Luka 17
17
Moneeni amwe ma Yesũ
(MATHAYO 18.6–7,21–22; MALIKO 9.42)
1Nake amea amanyĩw’a make, Kũitĩa kũka molulutĩkyo; ĩndĩ woo nĩ wa ũla ũtumaa molulutĩkyo moka! 2#Mt 18.6,7.Nĩ ũseo kwake kwoveewa ngingo ĩvia ya ũthia, akekw’a ũkanganĩ, kwĩ kũlulutĩkya kamwe ka tũũ tũnini. 3#Mt 18.15.Ĩsũvĩei ene: ethĩwa mwana‐a‐au eeka naĩ, mũkan’ye; na ethĩwa nũnũkũalyũla ngoo, mũekee. 4#Mt 18.21,22.Na akũvĩtanĩsya mavinda mũonza mũthenya ũmwe, na ooka moka mũonza, akyasya, Nĩnĩalyũlile ngoo; mũekee.
5 #
Mko 9.24. Atũmwa mamwĩa Mwĩaĩi, Twingĩvĩsye mũĩkĩĩo witũ. 6#Mt 17.20; 21.21.Na Mwĩaĩi asya, Kethĩwa mwĩ na mũĩkĩĩo wĩana kaveke kamwe ka kalatali, no kũwĩa mũtĩ ũũ wa mũvolosati, Kũwa ũkavandwe ũkanganĩ; na no kũmwĩw’a. 7Ĩndĩ kwenyu aĩva ũla wĩ na ngombo ĩla ĩnĩkwĩnza, kana kũĩthya malondu, na yĩla yoka kuma mũũndanĩ akĩmĩtavya, Ũka mĩtũkĩ, wĩkale nthĩ ũye? 8Kaĩ ndakamĩtavya, Nzeũvĩsya lĩu nĩye, na ĩndĩ ũyĩvotoa, ũnthũkũme mũvaka nambe kũya na kũnyw’a; na ĩtina naku ũkĩya na kũnyw’a? 9Nake nũmĩtũngĩaa ngombo mũvea nũndũ nĩyĩkie maũndũ ala yĩaĩwe? 10Nenyu no ta ũu, mweeka maũndũ onthe ala mwĩaĩwe, aasyai, Twĩ ngombo ite ũtandĩthyo; nĩtwĩkĩte maũndũ ala twaĩlĩtwe nĩ kwĩka.
Yesũ aivosya aũme ĩkũmi mawaĩte mangũ
11 #
Lk 9.51; 13.22. Na kweethĩwa yĩla maĩ nzĩanĩ makĩthi Yelusaleme, avĩtĩla katĩ wa Samalia na Kalilii. 12#Ali 13.45,46. Na aivota mũsyĩ ũmwe, akomana na aũme ĩkũmi ala mawaĩte mangũ, na maũngama me kũasa: 13na mookĩlya mawasya moo, makyasya, Yesũ, Mwĩaĩi, twĩw’ĩe tei. 14#Lk 5.14; Ali 13.49; 14.2,3.Na amona, amea, Endai mũkeyonan’ye kwa athembi. Na kweethĩwa, maendete, mathew’a. 15Na ũmwe wamo, oona kana nĩwavow’a, asyoka, aimũkatha Ngai na wasya mũnene; 16na avalũka na ũthyũ maũũnĩ ma Yesũ, akĩmũtũngĩa mũvea: nake aĩ Mũsamalia. 17Na Yesũ asũngĩa, asya, Ala mathew’a ti ĩkũmi? Ala kenda maĩva? 18Kũtinoneka angĩ meũsyoka kũtaĩa Ngai, ate o mũeni ũũ? 19#Lk 7.50.Na amwĩa, Ũkĩla ũthi: mũĩkĩĩo waku nĩwakũvosya.
Kũka kwa Ũsumbĩ wa Ngai
(MATHAYO 24.23–28,37–41)
20 #
Yoa 18.36; 3.3. Na akũlw’a nĩ Avalisi yĩla ũsumbĩ wa Ngai wĩũka, amasũngĩa na amea, Ũsumbĩ wa Ngai ndũkaa ũndũ wa kũsyaĩĩw’a: 21#Mt 24.23; Yoa 1.26; 12.35.o na matikasya, Sisyai, kũũ! Kana, Kũya! Nũndũ ũsumbĩ wa Ngai wĩ katĩ wenyu.
22Nake amea amanyĩw’a, Mĩthenya nĩkoka yĩla mũkenda kwona ũmwe wa mĩthenya ya Mwana wa mũndũ, na mũtikawona. 23#Lk 21.8.Na makamwĩa, Sisyai, kũya! Sisyai, kũũ! Manyai kuma vala mũĩ, kana kũmavikĩla: 24#Mt 24.26,27.nũndũ o tondũ ũtisi ũtisaa ngalĩ ĩmwe ya ĩtu, na ũikena ngalĩ ĩla ĩngĩ ya ĩtu; Mwana wa mũndũ akethĩwa ailyĩ ũu mũthenyanĩ wake. 25#Lk 9.22.Ĩndĩ mbee wa maũndũ asu ndatĩa kũthĩnw’a na mathĩna maingĩ na kũlewa nĩ ũsyao ũũ. 26#Mt 24.37–39.Na o tondũ kweethĩiwe matukũ ma Noa, now’o kũkethĩwa kũilyĩ matukũ ma Mwana wa mũndũ. 27#Mwa 7.7–23.Nĩmaĩsaa, nĩmanyusaa, nĩmatwaanaa, nĩmatwaawa, kũvika mũthenya ũla Noa wavotie ngalawanĩ, na kĩla kĩw’ũ kingĩ kyooka, na kyamananga onthe. 28#Mwa 18.20.Now’o kweethĩiwe matukũ ma Loto: nĩmaĩsaa, nĩmanyusaa, nĩmathooaa, nĩmathooasya, nĩmavandaa, nĩmaakaa; 29#Mwa 19.24,25.ĩndĩ mũthenya ũla Loto waumie Sotomo kwauie mwaki na mũvĩlĩtĩ kuma ĩtunĩ, wamananga onthe: 30ũu now’o kũkethĩwa mũthenya ũla Mwana wa mũndũ ũkavuanw’a. 31#Mt 24.17,18; Mwa 19.26.Mũthenya ũsu ũla ũkethĩwa nyũmbanĩ ĩũlũ, na syĩndũ syake syĩ nyũmbanĩ nthĩnĩ, ndakaatheee kũsyosa: no ta ũu ũla wĩ mũũndanĩ ndakaasyoke. 32Lilikanai mũka wa Loto. 33#Lk 9.24.O ũla ũkenda ũvĩtya thayũ wake akawasya: ĩndĩ o ũla ũkasya thayũ wake akoovĩtya. 34Nĩngũmwĩa, Ũtukũ ũsu kũkethĩwa aũme elĩ ũkomonĩ ũmwe; ũmwe nũkoswa, na ũla ũngĩ nũkatiwa. 35#Mt 24.40,41.Kũkethĩwa aka elĩ maithianĩa; ũmwe nũkoswa, na ũla ũngĩ nũkatiwa. 36Andũ elĩ makethĩwa mũũndanĩ; ũmwe nũkoswa, na ũla ũngĩ nũkatiwa. 37#Yovu 39.30; Mt 24.28.Na masũngĩa, mamũkũlya, Nĩ va Mwĩaĩi? Nake amea, O vala vethĩawa kimba, nĩvo ndei syũmbanĩaa.
Currently Selected:
Luka 17: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
