मत्याल 23
23
सास्त्रमगूरुरा, परुसिरा सोङु
1-2अस्के पया येसु तनाङ कग़यवालोरिन ओसो मुडुन इतोग़, “सास्त्रमगूरुर ओसो परुसिर, वेरिह्कु मोसानाङ अडोङ काग़्हतनद अदिकर मन्ह्ता. 3अदिनेनाह्क ओरु मीक बाताङ बाताङ वेहतनुर, अव सबे पोल्लोनु मीट माळाटु, नोमाटु; मति ओर कीतप मीट बह केमाटु. बह इतेके ओर सिरप लोकुरिह्के वेहतह्तोर, मति तमा इतेके अह केवोर आस्तोर.#रोम सहरतोर 2:21 4वेर वेहतव अडोङ, मीक पका बेरा मोतालेह्का आस्ताङ. मति अद मोतातुन तमा इतेके, कयतेला बोयिस ऊळोर.#लूकाल 11:46; बळयिर 15:10; 1 योहन 5:3
5“वेर तमाङ कतम कबस्किन लोकुर ऊळना इन्जि कीस्तोर. देवुळता पोल्लो रासिसि निहच तासतव ताय्तिङ बेराङ-बेराङ पंडिसि, वेरु तमाङ डंडाकय्कनगा ओसो कपरातगा दोहतह्तोर. ओसो तमाङ गेंदे-कोङिह्कु लाट-लाट लासाङ वेळ्हतह्तोर. लोकुर वेरिन पका कर्तुळ इनदना इन्जि वेर इह कीस्तोर. 6वेरिह्क कुळ्पिनगा ओसो पार्तनाताङ लोह्कनगा, बेरोर उदवालोराङ जागाङ गावले.#लूकाल 11:43 7लोकुर वेरिन गोटुस्कनगा जोहर कीयना ओसो ‘गूरु’ इनदना, इद्रमताङ वेरिह्क बेसु.#मार्कल 12:38-40; लूकाल 20:45-47
8“मति मीकु बोग़े ‘गूरु’ इनमाकेग़. बाराह्क इतेके नना ओर्वोनन मीवा गूरुनन, मीट मात्रम कतमतोरिर तमोग़-दादालोरिर मह्निर, मियगा उड्लोग़-बेरोग़ इलविर.#पिलेमोन 16 9अद्रमे इद बूमते बोने मीटु ‘बाबा’ इन्जि मान एमाटु, बाराह्क इतेके देवुळदीपते मनवाल मीवा बाबाल, ओन्के इद्रमता मान ईयनद ओप्पिह्ता. 10ओसो मीकु बोग़े ‘माल्का’ इन्जि इनमाकेग़. बाराह्क इतेके देवुळ लोहतोग़ पिसिह केवानन, ननाने मीवा माल्कानन आंदन. 11मति देवुळता मुनेह मियगा सबेट्क बेरोग़ बोग़ आयलाह ऊळिह्तोग़, ओग़ मीवा सेवा केवाल आयेग़. 12बोग़ तन्क बेरोग़ कीयनोग़, देवुळि ओन उड्लोग़ कीयग़ा. अहे बोग़ कुलुल बुदते ताकिह्तोग़, ओन देवुळ बेरोग़ कीयग़ा.#लूकाल 14:11; 18:14; याकुब 4:6; 1 पत्रु 5:6
13“ए सास्त्रमगूरुरिर ओसो परुसिरिर, मीट सोङ केवालोरिर! देवुळि मीक पका सिक्सा ईयग़ा! बाराह्क इतेके देवुळता राजेमतके वावालोरा अग़ मीट केहतह्निर. मीट कुद वने ओळियविर, ओसो ओळियवालोरिन वने दाया एविर.#लूकाल 11:52
14[“ए सास्त्रमगूरुरिर ओसो परुसिरिर, मीट सोङ केवालोरिर! मीक बेचोटा गोसा आयग़ा! बाराह्क इतेके मीटु रांडे आस्कना सम्सरम तिन्ज मुळ्हतह्निर. ओसो सोङ कीतपु, वेल्लाय जोम रोमवा पार्तना कीय्ह्निर. इदिनेनाह्क मीकु ओसो एक्वा सिक्सा आयग़ा!]#23:14 मत्याल 23:14 इद वचन उचुके मोदुल काग्देह्कने मन्ह्ता, सबेटविस्कने इले.
15“ए सास्त्रमगूरुरिर ओसो परुसिरिर, मीट सोङ केवालोरिर! मीक बेचोटा गोसा आयग़ा! बाराह्क इतेक मीट दुस्राङ-दुस्राङ देसेह्कनगा, यहुदि दर्मते ओळियवाल वग़ोग़े कग़यवान दोर्किह कीयलाह,#बळयिर 2:9-11; 6:5; 13:43 बूमतुन मारिह कीय्ह्निर! ओग़ दोर्कतस्के पया मीट ओनु मीकाय एक्वा, पिववद किसबटटा सिक्सातुह्कु ओप्पनाह कीय्ह्निर.
16“ए अग़ तोहतह्नोम इनवालोर गुडिरिर! मीक बेचोटा गोसा आयग़ा! बाराह्क इतेके ‘बोग़ाय मंदिरता गूडटा किरिया कीतेके, ओन अद किरिया पोयो. मति बोग़ गूडटा बंगरता किरिया कीस्तोग़, ओन मात्रमि अद किरिया पोयह्ता,’ इन्जि मीट काग़्हतह्निर. 17ए बय्तळ गुडिरिर!#रोम सहरतोर 2:19 गूडटगा मनाह्के अद बंगर पवित्र आस्ता, इतेके बेरा बेद, बंगरा, गूडिया? 18ओसो ‘बोग़ मंदिरतगा गर्याता किरिया कीस्तोग़, ओन अद किरिया पोयो. मति गर्याता पोग़ोन वाटटदिना बोग़ किरिया कीस्तोग़, ओन अद किरिया पोयह्ता,’ इन्जि मीट काग़्हतह्निर. 19ए गुडिरिर!#रोम सहरतोर 2:19 गर्यातगा मनाह्के, वाटटद मोक आयि, कोड आयि, पवित्र आस्ता, इतेके बेरा बेदु, गर्याया, बार कोडिया? 20अदिह्क बोग़ गर्याता किरिया कीस्तोग़, ओग़ु गर्याता ओसो गर्यातगा वाटटदिना किरिया कीस्तोग़. 21ओसो बोग़ु मंदिरता गूडटा किरिया कीस्तोग़, ओग़ु अगा मोळ्कनद देवुळता किरिया कीस्तोग़. 22ओसो बोग़ु देवुळदीपता किरिया कीस्तोग़, ओग़ु देवुळता राजगादेता ओसो ताना पोग़ोन उदनदिना किरिया कीस्तोग़. (अदिनेनाह्कु बेगाय बेगा अद किरिया पोयतह्ताये!)
23“ए सास्त्रमगूरुरिर ओसो परुसिरिर, मीट सोङ केवालोरिर! मीक बेचोटा गोसा आयग़ा! बाराह्क इतेके मीटु जीरा, सोप, इद्रमता पंटाता वने, दहा तूस्कनग्डाहि उंद तूस देवुळतुह्क कोड ईय्ह्निर. मति सेतेमते नेयम कीयना, जीवा लोपना, देवुळतगा बर्वस तासना, अडोना सास्त्रमते रासतव इद्रमताङ मोदुल पोल्लोन मीट विळ्सतिर. मति अव उड्लाङ पोल्लोन वने माळनाय मता, ओसो इव मोदुल पोल्लोन वने माळनाय मता.#लूकाल 11:42 24ए अग़ तोहतह्नोम इनवालोर गुडिरिर!#रोम सहरतोर 2:19 बोग़ बुसिन बार वाळा पोस पोहतह्तोग़, मति रूटुमतुन बार ऊळवा, गुस्क्ने लोपिह्तोग़, (अद्रमलेह्का मीट उड्लाङ-उड्लाङ पोल्लोन पका नोमिह्निर, मोदुल पोल्लोन बार मुर्तिय सीता केविर.)
25“ए सास्त्रमगूरुरिर ओसो परुसिरिर, मीट सोङ केवालोरिर! मीक बेचोटा गोसा आयग़ा! बाराह्क इतेके मीटु गिनेङ-बट्किन सिरप पलतेनाह तोमिह्निर, मति लोप्पाडेके इतेके, उळ्बेते लोकुरिन जाळ्पिसि दोर्किह कीतद मादे निंदिस मन्ह्ताङ.#लूकाल 11:39 26ए बुदते गुडि मनवालोर परुसिरिर!#रोम सहरतोर 2:19 मुने बट्कितुन लोप्पा तोमना, अस्के अद पलत वने वेडग़ा. (अद्रमे मुने मीवा पोटालोप्पाडाङ विचर्क नेह्नाङ आयिङ, अस्के पया मीवाङ कबस्क वने नेह्नाङ मनदनुङ.)
27“ए सास्त्रमगूरुरिर ओसो परुसिरिर, मीट सोङ केवालोरिर! मीक बेचोटा गोसा आयग़ा! बाराह्क इतेके मीटु पांड्रि चुना ओकताङ गुमयानलेह्का मह्निर.#बळयिर 23:3 अव पलतेनाह इतेक पका सोबा दिसिह्ताङ, मति लोप्पाडेके ऊळतेके, सेत्तानाङ बोकाङ, कळियताङ-कळियताङ एग़्स्किसि किडुम पोस मन्ह्ताङ.#लूकाल 11:44 28अहे मीट वने पलताहि लोकुरिह्क पका सेतेमतोरा लेह्का दिसिह्निर. मति मीवा पोटालोप्पा नाळेह कीयनद बुद, पापम बुदि निंदिस मन्ह्ता.
29“ए सास्त्रमगूरुरिर ओसो परुसिरिर, मीट सोङ केवालोरिर! मीक पका सिक्सा आयग़ा! बाराह्क इतेके मीटु मुनेतोर देवुळता कबुरतोरिन ओसो सेतेमतोरिन मान ईयलाह, ओराङ गुमयान सिंग्रम कीय्ह्निर, बंडाङ ओग़्सिह्निर.#लूकाल 11:47 30अह कीसि मीट इह्निर, ‘माट मावाङ तादोर-बाबोरा कालमते मन्ज मतेके, देवुळता कबुरतोरिन हव्कवालोरा तोळ आयोम आवेरोम.’ 31इद्रम इन्जिये माट मुनेतोर कबुरतोरिन हव्कतोरा जालपिल आंदोम इनजोर, मीट कबुल आय्ह्निर.#2 इतिहास 36:15-16; मत्याल 23:37; बळयिर 7:52(ओसो नावाङ केंजवोरिर आसि, मीवा तादोर-बाबोरा लाग्वा बुदतुन मीट विळ्सविर इन्जि तोहतह्निर.) 32-33ए वीसमतरसलेह्काडोरिर! माट नेह्नाङ कीय्ह्नोम इह्निर इतेके कीम्ह्टु! कीम्ह्ट, मीवाङ तादोर-बाबोरा लेह्का! ओरा सुरु कीतद पापमतुन मीट मारिह कीम्ह्ट!#1 तिसलुनितोर 2:16 मति मीटु बगबग मळ्गनद किसबटटा सिक्साताहि बह पिह्ट अरयकिर? 34केंजाट, नना मियके कबुरतोरिनु, सेहनालोरिनु, सास्त्रमगूरुरिनु लोहतकन. मीटु ओरिन उच्वुरिन हव्कनागुटातगा वेळ्हतकिर, हव्ककिर, ओसो उच्वुरिन मीवाङ पार्तनाताङ लोह्कने सोग़्पा-जूटटे नल्हतकिर, नल्हचि ओरिनु नाह्क-नाह्क कोहतकिर. 35नना ओरिन बाराह्क लोहतकन इतेके, बोर मुनेतोर सेतेमतोर लोकुरिन हव्कतोरु, ओरिन हव्कतद पापमता सिक्सा, कतम मीवा पोग़ोन अरयना इन्जि.#तोहचीतव पोल्लोङ 18:24 ओर सेतेमतोर लोकुर बोर इतेके, सुरुमुने सेतेमते मतोग़ हाबेल#पुटमुळि 4:8-10 वेनग्डाह बर्काना मग़ि जकरिया बूमयानगा#2 इतिहास 24:20-22 एवनाह (वेने कोनि मंदिरता गर्या ओसो गूडटा नडुम हव्किस मतोर).#23:35 हाबेल इतेके मुनेतोग़ मन्कल आदमना पेकाल, वेन तमदादाल हव्कतोग़, इद मुनेता हव्कतद कबळ आंदु. देवुळता पाळ्ना सास्त्रमते, यहुदिरा सास्त्रमता आक्रिता पुस्तक 2 इतिहासते, जकर्या बूमयान हव्कतद पोल्लो वेहतद मन्ह्ता. 36इह केंजाट, नना सेतेम वेहतह्नन, इव हव्कनाङ कबस्कना पूरा सिक्सा मीट नावाङ केंजवोरिर, इद पीळतोरगा अरयग़ा.#लूकाल 11:49-51
37“ए येरुसलेमतोरिर, ए येरुसलेमतोरिर देवुळता कबुरतोरिन हव्कवालोरिर,#2 इतिहास 36:15-16; मत्याल 23:31; बळयिर 7:52 मियके देवुळ लोहतोर बळयिरिनु बंडाङ उकवालोरिर! बेद्रम तलोग़ कोग़ु तनाङ पीसेन काग़ोलिह्ता, अद्रमलेह्काने मीकु नयगा गुम कीयना इन्जि, बेचोको मल्काङ नावा विचर आंदु! मति मीट नाकु अह कीयलाह एविर. 38केंजाट, मीवा मंदिर इम्ने आनाह, देवुळि मीक विळ्सिस दायग़ा. 39नना मीक वेहतह्नन, नना मल्स वायनस्के ‘देवुळबाबाना अदिकर पोस वावाह्कु देवुळता देय्वा दोर्कि!’#देवुळताङ पाटाङ 118:26 इनजोर मीट इनदकिर, अचानाह नना मीवाङ कोंडाह्क मुर्तिय दिसोन आयकन,” इन्जि इतोग़.#लूकाल 13:34-35
Currently Selected:
मत्याल 23: माडियाबाय्बल
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
