Secunnu Matteu 1
1
1Libru di la generazioni di Gesù Cristu figghiu di Davidi, figghiu d’ Abramu.
2Abramu fici ad Isaccu. Isaccu fici a Giacobbi. Giacobbi fici a Giuda, e a li soi frati.
3Giuda fici a Fares, e Zara cu Tamar. Fares fici ad Esron. Esron fici ad Aram.
4Aram fici ad Aminadab. Aminadab fici a Naasson. Naasson fici a Salmon.
5Salmon fici a Booz cu Raab. Booz fici ad Obed cu Rut. Obed fici a Gessi. Gessi fici a lu re Davidi.
6Lu re Davidi fici a Salamuni cu chidda, chi fu mogghi d’ Uria.
7Salamuni fici a Roboamu. Roboamu fici ad Abia. Abia fici ad Asa.
8Asa fici a Giosafat. Giosafat fici a Gioram. Gioram fici ad Ozia.
9Ozia fici a Gioatam. Gioatam fici ad Acaz. Acaz fici ad Ezechia.
10Ezechia fici a Manassi. Manassi fici ad Amon. Amon fici a Giosia.
11Giosia fici a Geconia, e a li soi frati a lu tempu di la trasmigrazioni di Babilonia.
12E doppu la trasmigrazioni di Babilonia: Geconia fici a Salatiel. Salatiel fici a Zorobabel.
13Zorobabel fici ad Abiud. Abiud fici ad Eliacim. Eliacim fici ad Azor.
14Azor fici a Sadoc. Sadoc fici ad Achim. Achim fici ad Eliud.
15Eliud fici ad Eliazar. Eliazar fici a Matan. Matan fici a Giacobbi.
16Giacobbi fici a Giuseppi spusu di Maria, di la quali nasciu GesĂą, chi si dici Cristu.
17Tutti li generazioni dunca di Abramu sinu a Davidi sunnu quattordici generazioni: e di Davidi sinu a la trasmigrazioni di Babilonia sunnu quattordici generazioni: e di la trasmigrazioni di Babilonia sinu a Cristu sunnu quattordici generazioni.
18La nascita di Gesù Cristu fu accussì: Essennusi maritata so matri Maria cu Giuseppi, prima chi si juncissiru, si truvau gravida pri opera di lu Spiritu santu.
19Ora Giuseppi so maritu, essennu giustu, e nun vulennula nfamari, pinsau di mannarinnilla occultamenti.
20Ma mentri cci stava pinsannu, eccu un ancilu di lu Signuri, ca cci accumpariu ntra lu sonnu, dicennu: Giuseppi figghiu di Davidi, nun aviri paura di tiniriti a to mugghieri Maria: giacchì chiddu, ch’ è statu cunciputu in idda, è di lu Spiritu santu.
21Idda parturirrà un figghiu: e cci darrai lu nomu di Gesù: giacchì iddu salvirrà lu so populu da li soi piccati.
22Tuttu chistu fu fattu, acciocchì s’ adimpissi zoccu fu dittu da lu Signuri pri menzu di lu profeta, chi dici:
23Eccu la virgini sarrà gravida, e parturirrà un figghiu: e lu chiamirrannu pri nomu Manueli, chi voli diri: Iddiu è cu nui.
24Arrispigghiatusi dunca Giuseppi di lu sonnu, fici comu cci avia ordinatu l’ ancilu di lu Signuri, e si pigghiau a so mugghieri.
25E nun si cci junciu, sinu a chi parturiu lu so primu figghiu: e lu chiamau pri nomu GesĂą.
Currently Selected:
Secunnu Matteu 1: SCN
Highlight
Share
Copy
Want to have your highlights saved across all your devices? Sign up or sign in
First published in 1860 and 1861.
