Kisah Para Rasul 11:17-18

Jadi sudara-sudara, Tuhan Allah sandiri yang da kase Roh Kudus pa tu orang-orang bukang Yahudi itu. Dia da kase tu Roh Kudus pa dorang sama deng tu Dia da kase pa torang ini waktu torang jadi percaya pa Tuhan Yesus Kristus. Jadi, nyanda mungkin to kita mo malawang tu Tuhan Allah pe rencana?” Pe dengar itu, tu orang-orang Yahudi yang percaya pa Yesus so nyanda se sala lei pa Petrus. Dorang puji deng hormat pa Tuhan Allah kong babilang, “Jadi, orang-orang bukang Yahudi lei Tuhan Allah so kase kesempatan for bertobat supaya dorang bole dapa hidop kekal.”