Lûqa 13
13
Tewbe Bikerê
1A çeq di tayn merdimî amey Îsay hetek ew girweyo ki Pîlatosî#13:1 Pîlatos jew walîyo Romay bi, ey Yawudîye sero hukumdarey kerdê. kerdo, Ey rê va. Celîle ra tayn camêrdî ameyê ki Keyedê Ellay di qurban bikerê. Wexto ki înan qurbanî birnayê, Pîlatosî ê dayê kiştiş ew gûnîya înan û êdê qurbanandê ci kerdê tê mîyan. 2Îsay înan rê wuna va: “Êyê ki kişyayê, şima vanê qay Celîleyijandê bînan ra vêşî gunakarî bî, ay ra wuna ezîyet antî? 3Ezo şima rê vana, nê, eki şima tewbe nêkerê se, şima heme do winî telef bê! 4Yazî, ê des û heşt#13:4 Yazî: heştês merdiman bîyarê xo vîrî, qelaya#13:4 Yazî: kûleyo ki çorşmedê Şîloaxî di guna piro ew des û heşt merdimî ey bin di mendî. Şima vanê qay ê zî, nê merdimê bînê ki Yeruşalîm di mendê, nê hemin ra xirabî bî? 5Ezo şima rê vana, nê, eki şima tewbe nêkerê se, şima heme do zî winî telef bê!”
Enciloro Bêmexel
6Bahdo Îsay înan rê na mesel va: “Rezdê jew merdimî mîyan di jew encilor esto. Mêrdek yeno, geyreno encîlî ew qe jû zî nêvîneno. 7Wexta o reşberdê rezdê xo rê wuna vano: ‘Bewnî, ezo hîrê serrî yo yena ew nê encilorî di geyrena encîlî, hima nêvînena. Ney bibirni! Qandê çiçî quwetê erdî bigîro.’
8“Hima reşber wihêrdê rezî rê wuna vano: ‘Begê mi, emserr zî veradi, hetanî ez çorşmeyê ci bikena ew gubre bida ci. 9Belkî hewna mexel dano, eki serrna mexel nêdano, ma ey birnenê!’ ”
Îsa Rojda Şabatî Di, Jû Cenîyekera Qozix Keno Weş
10Îsay Rojda Şabatî di, jew sînagog di wahzî dayê. 11Uja di jû cenîyeka qozix bî, des û heşt serrîyo ki rihêndo xirab kewtbi ay mîyan, a kerdbi qozix ew ay nêşayê xo raşt kero. 12Îsay a dî ew veynda xo hetek ew ay rê wuna va: “Wayê, nêweşînda xo ra birey!” 13Ey destê xo nay cenîyeker ser, cenîyek jû find' bî raşt û Ellay rê şukur kerd.
14Hima serdarê sînagogî hêrs bi, çiki Îsay na cenîyek Rojda Şabatî di kerdbî weş. Ey şêligî rê wuna va: “Qandê karî, hefte di şeş rojî estê. Ê rojan di bêrê, şîfa buwazê, Roja Şabatî meyêrê!”
15Uja di Rebbî ey rê wuna va: “Şima dirî yê! Şima ra kam herê xo yazî gayê xo hirg roj, yazî Roja Şabatî, arrda simerî ra nîyakeno ew aw ser nêbeno? 16Hima na cenî keyna Îbrahîmî ya, des û heşt serrîyo ki Şeytanî a girêdaya, Roja Şabatî di kes nêşeno ê girî akero ew ay bireyno?”
17Bahdê nê qisandê Îsay, êyê ki Ey vero qisey kerdîbî, ê heme şermayay. Naqor şêligî pêro qandê girweyê hekmetinîyê ki Îsay kerdîbî, înana bol bî şa.
Mesela Dendikdê Simaqî ew Mesela Mîrazî
(Matta 13:31-33; Marqos 4:30-32)
18Bahdo Îsay înan rê wuna va: “Hukumdareya Ellay senîn a, ez şima rê vaja çiçî manena? 19Hukumdareya Ellay zeydê dendikdê simaqîya ya#13:19 Dendikê simaqî bol bol werdî yo. , jew merdim dendikê simaqî gêno, bostandê xo di karreno ew no dendik ruweno, beno dar. Bahdo mirîçikî azmîna perrenê yenê ew gilandê na dara halîn virazenê.”
20Îsay fina va: “Ez vaja Hukumdareya Ellay çiçî manena? 21Hukumdareya Ellay zeydê mîrazî#13:21 Mîraz yazî mîraj ya, jû cenî nûncikekê mîraz gêna, kena jû legenda ardan mîyan û alawena, ew o ê mîrî pêroy tirşeyneno.”
Kêbero Teng
(Matta 7:13-14, 7:22-23; Matta 8:11-12)
22Îsa wexto ki ray ra bi ew şîyê hetê Yeruşalîmîya, sûkan û dewan ra ravêrdê ew wahzî dayê. 23Wexta jewerî Ey ra pers kerd va: “Rebbî, tî yê vanê bol taynî do bireyê?”
Îsay wuna va: 24“Qeyret bikerê ki şima kêberdo teng ra şirê zerre. Ez şima rê nay vaja, bahdo bol merdimî do buwazê şirê zerre, hima ê do nêşê şirê zerre. 25Eki wihêrê keyî werişt kêber kilît kerd se, şima do tebera bimanê. Wexta şima do kêberî bicenê, vajê, ‘Rebbî, ma rê kêberî ak!’
“O do zî şima rê vajo, ‘Ez nêzana şima kamî yê ew kotî ra yê!’
26“Wexta şima do vajê, ‘Ma toya pîya nan werd, şimit ew to kuçandê ma di wahzî dayê.’
27“Hima O do şima rê wuna vajo, ‘Ez nêzana şima kamî yê ew kotî ra yê! Çimandê mi vera dûrî kewê, çiki şima xirabîn kerda!’
28“Wexta şima do bivînê ki Îbrahîm, Îshaq, Yaqûb ew ê pêxemberê bînî, ê heme Hukumdareyda Ellay d'ê, hima şima bixo zî çebîyayê teber, wexta şima do bibermê ew dindananê xo biqîrçinê. 29Rojakewten ra ew rojawan ra, veraroj ra ew peyaroj#13:29 Yazî: zime ra merdimî do bîrê ew do Hukumdareyda Ellay di sifre di roşê. 30Ew bewnîrê, êyê ki heminan dima yê, ê do vernî di bê, ew êyê ki vernî di, ê do zî heminan dima bimanê.”
Îsa Yeruşalîmî Vera Mixul Weno
(Matta 23:37-39)
31A çeq di çend Ferîsî amey ew Îsay rê wuna va: “Werz, tîya ra abiryî, şo cana, çiki Hêrodes#13:31 Hêrodes Antîpas Celîle sero hukumdarey kerdê, ey Yehya eşt zîndan ew bahdo da kişten. (Bewnîrê letedê 3:19-20 ew 23:7.) qayil o to bikişo!”
32Îsay înan rê wuna va: “Şirê, a lûwer rê vajê: ‘Ewro û meştîya ez do rihanê xiraban biqewirna, nêweşan weş kera ew roja hîrin di ez do mirazdê xo resa.’ 33Ez do hewna ewro, meşt ew bîro zî rayda xo ra şira, çiki jew pêxember gerek Yeruşalîmî mîyan di bimiro!
34“Yeruşalîm, Yeruşalîm, pêxemberê ki Ella rişeno to rê, ti înan kişenê ew xeberdaranê ci zî, sî kenê! Ez zî çend finî qayil bîya ki zeydê jû qirpa ki leyrekanê xo arêdana perrzanandê xo bin, zeydê aya qeçandê to arêda çorşmedê xo, hima şima nêwaşt. 35Qandê coy keyeyê şima do, yanê Yeruşalîm do bêwihêr veradeyo! Ez şima rê nay vaja, hinî şima do mi nêvînê hetanî wexto ki şima vajê, ‘Oyo ki namedê Rebbîya yeno, O mibarek bo!’ ”
Currently Selected:
Lûqa 13: diq
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
