ଜୋହନ 10
10
ମେଣ୍ତାଗାଉଡ଼ୁଦି କାତା
1ଜିସୁ ଇର୍ହାନ୍, ନାନ୍ ସତ୍ ସତ୍ ମିଙ୍ଗିଁ ଇଜିନା, ଏମେ ଲୋକୁ ସେର୍ଲା ସିଜି ମେଣ୍ତାସାଡ଼ାଦୁ ଡ଼ୁଗ୍ଏନ୍, ମାତର୍ ଆଇସାରିଦୁ ଏକ୍ସି ଡ଼ୁଗ୍ନାନ୍, ୱାନ୍ ଡଙ୍ଗାଁ ନି ଡାକୁ; 2ମାତର୍ ଏନ୍ ସେର୍ଲା ସିଜି ଡ଼ୁଗ୍ନାନ୍, ୱାନ୍ ମେଣ୍ତେଙ୍ଗାଁ ମାନ୍ଦାଦି ଗାଉଡ଼ୁଏନ୍ । 3ସେର୍ଲାଦୁ କାପ୍କିନିକାନ୍ ୱାନି ଉଣ୍ତିଙ୍ଗ୍ ସେର୍ଲା ରେନା ସିନାନ୍, ୱାନ୍ ମେଣ୍ଡେଙ୍ଗ୍ ଦର୍ ଆସ୍ସି କୁକ୍ନାନ୍ । 4ୱାନ୍ ନିଜେଦି ମେଣ୍ଡେଙ୍ଗ୍ ୱିଜୁ ସପ୍ତି ୱେନ୍କା ୱାନିକା ଆଗ୍ଡ଼ି ଆଗ୍ଡ଼ି ଗାଉଡ଼ୁଏନ୍ ବୁଲାନାନ୍ ମାରି ମେଣ୍ତେଙ୍ଗ୍ୱିଜୁ ୱାନି ୱେନ୍କା ୱେନ୍କା ବୁଲାନେ, ଇରିଙ୍ଗ୍ ୱାକ୍ ୱାନି ବଲ୍ ନେସ୍ନେ; 5ମାତର୍ ମେଣ୍ଡେଙ୍ଗ୍ ନେସେଇ ଲୋକା ୱେନ୍କା ୱେନ୍କା ଏସ୍କାଙ୍ଗ୍ବା ବୁଲାଉ, ମାତର୍ ୱାନି ଲାକ୍ତୁରାନ୍ ଉରୁକ୍ସିସନେ, ଇରିଙ୍ଗ୍ ୱାକ୍ ନେସେଇ ଲୋକାଦି ବଲ୍ ନେସ୍ତେଙ୍ଗ୍ ଆଟ୍ଉ ।
6ଜିସୁ ୱାରିଙ୍ଗ୍ ଇୟା କାତା ୱେର୍ତାନ୍, ମାତର୍ ୱାନ୍ ୱାରିଙ୍ଗ୍ ଆମା ଆମାକା ୱେର୍ସି ମାର୍ହାନ୍, ଆୟାୱିଜୁ ଇନିକା ଇଜି ୱାର୍ ବୁଜାଦେଙ୍ଗ୍ ଆଟ୍ଏତାର୍ ।
ନେଗି ଗାଉଡ଼ୁଏନ୍ ଜିସୁ
7ଜିସୁ ମାରିଡ଼େସି ୱେର୍ତାନ୍, ସତ୍ ସତ୍ନେ ନାନ୍ ମିଙ୍ଗିଁ ଇଜିନା, ନାନ୍ ଆଜିନା ମେଣ୍ତେଆଙ୍ଗ୍ ସେର୍ଲା । 8ଏମେକାର୍ ୱିଜେରେ ନା ଆଗ୍ଡ଼ି ୱାତାମାନାର୍, ୱାର୍ ୱିଜେରେ ଡଙ୍ଗାଁର୍ଉଁ ମାରି ଡଙ୍ଗାଁକିନିକାର୍, ମାତର୍ ମେଣ୍ଡେଙ୍ଗ୍ ୱିଜୁ ୱାରି ମାଟା ୱେନ୍ଉତେ । 9ନାନ୍ ସେର୍ଲା, ଏନ୍ ନା ସାରି ସିଜି ଡ଼ୁଗ୍ନାନ୍, ୱାନ୍ ରକିୟା ପୟ୍ନାନ୍ ମାରି ଲୋଇ ୱାଜି ମାରି ଆତେରେ ସଲ୍ସି ସାରାଦେଙ୍ଗ୍ ଆଟ୍ନାନ୍ । 10ଡଙ୍ଗାଁର୍ଏନ୍ ୱାନାନ୍ ଡଙ୍ଗାଁକିଦେଙ୍ଗ୍, କାତ୍ତେଙ୍ଗ୍ ମାରି ଦଂସ କିଦେଙ୍ଗ୍ । ନାନ୍ ୱାତାମାନା, ମିଙ୍ଗିଁ ଜିବନ୍ ସିଦେଙ୍ଗ୍, ମିର୍ ଏଣ୍ତେସ୍ ଜିବନ୍ତି ବିସୟ୍ତାନ୍ ୱେଡ଼ିକା ପୟ୍ଦେଙ୍ଗ୍ ଆଟ୍ନିଦେର୍ ।
11ନାନ୍ ନେଗେନ୍ ମେଣ୍ଡେଙ୍ଗ୍ ସାରାକିନିକିଦା; ନେଗେନ୍ ମେଣ୍ତେଙ୍ଗ୍ସାରାକିନିକାନ୍ ମେଣ୍ତେଆଙ୍ଗ୍ ଉଣ୍ତିଙ୍ଗ୍ ନିଜେଦି ଜିବନ୍ ସିନାନ୍ । 12ଏନ୍ ବୁତିଅସି ମେଣ୍ତେଙ୍ଗ୍ମାନ୍ଦା କାପ୍କିନାନ୍, ୱାନ୍ ଗାଉଡ଼ୁଏନ୍ ଆଏନ୍, ବା ମାନ୍ଦାଦି ମାଲିକ୍ ଆଏନ୍, ୱାନ୍ ବେନ୍ଡ୍ର ୱାନିକା ସୁଡ଼ୁଜି ମେଣ୍ତେଆଙ୍ଗ୍ଁ ଡ଼ିସ୍ସି ସନାନ୍, ମାରି ବେନ୍ଡ୍ର ମେଣ୍ତାଦିଙ୍ଗ୍ ଆସ୍ନା ଅନାତ୍ ମାରି କାଣ୍ତିଆ କାବାରା କିନାତ୍ । 13ଇରିଙ୍ଗ୍ ଏନ୍ ବୁତିଅସି ମେଣ୍ତେଙ୍ଗ୍ କାପ୍କିନାନ୍, ୱାନ୍ ଉର୍କୁନାନ୍, ଇରିଙ୍ଗ୍ ୱାନ୍ ବୁତିକିନିକାନ୍ ମାତର୍, ମେଣ୍ତେଆଙ୍ଗ୍ ଉଣ୍ତିଙ୍ଗ୍ ୱାନିଙ୍ଗ୍ ଏତ୍ ସିଲେତ୍ । 14#ମାତିଉ ୧୧:୨୭; ଲୁକ ୧୦:୨୨.“ନାନ୍ ନେଗେନ୍ ମେଣ୍ତେଙ୍ଗ୍ସାରାକିନିକିଦା । ବୁବା ଏଣ୍ତେସ୍ ନାଙ୍ଗିଁ ନେସ୍ନାନ୍ ମାରି ନାନ୍ ବୁବେଙ୍ଗ୍ ନେସ୍ନା, 15ଆୟାୱାଜା ନାନ୍ ନା ନିଜେଦି ମେଣ୍ତେଆଙ୍ଗ୍ ନେସ୍ନା, ମାରି ନା ନିଜେଦି ମେଣ୍ଡେଙ୍ଗ୍ ନାଙ୍ଗିଁ ନେସ୍ନେ, ମାରି ମେଣ୍ତେଆଙ୍ଗ୍ ଉଣ୍ତିଙ୍ଗ୍ ନାନ୍ ନା ଜିବନ୍ ସିଦେଙ୍ଗ୍ ରାଜିମାନା । 16ଏମେ ମେଣ୍ଡେଙ୍ଗ୍ ଇୟା ମେଣ୍ତେଙ୍ଗ୍ସାଡ଼ାଦିକେଙ୍ଗ୍ ଆଉ, ନା ଇୟାୱାଜା ଆଇ ମେଣ୍ଡେଙ୍ଗ୍ ମାନେ, ୱାନିକାଙ୍ଗ୍ ବା ନାଙ୍ଗିଁ ତାତେଙ୍ଗ୍ ଆନାତ୍, ମାରି ୱାକ୍ ନା ବଲ୍ ୱେନେ; ଆବେଟ୍ ଉନ୍ଡ୍ରି ମାନ୍ଧାଦିଙ୍ଗ୍ ମାରି ଅରେନ୍ ଗୋଡ଼ୁ ଆନାନ୍ ।
17“ନାନ୍ ନା ଜିବନ୍ ସିନିଉଣ୍ତିଙ୍ଗ୍ ବୁବା ନାଙ୍ଗିଁ ଜିବନ୍ନୋନାନ୍, ମାରି ନାନ୍ ନା ଆୟା ଜିବନ୍ ମାରିଡ଼େସି ପୟ୍ଦେଙ୍ଗ୍ ଆଟ୍ନା । 18ଏନ୍ ନାମାଣ୍କୁ ନା ଜିବନ୍ ଅତେଙ୍ଗ୍ ଆଟ୍ଏନ୍, ମାତର୍ ନା ବଦାଦାନ୍ ନା ଜିବନ୍ ଦାନ୍ କିନା । ନା ଜିବନ୍ ଦାନ୍ କିଦେଙ୍ଗ୍ ଅଦିକାର୍ ମାନାତ୍ ମାରି ନାନ୍ ମାରିଡ଼େସି ଜିବନ୍ ପୟ୍ଦେଙ୍ଗ୍ ବା ଅଦିକାର୍ ମାନାତ୍ । ଇକା କିନି ଉଣ୍ତିଙ୍ଗ୍ ନା ବୁବାଦିମାଣ୍ନା ଇୟା ଆଦେସ୍ ପୟ୍ତାମାନା ।”
19ଇୟାୱିଜୁ ମାଟା ୱେର୍ଇ ୱେନ୍କା ଜିହୁଦି ଲୋକା ଲୋଇ ମାରିଡ଼େସି ଆଇ ମାଟା ଗଟାତାତ୍ । 20ୱାରି ଲୋଇରାନ୍ ଏସଲୋକ୍ ଇନ୍ଡ୍ରେଙ୍ଗ୍ ଆସ୍ତାର୍, “ୱାନିଙ୍ଗ୍ ଦୁବା ଆସ୍ତାମାନାତ୍, ୱାନ୍ ବାୟା, ଏନ୍ଧା ୱାନି ମାଟା ୱେନ୍ଜିନିଦେର୍ ?”
21ଆଇକାର୍ ଇର୍ହାର୍, ଇୟାୱିଜୁ ମାଟା ତୋ ଦୁବା କାସ୍ତି ଅରେନ୍ ଲୋକୁ ଇୟାୱାଜା ମାଟା ଇନ୍ଏନ୍; ଦୁବା ଇନିକା କାଣା ଲୋକ୍ତି କାଣୁକୁ ତର୍ତେଙ୍ଗ୍ଁ ଆଟ୍ନାତ୍ ?
ଜିସୁଙ୍ଗୁଁ ମାନାଏତାର୍
22ନାସ୍ତିୱାଲେ ଜିରୁସାଲମ୍ତୁ ମନ୍ଦିର୍ ତିଆର୍ କିତି ପଣ୍ତ୍ୟ ଆଜିମାର୍ହାତ୍; ଆୟାୱାଲେ ପିନିକାଡ଼ା ମାର୍ହାତ୍, 23ମାରି ଜିସୁ ମନ୍ଦିର୍ତୁ ସଲମନ୍ତି ଗୁଡିକାଲ୍ତୁ ବୁଲାଜି ମାର୍ହାନ୍ । 24ଆବେଟ୍ ଜିହୁଦି ଲୋକୁ ଜିସୁଙ୍ଗୁଁ ସାରିବେଡ଼୍ତି ଉଣ୍ତାଜି ୱେନ୍ବାଦେଙ୍ଗ୍ ଆସ୍ତାର୍, ମାରି ଏସ ୱେଡ଼ାସାନ୍ଧି ମାଙ୍ଗିଁ ନାମ୍ଇ ୱାଜା ଇଡ୍ନି ? ଜଦି “ନିନୁ ମସିହ, ଆର୍ତିଙ୍ଗ୍ ମାଙ୍ଗିଁ ସତ୍ତାନ୍ ୱେର୍ଆ ।”
25ଜିସୁ ୱାରିଙ୍ଗ୍ ଇର୍ହାନ୍, “ନାନ୍ ମିଙ୍ଗିଁ ଇଜିନା, ମାତର୍ ମିର୍ ବିସ୍ବାସ୍ କିଇଜିନିଦେର୍; ନା ବୁବାଦି ମାଣାନ୍ ଅଦିକାର୍ ନାନ୍ ପୟ୍ଜି ଆମା ଆମା ପାଣି କିଜିନା, ଆୟାୱିଜୁ ନା ବିସୟ୍ତାନ୍ ସାକ୍ୟ ସିଜିନା; 26ମାତର୍ ମିର୍ ବିସ୍ବାସ୍ କିଇଜିନିଦେର୍, ଇରିଙ୍ଗ୍ ମିର୍ ନା ମେଣ୍ଡେଙ୍ଗ୍ ଆଇଦେର୍ । 27ନା ମେଣ୍ଡେଙ୍ଗ୍ ୱିଜୁ ନା ବଲ୍ ୱେନେ ମାରି ନାନ୍ ୱାନିକାଙ୍ଗ୍ ନେସ୍ନା, ମାରି ୱାକ୍ ନା ୱେନ୍କା ୱେନ୍କା ବୁଲାନେ, 28ମାରି ନାନ୍ ୱାନିକାଙ୍ଗ୍ ଏସ୍କାଙ୍ଗ୍ୱିଜ୍ଇ ଜିବନ୍ ସିନା, ମାରି ୱାକ୍ ଏସ୍କାଙ୍ଗ୍ବା ସାଉ, ମାରି ୱାନିକାଙ୍ଗ୍ ନା କିୟୁଦାନ୍ ଏନ୍ ଡ଼ିବିସ୍କିଜ ଅତେଙ୍ଗ୍ ଆଟ୍ଏର୍ । 29ନା ବୁବା ନାଙ୍ଗିଁ ଆମାକା ସିତାମାନାନ୍, ଆକା ୱିଜୁମାଣ୍କୁ ନାଣ୍ତଦାରା, ମାରି ୱାନିକାଙ୍ଗ୍ ବୁବାଦି କିୟୁଦାନ୍ ଏନ୍ ଆକା ଡ଼ିବିସ୍କିଜ ଅତେଙ୍ଗ୍ ଆଟ୍ଏନ୍ । 30ବୁବା ନି ନାନ୍ ଅରେନ୍ ।”
31ଇୟା ମାଟା ୱେନ୍ଞ୍ଜି ଜିହୁଦିଲୋକୁ ଜିସୁଙ୍ଗୁଁ ଡାକ୍ତେଙ୍ଗ୍ଁ ଇଜି ମାରି କାଲ୍କୁ ପେର୍ତାର୍ । 32ଜିସୁ ୱାରିଙ୍ଗ୍ ଇର୍ହାନ୍, ନାନ୍ ବୁବାଦିମାଣାନ୍ ଏସ ନେଗି ପାଣି ମିଙ୍ଗିଁ ତର୍ତାମାନା; ଆୟାୱିଜୁ ପାଣିଦି ଲୋଇରାନ୍ ଏମେ ନେଗି ପାଣିଦି ଉଣ୍ତିଙ୍ଗ୍ ନାଙ୍ଗିଁ ନେର୍ କାଲ୍କୁ ପୋକ୍ତାଜିନିଦେର୍ ?
33ଜିହୁଦିଲୋକୁ ୱାନିଙ୍ଗ୍ ଇର୍ହାର୍, “ନେଗି ପାଣିଦି ଉଣ୍ତିଙ୍ଗ୍ ମାପ୍ ନିଙ୍ଗିଁ କାଲ୍କୁ ପୋକ୍ତାଏଜିନାପ୍, ମାତର୍ ମାପୁରୁ ନିଦା ଉଣ୍ତିଙ୍ଗ୍, ମାରି ନିନ୍ ଲୋକୁ ଆଜି ନିଜେଦିଙ୍ଗ୍ ମାପୁରୁ ସାମାନ୍ କିଜିନି ।”
34ଜିସୁ ୱାରିଙ୍ଗ୍ ଇର୍ହାନ୍, “ମି ସାସ୍ତ୍ରଦୁ ଇକା ରାସାତାମାନାତ୍, ମାପୁରୁ ଇନାନ୍, ମିର୍ ମାପୁରୁଙ୍ଗୁଁ ? 35ଆମାୱାରି ଲାକ୍ତୁ ମାପୁରୁଦି ବାକ୍ୟ ଇଗା ୱାତାତ୍, ୱାରିଙ୍ଗ୍ ଜଦି ୱାନ୍ ମାପୁରୁ ଇଜି ଇର୍ହାନ୍ ମାରି ଦାର୍ମୁସାସ୍ତ୍ର ୱେର୍ଏ କିଦେଙ୍ଗ୍ ଆଟ୍ଏର୍ 36ବୁବା ମାପୁରୁ ନାଙ୍ଗିଁ ପବିତ୍ର କିଜି ଆସ୍କିତାନ୍ନୋ ଇୟା ଦୁନିଆଦୁ ପୋକ୍ତାତାମାନାନ୍ । ଆରିଙ୍ଗ୍, ନାନ୍ ନିଜେଦିଙ୍ଗ୍ ମାପୁରୁଦି ମାରିନ୍ ଇନି ମାଣାନ୍ ମାପୁରୁଙ୍ଗ୍ ନିଦା କିଜିନା ଇଜି ଏଣ୍ତେସ୍ ଇଜିନିଦେର୍ ? 37ଜଦି ନାନ୍ ବୁବାଦି ପାଣିୱିଜୁ କିଏ, ଆର୍ତିଙ୍ଗ୍ ନାଙ୍ଗିଁ ବିସ୍ବାସ୍ କିମାଟ୍; 38ମାତର୍ ଜଦି ନାନ୍ ୱାନି ବଦାଦାନ୍ ନାନ୍ ପାଣି କିନା, ଆରିଙ୍ଗ୍ ନାଙ୍ଗିଁ ବିସ୍ବାସ୍ କିଇତିଙ୍ଗ୍ବା, ନା ପାଣି ସୁଡ଼ୁଜି ବିସ୍ବାସ୍ କିଦୁ । ଆତିଙ୍ଗ୍ ମିର୍ ପୁରା ନେସ୍ତେଙ୍ଗ୍ ଆଟ୍ନିଦେର୍, ମାରି ନା ବୁବା ନା ମାନୁ ମାନାନ୍ ମାରି ନାନ୍ ୱାନିମାନୁ ମାନା ।”
39ଆବେଟ୍ ୱାର୍ ୱାନିଙ୍ଗ୍ ଆସ୍ତେଙ୍ଗ୍ ମାରିଡ଼େସି ସେସ୍ଟା କିତାର୍, ମାତର୍ ଜିସୁ ୱାରି କିୟୁଦୁ ଦାରାସିଏଣ୍ତା ସତାସର୍ହାନ୍ ।
40 #
ଜୋହନ ୧:୨୮. ଆୟାୱେନ୍କା ଜିସୁ ମାରିଡ଼େସି ଜର୍ଦନ ଗାଡାଦି ଆୟାପାଡ଼ି ଇତାନ୍, ଜୋହନ ଏମେ ବାଡିଦୁ ପୁର୍ବେ ଡୁବନ୍ ସିଜିମାର୍ହାନ୍, ଆୟା ବାଡିଦୁ ୱାତାନୋ ଆବେନୁ ତେବାତାନ୍ । 41ମାରି, ନାଣ୍ତଲୋକୁ ୱାନି ଲାକ୍ତୁ ୱାଜି ଇର୍ହାର୍, “ଜୋହନ ଗିଦେ କାବାଆନି ପାଣି କିଏତାନ୍, ମାତର୍ ଇୟା ଲୋକ୍ତି ବିସୟ୍ତାନ୍ ଜୋହନ ଆମାୱିଜୁ ମାଟା ଇର୍ହାନ୍, ଆୟାୱିଜୁ ସତ୍ ।” 42ମାରି, ଆବେନୁ ଗାଦି ଲୋକୁ ଜିସୁମାନୁ ବିସ୍ବାସ୍ କିତାର୍ ।
Currently Selected:
ଜୋହନ 10: NTKoo20
Highlight
Share
Copy
Want to have your highlights saved across all your devices? Sign up or sign in
The New Testament in Konda Porja Language © The Word for the World International and Konda Porja Translation Samithi, Dasamanthpur, Odisha 2020
