MATHIUS, NOPUKU AFASAO SORE, 15.
NOPUKU AFASAO SORE, 15.
1NOPOGERA niromai ia Iesu tagata fakairo ma Afarasi, o acre o Jerusalem, nokoutucua,
2Tiaha tshou tagata akoi fakairo iauiai fakairo o tagata ituai? ma acre sefakafano mokagi acre kakeina aofa,
3Kaia aia nifasao neitucage iacre, Tiaha acowa foci iauiai afasao tapu o Atua ia takairo o tagata ituai tshowa?
4Ma Atua nifakairo tapu, nokoutucua, Maganerefia ia tamau ma nau, ma, Aia kafasosa tapu ia ta mana mo nana, katshi aia mate iateia.
5Tenei acowa koutucua, Pe tasi katucua ia tamana mo nana, avou setufwa akoi anea nakasitu akoi, kaia, aia kovage ia atua.
6Ma aia sekasitu ia tamana ma nana. Ia fakairo tira acowa neimna ta fasao tapu o Atua taru ia tshou afasao o tagata ituai.
7Acowa tagata arotoua erua, tamari Aisaia nifakairo tshou magane nokoutucua,
8Tagata nei koromai itata avau ia rogoutuorea; ma mori iatavau ia nofafa; kaia tshare roto nofo papai iatavau.
9Kaia isa acre mori iatavava, nokofakairo hepe tshaku fasao tafasao o tagata ana.
10¶ Aia neitapa tagatotshi nifetacina iai, ma neitucage iacre, Fakarogona ma keiro;
11Jimra takai fano ia nofafa iauiai tagata; kaia afasao mai watafa nofafa o tagata iauiai tagata.
12Iai niana tagata aia nifakairo nimai neitucage iateia, Akoi keiro Afarasi nifakainina wamuri acre nifakarogona afasao tira, mo jimra?
13Kaia aia nifasao neitucage, Iotshi tererakau tshaku Tata ia taragi sepopra, kafetacina aia ia noaka.
14Natshicina acre, acre foimata pouri arafia tagata foimata pouri. Ma pe tagata foimata pouri arafia tagata foimata pouri foci, acrawa kotu ia ta terua.
15Iai Pitrus nifasao neitucage iateia, Fakairo acime nokano o fakatagasia tira.
16Iesu neitucage, Acowa foci ma sekeiro mana, ma?
17Acowa keiro, mo jimra, pe iotshi takai fano ia nofafa ma fano ia nonai, foci fano watafa ia nontafa iateia?
18Kaia ane iotshira komai watafa rogoutu komai ia aroto, ma acre iouiai tagata.
19Ma ia aroto mai afinagaro isa, kotaia tagata, tshigo afine, tshigo afine tsha faruke, atshigo, arasia tagata, afasosa itapu;
20Ane iotshira iauiai tagata; kaia pe keina ia norima sefakafano seiauiai tagata.
21¶ Nopogera Iesu nifeke iai, nifano ia watai o fanua o Tairus ma Saiton.
22Kowcitia, ta fine o Kenan nimai watai iai, nitapa iateia, nokoutucua, Kowcitia fakarafia avau, Teriki sore, Nontariki o Tevit, Tshaku nofine kowkali ia agelo isa.
23Kaia aia sefasao iateia. Niana tagata aia nifakairo niromai nogia aia, nokoutucua, kownace aia; ma aia nokotapa wamuri acitia.
24Kaia aia nifasao neitucage, Aia sekowna avau, kaia ia sip sokocriano o ta fare o Isreil.
25Iai aia nimai nimori aia, nokoutucua, Teriki sore, asitu avau!
26Kaia aia nifasao neitucage, Jimra erefia keiamo takai o atamerecriki ma keitowaki aia ia akuli.
27Aia neitucage, Tamari Teriki sore; kaia akuli keini ta nopecpeci pe merigi ia ta fata o tshare teriki.
28Iei Iesu nifasao neitucage iateia, Kai tafine, kosore tshou fakarogrogo; erefia anera komai iatakoi hepe akoi acitiafakarafia. Ma tshana nofine neipenena ia our tira.
29¶ Iesu nifeke none iai, nimai itata tatai o Calili, nifitshi taora tasi, neinofo iai.
30Tagata nalupai su nifetacina iateia, niarafia ia acre tagata nisape, acre foimata pouri, acre tano, acre notshino isa, ma nalupai foci, neinage acre emoa avai o Iesu; ma aia neipenpena acre;
31Neimna tagatotshi iai nimasaro, iai acre neicitia tagato tano keifasao, acre notshino isa mo nopito jimra neipenpena erefia, acre sape keiroro erefia, acre foimata pouri keicitia; ma acre nibisa i Atua o Isreil.
32¶ Iai Iesu nitapa niana tagata aia nifakairo iateia, neitucage, Avau karafeina tagata nalupai su fetacina, ia ane nei acre neinofo iatavau nopoge toru, ma niare akai kojimra, avau jimra kakownace acre tshitogi, mo acre kamatise ia teretu.
33Niana tagata aia nifakairo nokoutucua iateia, Wehe acime nakamo aofa nalupai ia tugogau keimna tagata nalupai su hepera makona?
34Iesu neitucage iacre, Efia aofa tshowa? Acre neitucage fitu, ma eika sisi toru ana.
35Aia nifasao ia tagatotshi nifetacina iai keinofo ia takere.
36Aia niamo aofa fitu ma eika, nimori iateia, nitoututshia neitufwa niana tagata aia nifakairo, ma niana tagata aia nifakairo neitufwa tagatatshi iai.
37Acre iotshi nikeina iai nimakona, acre nifetacina nopitopito kai nokonofo iai wamuri nifau fitu akato nifonu.
38Acre nikeina iai hepe for thausant fakou, setawa fafine ma atamerecriki nikeina iai.
39Aia nikownace tagatotshi nifetacina iai, ma nisopo tavaka nimai ia watai o fanua o Mactala.
Currently Selected:
MATHIUS, NOPUKU AFASAO SORE, 15.: ANT
Highlight
Share
Copy
Want to have your highlights saved across all your devices? Sign up or sign in