यहुन्ना 21:15-17 रोटी खाइऔ यीशुऐ शमौन पतरसा लै बोलौ, “ओ शमौन, यहुन्ना रै छ़ोहरु, का तू इऊं कु बौड़ियौ मुकु प्यार कौरा ई?” तिणीऐ तेसलै बोलौ, “ओ, प्रभु। तू ता ज़ाणाई कि हाऊं ताऊं आइलै प्यार कौराऊ।” तिणीऐ तेसलै बोलौ, “मै | पहाड़ी महासुई (BFZ-NT)

यहुन्ना 21:15-17 BFZ-NT

रोटी खाइऔ यीशुऐ शमौन पतरसा लै बोलौ, “ओ शमौन, यहुन्ना रै छ़ोहरु, का तू इऊं कु बौड़ियौ मुकु प्यार कौरा ई?” तिणीऐ तेसलै बोलौ, “ओ, प्रभु। तू ता ज़ाणाई कि हाऊं ताऊं आइलै प्यार कौराऊ।” तिणीऐ तेसलै बोलौ, “मैरै लोगु रौ ध्यान छ़ाड़।” तिणीऐ तौंइऐ दुजी बारै तेसलै बोलौ, “ओ शमौन, यहुन्ना रै छ़ोहरु आ, का तू मुकु प्यार कौरा ई?” तिणीऐ तेसलै बोलौ, “ओ, प्रभु। तू ज़ाणाई कि हाऊं ताऊं आइलै प्यार कौराऊ।” तिणीऐ तेसलै बोलौ, “मेरी भेरी ज़ाग।” यीशुऐ चीजी बारै तेसलै बोलौ, “ओ शमौन, यहुन्ना रै छ़ोहरु, का तू मुकु प्यार कौरा ई?” पतरस नराज़ हुऔ कि तिणीऐ चीजी बारै तेसलै इणौ बोलौ, “का तू मुकु प्यार कौरा ई?” और तेसलै बोलौ, “ओ प्रभु, तू ता सब कुछ़ ज़ाणाई। तू इणौ भी ज़ाणाई कि हाऊं ताऊं कु प्यार कौराऊ।” यीशुऐ तेसलै बोलौ, “मेरी भेरी च़ार।”

Read यहुन्ना 21

Listen to यहुन्ना 21