योहन 19

येसुनु हव्कनागुटाता सिक्सा ईस्तोर

(मत्याल 27:22-30; मार्कल 15:12-19; लूकाल 23:20-25)

1पया पिलाति येसुन जूताते नल्हता वेहतोग़.#मत्याल 27:26 2पया सीपय्कु कोयेना गीळ पंडिसि, ओना तलातगा गळ्म कीतोर, कीसि डुंगा पंड रंगता जगा (राजाल केग़तपु) ओन केग़्‍पिह कीतोर. 3अह कीसि ओर पास्कलाह आतोर, “जोहर यहुदिरा राजानिन!” इन्जि, ओन चापुळ वने ईंदुर.#मत्याल 27:27-30; मार्कल 15:16-19; योहन 18:22 4पया पिलाति ओसो पलत पेसिसि लोकुरिन इतोग़, “ऊळाट, ओनगा नाक बातय कसुर दोर्को, इद मीक तेळियना इन्जि, नना ओन मियके पलत पेहच ततह्‌नन.”#लूकाल 23:4; योहन 18:38; 19:6 5अस्के येसु कोयेना गीळ ओसो डुंगा पंडलेह्‌काडा जगा केग़्सि, पलत पेसतोग़. अस्के “इंजेके वेग़ मन्कन ऊळाट!” इन्जि, पिलाति ओरिन इतोग़. 6ओन ऊळिस पेर्मालोर ओसो मंदिरताङ पह्‌रातोर “ओन हव्कनागुटातगा वेळ्हा, हव्कनागुटातगा वेळ्हा!” इनजोर केयतोर. अस्के पिलाति ओरिन इतोग़, “आयो, मीटे ओसि ओन वेळ्हाटु! नाक इतेके, ओनगा बेदे कसुर दोर्को,” इतोग़.#लूकाल 23:4; योहन 18:38; 19:4 7अस्के (माक ओन हव्कलाह अदिकर इले इनजोर पुन्जि) यहुदिर ओन इतोर, “मावा सास्त्रमताङ अडोङ मन्ह्‌ताङ, अव अडोङ वेहतपु, वेग़ु नना देवुळता मग़नन इनजोर इताह्‌कु, वेग़ हायनाय गावले.”#5:18; 10:33 8इद पोल्‍लोतुन केंजिसि, पिलाति पकाय रेयतोग़. 9अस्के पिलाति ओसो तना लोता लोप्पा, येसुन ओसि ओन इतोग़, “निमा बेग्डाहि रेगतिन, बह पुटटिन, डा?” इन्जि ताल्ह्‌कतोग़. मति येसु इतेक बातय वळ्ह्‌कोग़. 10“निमा नावा संगे वळ्ह्‌कविना? नीक विळ्सनद अदिकर नाके मन्ह्‌ता, ओसो हव्कनागुटातगा वेळ्हतनद अदिकर नाके मन्ह्‌ता इनजोर, बह निमा पुनविना?” इन्जि पिलाति येसुन इतोग़. 11येसु ओन इतोग़, “नीकु देवुळताहि ईतद अदिकर लेवेके, नावा पोग़ोन नीवा बेदे अदिकर इले आस मनालि.#रोम सहरतोर 13:1 अदिनेनाह्‌कु बोग़ (पेर्माल पुन्जि-वेन्जि) नाक नीवा कयदे ईतोग़,#मत्याल 20:17-19; लूकाल 18:32; बळयिर 2:23; 3:13 ओग़े नीकाय वीळिसि वेल्‍ला पापम कीतोग़.”#18:13,28-30 12इदिन केंजिसि, पिलाति येसुनु विळ्सलाह ऊळसोरेन मतोग़. मति यहुदिर इतेके, कियोग़-मुयोग़ केय बोटटोर, “निमा वेन विळ्सतिन इतेके, रोम राजेमता कय्सर राजाना अडम आतिन; (ओनगा माट नीवा रिपोट कीकोम). बोग़ नना राजानन इन्ह्‌तोग़, ओग़ कय्सरना अडमतोग़ु,” इनजोर इतोर.#लूकाल 23:2-3; योहन 18:33-37 13इव पोल्‍लोन केंजिसि, पिलाति येसुन पलत पेहच ततोग़, तचि नेयम कीयनद कुर्सते ओग़ उदतोग़. इद कुर्स गोळा इनदनद जागातगा मता (तान इब्रि पोल्‍लोते “गब्‍बता” इन्ह्‌तोर). 14अद दिया आवना पंडुमतेनाह्‌क तयर आयनद दिया मता, जोक-जोक नेक निच मता.#19:14 अदे दिया, पेसमुळि 12:6 वेहतपु, पंडुमतेनाह्‌कु मोक आयनव गोरेपिलान अस्किंदुर. येरुसलेमते वेल्‍लाय मुल पंडुमतुह्‌क वाताह्‌कु, यहुदि बूमयालोर नेक नितग्डाह इतेके पोळ्‍द अरनाह्‌जोमु, लोकुराङ गोरेपिलान अस्कसोरेन मंदुर. इतेके मंदिरतगा गोरेपिलान अस्किह्‌पाने, येसुना हामुर आता. येसुये “मोक आयवाल देवुळता गोरेपिलालेह्‌काडोग़” इन्जि सीता कीम्ह्‌टु (इद पोल्‍लो 1:29 अगा दोर्किह्‌ता). अस्के पिलाति यहुदिरिन पास्कतप इतोग़, “ऊळाट, वेग़ मीवा राजाल!” 15अस्के ओर केयतोर, “वेन ओम! वेन ओम! हव्कनागुटातगा वेळ्हा!” इनजोर इतोर.#लूकाल 23:18; बळयिर 13:28 अस्के पिलाति ओरिन इतोग़, “नना मीवा राजानु हव्कनागुटातगा वेळ्हतलाह उकुम ईकना?” अस्के पेर्मालोर इतोर, “कय्सर राजान विळ्सिसि, माक बोग़े राजाल इलेग़!” 16(ओरा पोल्‍लो केंज पग़वाह्‌कु,) आक्रिते पिलाति येसुन हव्कनागुटातगा वेळ्हतलाह, ओरा कयदे विळ्सिसीतोग़.

येसुन हव्कनागुटातगा वेळ्हतह्‌तोर

(मत्याल 27:33-44; मार्कल 15:22-32; लूकाल 23:33-43)

सीपय्क पया येसुन पोसि ओतोर. 17येसु तना हव्कनागुटातुन कांजिसि, तला-टाप्रा इनदनद जागातगा एवतोग़ (इब्रि पोल्‍लोते अद जागातुन “गुल्गुता” इन्ह्‌तोर). 18अगा (ओर ओनाङ केग़ताङ गेंदेङ कुळ्हचि,) ओन हव्कनागुटातगा दोहचि, मोल्‍लाङ कोह्‌किसि वेळ्हतोर.#बळयिर 2:23 ओसो येसुन वेळ्हतस्के, इर्वुर कसुरतोरिनु, येसुन नडुम कीसि, इके ओर्विन, अके ओर्विन, हव्कनागुटानगा वेळ्हतोर. 19पया पिलाति, “वेग़ नासरेततोग़ येसु यहुदिरा राजाल” इन्जि, इद्रमता कसुर तोहतनद बलाते रासिसि, येसुन वेळ्हतद गुटातगा कोटलाह वेहतोग़. 20येसुन वेळ्हतद जागा सहरता एरे मताह्‌कु, पंडुमतुह्‌क वातोरु वेल्‍लाटोर यहुदिर अद बलातुन अर्विंदुर. अदु इब्रि, युनानि ओसो रोमि, इव मूंड बासाने रासतद मता. 21अदिह्‌के यहुदिराङ पेर्मालोर पिलातिन इतोर, “‘यहुदिरा राजाल,’ इनजोर रासमा, मति ‘नना यहुदिरा राजानन, इद्रम इतोग़,’ इनजोर रासा,” इन्जि पेर्मालोर कट्ला कीतोर. 22अस्के पिलाति इतोग़, “इंजेके नना रासतने, रासतन. अहे मनि!”

23सीपय्क येसुनु हव्कनागुटातगा वेळ्हतोर अस्के, ओनाङ गेंदेङ पोयतोर, अह कीसि वग़ोह्‌क-वग़ोह्‌क उंद-उंदि, इद्रम नालुङ बाटाङ कीतोर. ओर ओना लोप्पाडा आङतुन वने पोयतोर. अद आङि कोटटद इले, मति पोग़ोटाहि काल्कनगा एवनाहि, पूरा अर्हतद मता. 24अदिह्‌क ओर सीपय्क तमतमाय इतोर, “तेन माटु अग़्हवल, मति इद आङि बोना नसिबते मन्ह्‌तायो, तेन माट सीटिङ वाटिस ऊळकल, रा!” इतोर. इन्जि ओर अहे कीतोर. ओर अह कीतस्के, सास्त्रमते मुने रासतद पोल्‍लो करल आता, अद सास्त्रम इह मन्ह्‌ता:

ओर नावाङ गेंदेङ तमाय तूसतोर,

ओसो नावा आङतेनाह्‌कु सीटिङ वाटटोर. # देवुळताङ पाटाङ 22:18

25हव्कनागुटाता एरे येसुना तलोग़ि, ओसो तमकूचि, ओसो कोल्पाना मुते मरियालि, ओसो मग्डला नाटेनद मरियालि, इव अगान निच मताङ.#मत्याल 27:55-56; मार्कल 15:40; लूकाल 23:49 26अस्के बोन येसु पका जीवा कीतोग़ कग़यवाल#19:26 येसु पका जीवा कीतोग़ कग़यवाल वेल्‍लाटोर सास्त्रमगूरुरा विचरते ओग़ कग़यवाल, इद पुस्तकतुन रासवाल योहनिये आंदोग़. इन्ह्‌तोर, ओग़ु येसुना तलिना बाजे निच मतोग़. ओर इर्विरिन ऊळिसि, येसु तना तलिन इतोग़, “वेग़ ऊळा बायि, इंजेटाह नीवा मग़ि!” 27पया ओग़ कग़यवान इतोग़, “ऊळा, इंजेटाहि इद नीवा यायाल आंदु.” अस्केडाह पया येसुना तलिनु, ओग़ु तना लोन ओसि अय कीतोग़.

येसुना हामुरि

28अस्के पया, नावा कबळतुन नना कतम मारिह कीतन इन्जि, येसु पुतोग़.#4:34; 17:4 अस्के, सास्त्रमते रासतद पोल्‍लो करल आयना इन्जि, “नाक एग़ उनडा वसता,” इनजोर इतोग़. 29अगा ओयतद अंगुर जोमाते निहच मतद उंदि अळ्का मता. इनजोर ओरु अद अळ्कातगा बूबिलतुन मुळ्हचि, बळ्गातगा#19:29 बळ्गातगा मोदुल कागिदते, “एजोब इनदनद जपता कांदातगा”. तासिसि, येसुना तोड एरे ओसि, ओन ओयतद अंगुर जोमा ऊहतोर.#देवुळताङ पाटाङ 69:21; मत्याल 27:48; मार्कल 15:36; लूकाल 23:36-37 30अस्के येसु तानु ऊतिसि, “नना नावा कबळतुन कतम मारिह कीतन!” इनजोर इतोग़. अह इतस्के, इळ्न तला वग़्हचि, ओग़ हातोग़.#मत्याल 27:50; मार्कल 15:37; लूकाल 23:46

31इमा दिया वारमता पोल्वादिया मता (अद पोल्वादिया इतेके, आवना पंडुमता बेह्‌रा पोल्वादिया आंदु). (यहुदिराङ अडोङ वेहतपु,) पोल्वादियाते हव्कनागुटानगा सेत्ताङ मनदलाह पोलोङ,#व्यवस्थाविवरण 21:22-23; यहोशू 8:29; 10:26-27 अदिनेनाह्‌कु ओराङ पेदल्कु पिलाति गुमसिनगा वासि, “(ओर मुवुरा जीवा चट्पिट अनि इनजोरे,) ओराङ काल्किन ओग़्हचि, सेत्तान रेहता वेहा,” इन्जि ताल्ह्‌कतोर. 32अस्के गुमसि वेहताह्‌कु, सीपय्क वासि, येसुना संगे वेळ्हच मतोर#19:18 इर्वुराङ आसि काल्किन ओग़्हतोर. 33मति येसुनगा एवतोर अस्के, वेग़ हातदिन ऊळिसि, वेनाङ काल्किन ओग़्होर. 34मति येसु निटम हातोग़ इनदलाहि, ओर्वोग़ सीपय येसुना सेंकातुह्‌कु गोग़्काते कोटटोग़, अस्के चट्‌ने नेतुरि ओसो एग़ वाङता.#1 योहन 5:7-8

35इद पुस्तकतुन रासवाल कुदि अदिन ऊळतोग़, ऊळिसि मीट येसुन नमना इन्जि वेहतह्‌तोग़.#20:31(देवुळ लोहतोग़ राजाल येसुना लोप्पा) इद ओना साक्सि करलताये आंदु इन्जि, ओन्क एर्काये.#15:27; 21:24; 3 योहन 12 36-37ओना उंदाय बोकातुन ओग़्होर आयनुर,#पेसमुळि 12:46; गिनती 9:12; देवुळताङ पाटाङ 34:20 ओसो ओन कोटटोरु ओन ऊळनुर#जकर्याह 12:10; तोहचीतव पोल्‍लोङ 1:7 इनजोर, देवुळ लोहवाल पिसिह केवाना लोप्पा, सास्त्रमते रासिस मनदनव इव पोल्‍लोङ करल आयना इन्जि, येसुह्‌क इह आता.

येसुन गुमयातगा तासिह्‌तोर

(मत्याल 27:57-61; मार्कल 15:42-47; लूकाल 23:50-56)

38इव गोटिङ आतापया, अरिमतेया नाटेनोग़ ओर्वोग़, योसेपि इनवाल, पिलातिनगा अन्जि, “येसुना सेत्तातुन पोहतलाह ओयकन,” इनजोर ताल्ह्‌कतोग़. (वेग़ योसेपि इतेके यहुदिराङ पेदल्किन रेयिसि, येसुनु कुस्क्ने नमिंदोग़.#7:13; 9:22; 12:42; 20:19) अस्के गुमसि पिलाति ओम्ह्‌ट इनजोर इताह्‌कु, ओर पया येसुना सेत्तातुन रेहचि ओतोर. 39योसेपना संगे निकोदेमि इनवाल वने, येसुन पोहतलाह वातोग़. (वेग़े कोनि मुने उंद दिया नग़्का, येसुन कलियलाह वास मतोग़.)#19:39 अद्‍यय 3 ऊळाट. वेग़ु सेत्तातुन ओकलाह डेडा वीसा मूंडु (33) किलोङ, गब एग़्स्कनद मराता पिंडि ओसो अतर्नेय, काल्वा कीसि तच मतोग़.#देवुळताङ पाटाङ 45:8; मार्कल 16:1 40यहुदिरा पोहतना उतुरते, हामुर-गेंदेनगा इद काल्वा कीतद अतर्नेयदुनु सलिसि, येसुना सेत्तातुन ऊर्हतोर. 41येसुन वेळ्हच मतद जागातगा, मराना पेंदाता उंद वाळुम मता. अगाने उंदि बेरा आदतगा, मन्कन पोहतलाह पूना पांजा तर्वतद मता. अद गुमयाते मुने बोने पोहवाय मतोर. 42अद गुमया एरे मताह्‌कु, येसुन अगान पोहतोर,#बळयिर 13:29 बाराह्‌क इतेके यहुदिरा पोल्वादिया गय्क इतेके सुरु आयना मता, (दुस्रा जागा पर्ह्‌कलाह मोका इले आसि).#19:42 पोळ्‍द अरनेकेने यहुदिरा दिया सुरु आस्ता.

Currently Selected:

योहन 19: माडियाबाय्बल

Highlight

Copy