Kîam 23

Sara nîwakwire na Iburahimu akîgûra vandû va kûmûthika

1Sara nîwatûûrire mîaka îgana rîa mîrongo îrî na mûgwanja. 2Nîwacokire agîkuîra Heburoni vûrûrirî wa Kanaani, na Iburahimu nîwacakaire nîûndû wa gîkuû gîake.

3Iburahimu nîwaumire kûu kimba Kîam mûka Sara Kîamrî, akîthiî kûrî Ahiti na akîmeera atîrî, 4#Ahib 11.9,13; Ciîko 7.16 “Nie nîrî mûgeni na ndûûraga gûkû kwenyu. Kwoguo menderieni kîthaka nîguo mone vandû nîngîthika Sara mûka wakwa.”

5Nao Ahiti nîmaamûcokerie atîrî, 6“Mûthuuri ûyû, ta tûthikîrîrie; tue tûonaga ûrî mûtongoria mûnene. Thika mûkaguo mbîrîrarî yetû îrîa mbaro mûno. Gûtirî mûndû wanarî ûmwe gatagatîrî getû ûtangîkûva mbîrîra ya kûthika mûkaguo.”

7Nake Iburahimu nîwenamîrîre mbere yao 8na akiuga atîrî, “Ethîrwa nîmûrenda nthike mûka wakwa ava, namûthaitha mûrie Efironi mûvîcî wa Zohari, 9aamenderie mbîrîra ya Makipela, îrîa îrî vakuvî na rûtere rwa mûgûnda wake. Mwîreni aamenderie guo wa ûrîa ûngîthîrwa ûkiuma, na nîngûûgûra mue mûrî vo nîguo ngîe na vandû va kûthikanaga.”

10Efironi ke mwene meekarîte na Ahiti arîa engî varîa vacemanagîrua kîvingorî Kîam îtûûra rîrîa rînene. Nake nîwacokerie Iburahimu andû acio engî makîgucaga atîrî, 11“Mûthuuri ûyû, tanthikîrîria; Nie nîngûkûva mûgûnda wakwa wonthe wana mbîrîra îrîa îrî kuo. Nîngûva yo mbere ya andû akwa, nîguo ûthike mûkaguo vo.”

12Nake Iburahimu nîwenamîrîrie ûthiû wake mbere ya Ahiti 13na akîra Efironi andû ake makîgucaga atîrî, “Nakûthaitha ûnthikîrîrie Mûthuuri ûyû; Nie nîngûgûra mûgûnda ûcio wonthe. Rîu amûkîra îrîvi rîakwa nîguo nthiî ngathike mûka wakwa kuo.”

14Efironi nîwerire Iburahimu atîrî, 15“Mwathi wakwa, mûgûnda wa sîlûva magana mana nî kîndû kînini mûno gatagatîrî getû nawe? Thika mûkaguo mûgûndarî ûcio.” 16Iburahimu nîwetîkîrire na akîthimîra Efironi mbeca irîa ke aagwetete andû onthe marî vo. Nacio ciarî sîlûva magana mana ithimîtwe na kîthimi kîrîa kîegucanîrîtwe nî andû arîa magûraga makîendagia indo.

17Ûguo nîguo mûgûnda ûcio wa Efironi ûrîa warî Makipela, mwena wa îrathîro wa Mamure watuîkire wa Iburahimu. Mûgûnda ûcio warî na ngurunga na warî na mîtî wonthe. 18Ahiti onthe arîa maarî kûu mûcemaniorî ûcio nîmaamenyire atî mûgûnda na indo cionthe irîa ciarî kuo nî cia Iburahimu.

19Iburahimu nîwacokire akîthika mûka Sara ngurungarî îo yarî mûgûndarî wa Makipela (Heburoni) mwena wa îrathîro wa Mamure vûrûrirî wa Kanaani. 20Kwoguo mûgûnda ûcio wa Ahiti vamwe na ngurunga îrîa yarî kuo, nîwatuîkire wa Iburahimu wa kûthikanaga.

Currently Selected:

Kîam 23: KKB

Highlight

Copy