DIPESALEMA 137
137
Bathopuwa ba hopola Sione
1Mabopong a dinoka tsa Babilona,
re ne re dutse re lla,
ha re hopola Sione.
2Meduwaneng ya tsona
re ne re fanyehile diharepa tsa rona.
3Ke moo ba neng ba re hapile
ba ileng ba re kopa
hore re ba binele;
batubi ba rona
ba re kopa dipina tsa thabo,
ba re:
“Re bineleng difela tsa Sione!”
4Re ka bina sefela sa Morena jwang,
lefatsheng la baditjhaba?
5Haeba nka o lebala,
wena Jerusalema,
letsoho la ka le letona le ke le shwe.
6Leleme la ka
le kgomarele mahalapeng a ka,
haeba ke sa o hopole,
ke sa thabele Jerusalema,
ke sa e thabele ho feta tsohle.
7Morena, ako hopole,
ako hopole bana ba Edomo,
mohla letsatsi la Jerusalema,
ha ba ne ba re:
“E heletseng, e heletseng,
ho isa metheong ya yona!”
8Wena motse wa Babilona,
o seng o tla ripitlwa,
ho lehlohonolo ya tla o buseletsa
seo o re entseng sona.
9Ho lehlohonolo
ya tla nka masea a hao,
a a pshatlanye hodima lefika.
Currently Selected:
DIPESALEMA 137: SSO89SO
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used by permission. All rights reserved.
