ପ୍ରେରିତ 1
1
ପବିତ୍ର ଆତ୍ମାତେ ପ୍ରତିଜ୍ଞା
1 #
ଲୁକ ୧:୧-୪. ପ୍ରିୟ ତିୟଫୀଲସ୍, ନାୱାଦ୍ ମୁନେନ୍ ତିଆର୍ ଆତ୍ତେ ଲୁକ ବଇତାଗ୍ ଜିସୁ ତାନ୍ ପାଡ଼୍ୟି ଆରାମ୍ ମାଡ଼୍ତାଗାକନ୍ସ୍, 2ସ୍ୱର୍ଗତାଗ୍ ଆଦାନ୍ ଯାକ ବେନାସାର୍ରେ ପାଡ଼୍ୟି ମାଡ଼ିମାତ୍ତଣ୍ଡ୍ ନୁ ଶିକ୍ଷା ଇସ୍ ମାତ୍ତଣ୍ଡ୍, ଆୱ୍ଚାରେ ବିଷୟ୍ ଲେକିମାତ୍ତାନ୍ । ସ୍ୱର୍ଗତାଗ୍ ଆଦାନ୍ ମୁନେଙ୍କ୍ ବେନଡ଼୍କ୍ ଅଣ୍ଡ୍ ନିଜେତ୍ ପ୍ରେରିତ ଶିଷ୍ୟ ଇଞ୍ଜ ଏଞ୍ଚି ମାତ୍ତଣ୍ଡ୍, ଅଡ଼୍କିଂଙ୍କ୍ ଅଣ୍ଡ୍ ପବିତ୍ର ଆତ୍ମାତେ ଶକ୍ତିତେ ଆଦେଶ୍ ଇସ୍ମାତ୍ତଣ୍ଡ୍ । 3ଆସୁଟେ ଅଣ୍ଡ୍ ଜିୱୁନ୍ ମାତ୍ତଣ୍ଡ୍, ଇଦ୍ ପ୍ରମାନ୍ ମାଡ଼ାଙ୍କ୍ ନୁ ଶିଷ୍ୟଡ଼ାଦ୍ ଏର୍କା ଦୁର୍ ମାଡ଼ାଙ୍କ୍ ଅଣ୍ଡ୍ ତାନାଦ୍ ଡଲ୍ତେ ପେର୍କେ ଚାଲିଶ୍ ଦିନ୍ ଏୱୁନା ନାର୍ଗେଦାମ୍ ଅଡ଼୍କିଂଙ୍କ୍ ଦର୍ଶନ୍ ଇସ୍ ମାତ୍ତଣ୍ଡ୍ । ଅଡ଼୍ ଜିସୁଙ୍କ୍ ଉଡ଼ିମାତ୍ତଡ଼୍ ନୁ ଜିସୁ ଅଡ଼୍କିଂଙ୍କ୍ ଇଶ୍ୱର୍ତାଦ୍ ରାଜ୍ୟ ବିଷୟ୍ତେ କେସ୍ମାତ୍ତଣ୍ଡ୍ । 4#ଲୁକ ୨୪:୪୯.ଯିରୁଶାଲେମ୍ ଅଡ଼୍ ଅଣ୍ଡୟାଗେ ତିନ୍ଦାଙ୍କ୍ ଗୁଡ଼୍ତେ ୱେଲେ ଜିସୁ ଅଡ଼୍କିଂଙ୍କ୍ ଇଦ୍ ଗଟ୍ ହିତ୍ତଣ୍ଡ୍, “ଜିରୂଶାଲମ୍ ୱିଡ଼୍ସ୍ମାଟ୍ । ସ୍ୱର୍ଗତେ ବାବାଲ୍ ମିକିଂଙ୍କ୍ ବାଆତେ ହିଦ୍ତଣ୍ଡ୍ ଇଞ୍ଜ ପ୍ରତିଜ୍ଞା ମାଡ଼୍ତଣ୍ଡ୍ ନୁ ବେନ୍ ଦାନ ବିଷୟ୍ତେ ନାନ୍ ମିକିଂଙ୍କ୍ କେସ୍ମାତ୍ତାନ୍, ଆଦ୍ ପାଏମ୍ ଆଦାନ୍ ଯାକ କେପାଟ୍ । 5#ମାତିଉ 3:୧୧; ମାର୍କ ୧:୮; ଲୁକ 3:୧୬; ଯୋହନ୍ ୧:33.ଯୋହନ୍ ହେର୍ତାଗ୍ ବାପ୍ତିସ୍ମ ହିତ୍ତଣ୍ଡ୍, ବାତେଙ୍କ୍ ଇତ୍କେ ସୁଦୁଟ୍ ଦିନାତ୍ ଲୋପେ ମିଡ଼୍ ପବିତ୍ର ଆତ୍ମାତଡ଼୍ ବାପ୍ତିସ୍ମ ଆଦ୍ତିଡ଼୍ ।”
ଜିସୁ ସ୍ୱର୍ଗତାଗ୍ ଆତ୍ତଣ୍ଡ୍
6ଅନ୍ଦିନେ ପ୍ରେରିତ ଶିଷ୍ୟଡ଼୍ ଅଣ୍ଡୟାଗେ ମାନ୍ଦାନ୍ୱେଲେ ଜିସୁଙ୍କ୍ କେତ୍ତଣ୍ଡ୍, “ପ୍ରବୁ, ନିମ୍ ଇଞ୍ଜେ ଇସ୍ରାଏଲ୍ଡ଼୍କିଙ୍କ୍ ଅଡ଼ାଦ୍ ରାଜ୍ୟ ମାଲ୍ପି ଇଦ୍ତିନ୍ ?”
7ଜିସୁ କେତ୍ତଣ୍ଡ୍, “ତାରିକ୍ ନୁ ସମୟ୍ତିଙ୍କ୍ ନା ବାବାଲ୍ ତାନ୍ ଅଦିକାର୍ ଗଟ୍ତେ ମାଡ଼ିମିନ୍ଦେଣ୍ଡ୍ । ଇୱୁସାରେ ବେସୁଟ୍ ଗଟେମ୍ ଆଦ୍ତେ, ମିଡ଼୍ ପୁନ୍ଦାଙ୍କ୍ ଦର୍କାର୍ ଇଲେ । 8#ମାତିଉ ୨୮:୧୯; ମାର୍କ ୧୬:୧୫; ଲୁକ ୨୪:୪୭,୪୮.ବାତେଙ୍କ୍ ଇତ୍କେ ମିଇ ପର୍ର ପବିତ୍ର ଆତ୍ମା ଡିଗ୍କେ, ମିଡ଼୍ ଶକ୍ତିଶାଲୀ ଆଦ୍ତିଡ଼୍ ନୁ ଜିସୁ, ପୁରା ଯିରୁଶାଲେମ୍ ଯିହୁଦା ନୁ ଶମିରୋମ୍ ନୁ ପୃତିବିତାଗ୍ ଶେଷସୀମା ଏୱୁନା ନା ସେଙ୍ଗେ ମିଡ଼୍ ସାକ୍ଷି ଆଦ୍ତିଡ଼୍ ।” 9#ମାର୍କ ୧୬:୧୯; ଲୁକ ୨୪:୫୦,୫୧.ଇଦ୍ କେତ୍ତେ ପେର୍କେ ଜିସୁଙ୍କ୍ ସ୍ୱର୍ଗତାଗ୍ ମାୟିଆତ୍ତାଦ୍ ଅଡ଼୍ ଉଡ଼୍ତଡ଼୍ ନୁ ୱେରଡ଼୍ ମାବ୍ ଲୋପେ ଅଣ୍ଡ୍ ଅଡ଼ାୱୁ କଣ୍ଡାନ୍ ମୁନେକନ୍ସ୍ ମାୟିଆତ୍ତଣ୍ଡ୍ ।
10ଅଣ୍ଡ୍ ପର୍ର ଆତ୍ତେ ପେର୍କେ ମିକା ଅଡ଼୍ ଅଣ୍ଡୟ୍ କଣ୍ଡେତେ ସ୍ୱର୍ଗତାଗ୍ ଉଡ଼ିମାତ୍ତଡ଼୍ । ପାଣ୍ଡ୍ରି ଚକାସିଲେ କେର୍ତେ ଇର୍ୱୁଡ଼୍ ନାରୁଡ଼୍ ହଟାତ୍ ଅଡ଼୍ ଗାର୍ରେ ୱାସ୍ ନିତ୍ତଡ଼୍ 11ନୁ କେତ୍ତଡ଼୍, “ହୋ ଗାଲିଲୀୟଡ଼ି, ବାତେଙ୍କ୍ ଇଗେ ନିସ୍ ମୟଲ୍ତାଗ୍ ଉଡ଼ିମିନ୍ଦେଡ଼ି ? ହି ଜିସୁ ମିୟାଗାଙ୍କ୍ ସ୍ୱର୍ଗତାଗ୍ ଆତ୍ତଣ୍ଡ୍ । ବାତେଙ୍କ୍ ଇତ୍କେ ଅଣ୍ଡ୍ ବେଦ୍ରକମ୍ ସ୍ୱର୍ଗତା ଆଦାନାଦ୍ ଉଡ଼୍ତିଡ଼୍, ଟିକ୍ ଆଦେରକମ୍ ଅଣ୍ଡ୍ ମେଣ୍ଡେ ମାଲ୍ସ୍ ୱାଦ୍ତଣ୍ଡ୍ ।”
ଯିହୁଦାନ୍ ପଡ଼ିୟେ ପୁରା ମାଡ଼୍ତଡ଼୍
12ଯିରୁଶାଲେମ୍ତେ ପେର୍କେ ପ୍ରେରିତ ଶିଷ୍ୟଡ଼୍ ଜୀତ ମେଟେତାଗାଙ୍କ୍ ଜିରୂଶାଲମ୍ ମାଲ୍ସ୍ ଆଦ୍ତଡ଼୍ । ଜୀତ ମେଟେ ସହର୍କନ୍ସ୍ ଅଣ୍ଡୟ୍ କିଲମିଟର୍ ଦୁରାମ୍ ମାତ୍ତେ । 13#ମାତିଉ ୧୦:୨-୪; ମାର୍କ 3:୧୬-୧୯; ଲୁକ ୬:୧୪-୧୬.ଯାକୁବ୍ ଆଞ୍ଜ୍ ଅଡ଼୍ ବେଗେ ମାତ୍ତଡ଼୍ ତାନ୍ ପରତ୍ ବାକ୍ଡ଼େତାଗ୍ ଅସ୍ତଡ଼୍ । ଆଦ୍ ପ୍ରେରିତ ଶିଷ୍ୟଡ଼୍ ଆଦୁତଡ଼୍ ପିତର୍, ଯୋହନ୍, ରଙ୍ଗ୍ବୁମ୍, ଆନ୍ଦ୍ରିୟ, ଫିଲିପ୍ପ, ତୋମା, ବର୍ତଲମି, ମାତିଉ, ଆଲ୍ଫିନ୍ ମାର୍ ଜାକୁବ୍ତେ ଦେଶ୍ତିଙ୍କ୍ପ୍ରେମ ମାଡ଼ାନ୍ ଶିମୋନ୍ ନୁ ରଙ୍ଗ୍ବୁମ୍ନ୍ ମାର୍ ଯିହୁଦା । 14ଅଡ଼୍ ନାର୍ଗେଦାମ୍ ୱେରଡ଼୍ ମାନ୍ଦେ ଆସ୍ ପ୍ରାର୍ତନା ମାଡ଼ାନ୍ ସେଙ୍ଗେ ଅଣ୍ଡୟାଗେ ଆସମାତ୍ତଡ଼୍ ନୁ ଅଡ଼୍ତଡ଼୍ ଜିସୁନ୍ ୟାୟ୍ ମରୀୟମ୍ ନୁ ବାଗାତ୍ ନାଟାଙ୍କ୍ ନୁ ଜିସୁନ୍ ବିଶ୍ୱାସୀ ତାମୁଣ୍ଡ୍କିଡ଼୍ ମିକା କାୟ୍ଲମାତ୍ତଡ଼୍ ।
15ଆଦେ ବେସ୍କେ ଦିନାନ୍ ଲୋପେ ସାରେ ଶହେ କୁଡ଼ିଏ ଜାନ୍ ବିଶ୍ୱାସୀ ତାମୁଣ୍ଡ୍ ଅଣ୍ଡୟ୍ ମିଟିଙ୍ଗ୍ତାଗ୍ ପିତର୍ ପେଦେର୍ତଣ୍ଡ୍ ନିସ୍ମିକା କେତ୍ତଣ୍ଡ୍; 16“ଦାଦାଲଡ଼୍ ନୁ ଏଲାସ୍କ୍, ବେନ୍ ଇସ୍କରିୟ ଯିହୁଦା ଜିସୁଙ୍କ୍ ପସ୍ପିଦାନ୍ ମାଇଦିଙ୍କ୍ ଶତ୍ରୁଡ଼୍ ସେଙ୍ଗେ ହାର୍ ତଅସ୍ ମାତ୍ତଣ୍ଡ୍, ଅନ୍ ବିଷୟ୍ତେ ଦାଉଦ୍ ପବିତ୍ର ଆତ୍ମାତଡ଼୍ ଚାଲେମ୍ ଆସ୍ ବବିଷ୍ୟତ୍ ଗଟ୍ କେଞ୍ଜ୍ସ୍ପି ମାତ୍ତଣ୍ଡ୍ । ଦର୍ମଶାସ୍ତ୍ରତାଗ୍ କେତ୍ତାଦ୍ ଆଦ୍ ଗଟ୍ ସାରେ ଆଦାନାଦ୍ ନିଜାମ୍ ମାତ୍ତେ । 17ବାତେଙ୍କ୍ଇତ୍କେ ଯିହୁଦାଲ୍ ମା ଦଲ୍ତାଗ୍ ମେମ୍ବର୍ ମାତ୍ତଣ୍ଡ୍ ନୁ ମା ତଡ଼୍ ପାଡ଼୍ୟିଦାଗ୍ କାଇଲାନ୍ ସେଙ୍ଗେ ହେଞ୍ଚିମାନ୍ଦାନ୍ ଆସ୍ ମାତ୍ତଣ୍ଡ୍ ।”
18 #
ମାତିଉ ୨୭:3-୮. ଅନାଦ୍ କାରାପ୍ ପାଡ଼୍ୟି ତଡ଼୍ ଯିହୁଦା ଦର୍ସ୍କିମାନ୍ଦାନ୍ ଡାବ୍କିନେ ୱେରଡ଼୍ ବୁମ୍ ଆସିମାତ୍ତଣ୍ଡ୍ ନୁ ଆଦ୍ ବୁମ୍ତାଗ୍ ରାଲି ଅଣ୍ଡ୍ ଡଲ୍ତଣ୍ଡ୍ । ଅନାଦ୍ ଡଙ୍କେ ପାର୍କ୍ ଆସ୍ ପଅକ୍ ପେୟ୍ତା । 19ଯିରୁଶାଲେମ୍ତାଗ୍ ମାନ୍ଦାନ୍ ନାରୁଡ଼୍ ଇଦ୍ସାରେ ପୁଞ୍ଜ୍ମିକା ଅଡ଼ାଦ୍ ଗଟ୍ତେ ଆଦ୍ ବୁମ୍ତେ ପେଦେର୍ “ଆକେଲ୍ଦାମା,” ଇତ୍କେ “ନେତୁର୍ ବୁମ୍,” ଇଞ୍ଜ ହିତ୍ତଡ଼୍ ।
20“ଇଦ୍ ବିଷୟ୍ ଗୀତ ସଂହିତାତାଗ୍ ଲେକା ଆସ୍ମିନ୍ଦେ, ଅନାଦ୍ ଲନ୍ ଜନଶୁନ୍ୟ ଆୟି ଆଗେ ବେନ ମାନ୍ମାକିଣ୍ଡ୍ ମେଣ୍ଡେ ଲେକ୍ତାଦ୍ ମିନ୍ଦେ ମେଣ୍ଡେଅର୍ତୁଣ୍ଡ୍ ଅନ୍ ପଡ଼୍ୟେତାଗ୍ ମାନିଣ୍ଡ୍ ।”
21 #
ମାତିଉ 3:୧୬; ମାର୍କ ୧:୯; ଲୁକ 3:୨୧;
ମାର୍କ ୧୬:୧୯; ଲୁକ ୨୪:୫୧. “ଆଦିଙ୍କ୍ ପ୍ରବୁ ଜିସୁନ୍ ପୁନରୁତ୍ତାନ୍ତେ ସାକ୍ଷି ଆଦାନ୍ ମାଇଦିଙ୍କ୍ ମେଣ୍ଡେଅର୍ତୁଣ୍ଡ୍ ମା ତଡ଼୍ କାୟ୍ଲାନ୍ ଦର୍କାର୍ । 22ଜିସୁ ଯୋହନ୍ ତାଗାଙ୍କ୍ ଏର୍ଦିକ୍ୟା ଗ୍ରହନ୍ ମାଡ଼୍ତେ ସମୟ୍ତାଗାଙ୍କ୍ ସ୍ୱର୍ଗତାଗ୍ ପୁନରୁତାନ୍ ଆଦାନ୍ ଯାକ ସାରେଦାମ୍ ପ୍ରବୁ ଜିସୁ ମା ତଡ଼୍ ଆଦାୱାଦା ମାଡ଼ାନ୍ ୱେଲେ, ବେନ୍ ନାରୁଡ଼୍ ମାନ୍ ଦଲ୍ତାଗ୍ ମାତ୍ତଡ଼୍, ଅଡ଼୍ ଲୋପେଙ୍କ୍ ଅର୍ତୁଙ୍କ୍ ସାକ୍ଷି ମାଡ଼ାଙ୍କ୍ ଆଦ୍ତେ ।”
23ଅଡ଼୍ ଇର୍ୱୁଡ଼ାଦ୍ ପେଦେର୍ ହେଞ୍ଚ୍ତଡ଼୍; ଯୋଷେଫ୍ ବେନଙ୍କ୍ ବର୍ଶବା ବା ଯୁସ୍ତସ ଇଞ୍ଜ କେତିତଡ଼୍ ନୁ ମଥୀୟସ୍; 24ମେଣ୍ଡେ ପ୍ରାର୍ତନା ମାଡ଼୍ତଡ଼୍, “ପ୍ରବୁ ନିମ୍ ସାରେତଡ଼ାଦ୍ ହୃଦୟ୍ ପୁତ୍ତି । ଇଡ଼୍ ଇର୍ୱୁଡ଼୍ ଲୋପେଙ୍କ୍ ନି ତଡ଼୍ ବେନ ମନନିତ ମାକିଙ୍କ୍ କେଲ୍ । ଅନ୍ ପାଡ଼ିୟିତାଗ୍ ନି ତଡ଼୍ ଏଞ୍ଚିମାନ୍ଦାନ୍ ଇଡ଼୍ ଇର୍ୱୁଡ଼୍ ଲୋପେକ୍ ବେନ 25ଇଣ୍ଡ୍ ନାରୁଣ୍ଡ୍ ଯିହୁଦାନ୍ ପଡ଼୍ୟେତାଗ୍ ପ୍ରେରତ ଶିଷ୍ୟନ୍ ପାଡ଼୍ୟି ମାଡ଼ିତନ୍ ।” 26ତାନ୍ପେର୍କେ ଇର୍ୱୁଡ଼୍ ଲୋପେକ୍ ଅର୍ତୁଙ୍କ୍ ହେଞ୍ଚାନ୍ ସେଙ୍ଗେ ଗୁଲିବାଣ୍ଟ ଆତ୍ତେ । ଗୁଲିବାଣ୍ଟତାଗ୍ ମଥୀୟସ୍ ମନନିତ ଆସ୍ ଏଗାର୍ ଜାନ୍ ପ୍ରେରିତ ଶିଷ୍ୟଡ଼୍ ଦଲ୍ତାଗ୍ କାୟ୍ଲ୍ତଣ୍ଡ୍ ।
Currently Selected:
ପ୍ରେରିତ 1: NTKaa20
Highlight
Share
Copy
Want to have your highlights saved across all your devices? Sign up or sign in
The New Testament in Koya Language © The Word for the World International and Koya Translation Samithi, Malkangiri, Odisha 2020
