MATHIUS, NOPUKU TA FASAO SORE, 16.
NOPUKU TA FASAO SORE, 16.
1AFARASI ia Asatusi niromai nokafakarogeina, nogia aia pe acre kacitia aia keimna tasi vere sore o taragi.
2Aia nifasao neitucage iacre, Pe fiafi komai acowa koutucua, kamasana aratu; ma taragi ouroura.
3Ma ia tapopo, Towa koto iranei; ma taragi ouroura matoru. Kowe acowa tagata aroto erua, acowa arapakau keicitia magane o taragi; kaia acowa sekeiro nokano o avere sore anopoge milownei, mo?
4Tagata milownei isa ma tshigo afine nokofakowia keicitia ane sore o taragi; ma jimra kavagi acre ane sore o taragi, kaia ane sore o ta profita Jona. Aia natshicina acre, nifeke iai.
5¶ Nopegera niana tagata aia nifakairo niromai ia nofokagi, acre nigaro keiamo aofa. 6Iai Iesu neitucage iacre, Fatshigeia ma natshicina acowa ta leven o tagata Afarasi, ma o tagata Asatusi.
7Acre nifasao macre, nokoutucua, Ia ane nei acime nigaro keiamo aofa. 8Iai Iesu nikeiro tira, aia neitucage iacre, Kowe acowa fakarogrogo sisi, tiaha acowa kofasao iacowa ia ane nei, acowa seamo aofo?
9Sekeiromana acowa, foci sekamintua acowa ta aofa erima o ta faiv thousant, ma wamuri efia akato sore acowa nefau nifonu?
10Foci jimra ta fitu aofa o ta for thousant, ma wamuri efiia akato sore nifau nifonu?
11Tiaha acowa sekeiromana pe avau sefasao acowa o aofa, kaia pe acowa fatshigeia ma natshicina ta leven o Afarasi ma o Asatusi?
12Wamuri tira acre nikeiro aia nifakairo acre jimra natshicina leven o aofa, kaia ta leven afaikairo o tagata Afarasi ma o tagata Asatusi.
13¶ Nopogera Iesu nimai ia watai o fanua o Sisaria Filipai, aia nifakowia niana tagata aia nifakairo, nokoutucua, Tagata koutucua avau ta Nontariki o tagata akai?
14Acre neitucage, Faru koutucua pe akoi Joanes ta Baptiso, faru Eleija, ma faru Jeremaia, mo tasi o acre aprofeta ituai.
15Aia neitucage iacre, Kaia acowa koutucua avau akai?
16Saimona Pitrus nifasao neitucage, Akoi ta Kristo, ta nontariki o o Atua komouri.
17Iesu nifasao neitucage iateia, Erefia akoi, Saimona ta nontariki o Jona; ma tagata sefakairo akoi tira, kaia tshaku Tata aia konofo ia taragi.
18Avau koutucua foci iatakoi, Pe akoi Pitrus, ma iluga tafatu nei, avau kafakaturia tshaku ta Kalasia ma atomatua o tumrai isa setaroce aia.
19Avau katufwa akoi aki o tavaka o taragi; tagata akai akoi kafousia ia afanua wararoni, kafousia ia taragi, ma akai tagata akoi eivetea ia afanua wararoni kavetea foci aia ia taragi.
20Iai aia neitucuasana niana tagata aia nifakairo, pe acre sekoutucua tatane tasi aia Iesu ta Kristo.
21¶ Wamuri nopoge tira Iesu neikamata keifakairo niana tagata aia nifakairo, pe taha nopoge aia kafano ia Jerusalem, ma nimy o ane nalupai o tagata sore, ma o tagata fatoriki o tafare mori, ma o tagata fakairo, ma kataia aia komate, ma ia nopoge toru wamuri aia kamasike kamouri foci.
22Iai Pitrus niamo aia, neikamata keisaciria aia, nokoutucua, anera kanofo papai iatakoi Teriki sore; anera sekamai iatakoi.
23Kaia aia nitafuri ma neitucage ia Pitrus, Fano akoi wamuri avau Satana; akoi takaroiai avau; ma akoi sectiafakarafia ane o Atua, kaia anea o tagata.
24¶ Iai Iesu neitucage niana tagata aia nifakairo, Pe tatane tasi kamai wamuri avau, erefia aia natshicina anea aia acitiafakarafia, ma amo tshana fakaravasia ma komai wamuri avau.
25Ma pe tasi tagata kapurutshia tshana aniamouri, aia kaiauiai aia, ma pe tasi tagata kaiauiai tshana aneamouri iatavau aia kamo aia.
26Ma taha erefia tasi ia tatane, pe aia kamo iafanua iotshi ma iauiai tshana nokano iateia? mo taha tatane katufwa keiioria tshana nokano?
27Ma ta Nontariki o tagata kamai ia tomatua o Tamana ia niana agelo, i nopoge tira aia kaioria tagatotshi hepe tshare avere.
28Tamari avau koutucua iacowa, Faru tagata nokotu icunei acre semate mana mokagi acre kaucitia ta Nontariki o tagata nokomai ia tshana vaka.
Currently Selected:
MATHIUS, NOPUKU TA FASAO SORE, 16.: ANT
Highlight
Share
Copy
Want to have your highlights saved across all your devices? Sign up or sign in