ମାର୍କ 13:35-37

ଆଲେ ନେ ନାନେ ମିକିଂଙ୍କ୍‍ ସାବ୍‍ଦାନ୍‍ କେସମିନ୍ଦେନ୍‍, ବାତାଙ୍କ୍‍ ଇତ୍କେ ଲୋତ୍‍ତେ ମୁଦ୍‍ପାଲ୍‍ ବେସୁଙ୍କ୍‍ ୱାଦ୍‍ତଣ୍ଡ୍, ମିଡ଼୍‍ ପୁନ୍‍ୱିଡ଼୍‍ ମୂଲ୍‍ପୁଟ୍‍ ବା ନାଡ୍‍ନାର୍କା, ୱିୟ୍‍ଦାନ୍‍ ଗାରେ ବା ପଡ଼୍‍ଦ୍‍ ପେୟ୍‍ତାନ୍‍ ୱେଲେ ଅଣ୍ଡ୍‌‍ ୱାଦ୍‍ ପାର୍ଦ୍‍ତଣ୍ଡ୍‍ । ଅଣ୍ଡ୍‌‍ ଯଦି ଅଟାତ୍‍ ୱାସ୍‍ ଏୱ୍‍ଦ୍‍ତଣ୍ଡ୍‍, ମିକିଂଙ୍କ୍‍ ଉଞ୍ଜ୍‍ତେ ପଡ଼୍‍ୟ୍‍ତାଗେ ଅଣ୍ଡ୍‌‍ ଉଡ଼୍‍ମାକିଣ୍ଡ୍ । ନାନ୍‍ ମିକିଂଙ୍କ୍‍ ବାତେ କେତୁତାନ୍‍, ୱେର୍‍ତଡ଼୍‍କିଙ୍କ୍‍ ବା ଆଦେ କେତୁତାନ୍‍ ଜାଗ୍ରତ୍‍ ଆସ୍‍ ମାନୁଟ୍‍ ।”