c̣a hecen kte.
8Tuka apa maka waśte en iḣpaya qa etanhan ota icagaapa opawinge, apa wikcemna śakpe, apa wikcemna yamni.
9Tuwe noge winaḣon kta yukan hecinhan, ito naḣon kta.
10Unkan waonspewicakiye cin en hipi qa ḣeciyapi; Tokeca wiyacinpi on owawicayakiya he.
11Unkan iye awicayupte c̣a heya; Maḣpiya wokiconze woanaḣbe kin niye oyakaḣnigapi kta nic̣upi, tuka hena hecen wicaqupi śni, heon etanhan.
12Heon tuwe taku yuhe cinhan nakun qupi kta, hecen iyakic̣uya yuhe kta; tuka tuwe takudan ton śni, tona, yuhe cin hee kaeś kipi ece e kta.
13Heon etanhan wiyacinpi on wowicawakiyaka ece; hecen tonwanpi keś wanyakapi śni, qa winaḣonpi keś naḣonpi śni, qa nakun okaḣnigapi śni.
14Qa hecen Isaya wicaśta wokcan taku eye ciqon iyepi on yuecetupi; Winaḣonpi on nayaḣonpi kta, tuka oyakaḣnigapi kte śni; qa tonwanhan wandakapi kta, tuka idukcanpi kto śni ce.
15Oyate kin de cantepi kin cepa aya, qa nogepi kin kitan se winaḣonpi, qa iśtohmuzapi; hecece śni unkanś, iśta on wanyakapi kta, qa noge on naḣonpi kta, qa cante on iynkcanpi kta, qa ihduhomnipi kta, kinhan asniwicawaye kta tuka.
16Tuka niiśtapi kin wowaśte, on wandakapi ece; qa ninogepi kin wowaśte, on nayaḣonpi ece.
17Awicakehan heciciyapi; Wicaśta wokcan ota, qa wicaśta owotanna, taku wandakapi ece kin hena wanyakapi kta cinpi, tuka wanyakapi śni; qa taku nayaḣonpi ece kin, hena naḣonpi kta cinpi, tuka naḣonpi śni.
18Heon etanhan wicaśta woju qon wiyacinpi kin he ito naḣon po.
19Wicaśta otoiyohi wokiconze oie kin naḣon keś, okaḣnige śni kinhan, he tuwe śice cin en hi, qa taku cante en ojupi qon eyaku ece; iho, canku icahda ojupi icu qon hee.
20Unkan inyan ota en ojupi icu qon he dee; tuwe wicoie kin naḣon qa oḣankoya iyuśkinyan icu;
21Tuka iye en hutkan wanica, hecen ecadan enakiya; tohan wicoie kin on wokakije qa śicaya kuwapi akipa hecinḣan, hinnakaha ayuśtan iyaya ece.
22Unkan wapepeka ehna ojuipi icu qon, tuwe wicoie kin naḣon kin hee; tuka wiconi kin de awacinpi qa woyuha ota wohnaye kin hena wicoie kin kte ece, hecen waskuyeca takudan aicage śni.
23Tuka maka waśte en ojupi icu qon, he tuwe wicoie kin naḣon qa okaḣniga; qa hecen waskuyeca icaḣya ece; apa opawinge, qa apa wikcemna śakpe, qa apa iś wikcemna yamni icaga ece.
24Wiyacinpi tokeca wan owicakiyake c̣a heya; Maḣpiya wokiconze kin wicaśta wan iye tamaga en su waśteśte oju kin he iyececa.
25Tuka wiciśtinma hiyeya icunhan, toka wan en hi, qa aguyapi ehna wayahota oju, qa kihda.
26Unkan ape kin wanna uye c̣a wahuwapa icage kta, hehan wayahota iś nakun tanin.
27Unkan tipi tawa wowidakewicaye cin en hipi qa heciyapi; Itancan, nitamaga en su waśteite oyaju śni he; hecen wayahota kin tokiyatanhan yuha he.
28Unkan iye hewicakiya; Wicaśta wan toka kin heca e hecon. Unkan wowidakewicaye cin hena heciyapi; Unyanpi qa unpahipi kta yacin he.
29Tuka iye heya; Hiya; okinni wayahota kin yapahipi kinhan, nakun aguyapi koya dujunpi kta.
30Ito woksapi kta hehanyan napin icicahiya icage kta. Unkan woksapi anpetu kin he en, wayuksapi kin hewicawakiye kta; Tokaheya wayahota pahipi qa ḣuḣnaḣyapi kta on paḣta po; tuka aguyapi kin he dotopiye mitawa en omnayan po.
31Wiyacinpi tokeca wan owicakiyake c̣a heya; Maḣpiya wokiconze kin sinape su wanji iyececa, he wicaśta wan icu qa iye tamaga kin en oju.
32He su kin owasin iyotan cistinna; tuka icaga hehan wato kin owasin iśnana tanka; qa can iyececa icaga, hecen maḣpiya okinyanpi kin en upi, qa adetka kin en ahiyahan ece.
33Wiyacinpi tokeca wan owicakiyaka; Maḣpiya wokiconze kin on napoḣyapi kin iyececa, he winoḣinca wan icu qa wotpanpi wiyutapi yamni en inaḣman, hecen ocowasin napoḣyapi.
34Dena taka owasin Jesus wiyacinpi on oyate kin owicakiyaka, qa wiyacinpi codan takudan owicakiyake śni.
35Hecen wicaśta wokcan taku eye ciqon yuecetupi, he hecen eya; Wiyacinpi on i wahdukawa kta; taku maka kagapi ehantanhan anaḣmanpi kin he omdake kta ce.
36Hehan Jesus oyate kin hdewicaśi, qa tipi wan en tin iyaya. Unkan waonspewicakiye cin en hipi qa heciyapi; Maga en wayahota wiyacinpi kin he unkokiyaka miye.
37Unkan iye awicayupte c̣a hewicakiya; Tuwe su waśteśte oju qon he Wicaśta Cinhintku kin hee.
38Maga kin he maka ocowasin ee; su waśteśte qon he wokiconze cinca kin hena eepi; wayahota kin he tuwe śica cinca kin hena eepi:
39Toka hena oju qon Wakanśica hee. Woksapi kin he wiconi kin de owihanke kin hee; qa wayuksapi kte cin maḣpiya ehnihde kin hena eepi.
40Heon etanhan, wayahota pahipi qa peta en ḣuḣnagapi qon he wiconi kin de owihanke kin ekta hecece kta.
41Wicaśta Cinhintku kin tona ohnihdewicaye cin hena yewicaśi kta; unkan tokiconze kin etanhan tona waḣtanipi qa taku śica econpi kin owasin pahipi kta:
42Qa peta mde kin en eḣpewicayapi kta; hen wicaceya hi hdakinskinzapi ko yuke kta.
43Hehan wicaśta owotanna kin anpetu wi kin iyecen iyegapi kta, atkukupi tokiconze kin en. Tuwe noge winaḣon kta yukan hecinhan, ito naḣon kta.
44Akeś maḣpiya wokiconze kin he mazaska, maga wan en naḣmanpi kin he iyececa, he wicaśta wan iyeya, unkan anaḣbe c̣a, wiyuśkinyan iyaye c̣a, taku yuhe cin owasin wiyopekiye c̣a, maga kin he opeton.
45Akeś maḣpiya wokiconze kin wicaśta wopeton inyan teḣika akite ciqon he iyeceea ye:
46He inyan teḣika wanjidan, ota iyopeyapi kin, he iyeya, unkan iyaye c̣a, taku tawa kin owasin wiyopekiye c̣a, he opeton.
47Akeś maḣpiya wokiconze kin he ho wan, mde kin en iyoḣpeyapi, qa ocaje owasin etanhan manaye cin, he iyececa;
48He wanna ojudan hehan hutata ahdipi, en iyotankapi, qa waśteśte kin hena cega ohna mnakiyapi, tuka śikśice cin hena eḣpeyapi.
49Maka owihanke kinhan he iyecece kta; hehan maḣpiya ohnihde kin upi kta, qa tona śice cin owotanna unpi kin wiciyopeyapi kin hena iwicacupi kta;
50Qa peta mde kin en iyoḣpewicayapi kta. Heciya wicaceya hi hdakinskinzapi ko yuke kta.
51Jesus hewicakiya; Dena owasin oyakaḣnigapi he. Han, Itancan, eciyapi.
52Hehan hewicakiya; Heon etanhan wowapi kaga otoiyohi, maḣpiya wokiconze on onspekiyapi kin, he wicaśta wan tipi yuhe c̣a, mazopiye tawa kin etanhan taku teca tannika ko ikikcu ece kin he iyececa.
53Unkan Jesus wiyacinpi kin dena ihunnikiya, hehan hetanhan tankan iyaya:
54Qa iye tamakoce kin en ki qehan, omniciye tipi yuhapi kin ohna waonspewicakiya; hecen yuśinyayapi qa heyapi; Woksape kin de, qa wicoḣan tanka, wicaśta kin de tokiyatanhan yuha he.
55Cankajipa cinhintku kin he dee śni he; hunku he Mary eciyapi, qa sunkawicaye cin hena Jakob qa Joses qa Simon qa Judas:
56Qa tawinoḣtin hena owasin unkiyopeyapi unpi śni he; hecen tokiyatanhan dena taku kin owasin yuha he.
57Unkan canniyeyapi. Tuka Jesus hewicakiya; Wicaśta wokcan yuonihanpi ece; tuka iye tamakoce qa iye ti kin ohna yuonihanpi śni.
58Unkan wicoḣan tanka ota hen econ śni, wicadapi śni heon etanhan.
Currently Selected:
Mattheos 13: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
