Mat 28:12-15

Athembi anene nĩmoombanie na atumĩa na masama ũndũ mekwĩka. Nĩmanengie asikalĩ asu mbesa mbingĩ mũno, na mamea atĩĩ, “Tavyai andũ mũmee, ‘Amanyĩw'a ma Yesũ mokie ũtukũ tũkomete mooya mwĩĩ wake.’ Ethĩwa ũvoo ũsu nũũvikĩa ngavana, ithyĩ nĩtũũneena nake na kũmumya inyw'ĩ mathĩnanĩ.” Kwoou asikalĩ asu nĩmoosie mbesa isu na meeka ũu mataviw'e, na ngewa ĩno ya atĩ amanyĩw'a ma Yesũ nĩmooyie mwĩĩ wake, yanyaĩĩkw'a kwa Ayuti kũvika o na ũmũnthĩ.