योहन 17

येसु तनेनाह्‌क देवुळतुन ताल्ह्‌किह्‌तोग़

1-2इव गोटिङ वळ्ह्‌कतस्के, येसु पोग़ोटा बूमतेके ऊळतोग़, अह कीस देवुळबाबान वळ्ह्‌कतोग़, “ए बाबा, नावा हायना कगो एवता. बोरिन निमा नाक ईतिन, ओर सबेटोरिह्‌क नना अमेसाता पिसमुळ ईयना इन्जि,#10:28; 1 योहन 2:25; 5:11 निमा नाक माने-मन्कना पोग़ोन अदिकर ईतदे मन्ह्‌ता.#मत्याल 11:27; 28:18; लूकाल 10:22; योहन 3:35; 13:3; इपिसुसतोर 1:20-23 अहलेह्‌का बाबा, नना नीक मान ईयना इन्जि, निमा नाक मान ईमु.#7:39; 13:31-32; 17:5 3निमा वग़ोनिन सेतेम देवुळतिन इन्जि नीक पुनदना, ओसो निमा लोहतोग़ पिसिह केवाल येसु किर्स्तुन पुनदना,#पिलिपितोर 3:8; इब्रितोर 3:1; 2 पत्रु 1:2,3,8 इदे अमेसाता पिसमुळ आंदु.#1 योहन 1:3 4बेद कबळ निमा नाक कीयलाह ईतिन, अदिन मारिह कीसि,#4:34; 19:28 नना इद बूमतगा नीक मान ईतन.#13:31; 14:13 5ए बाबा, इद दुनिया पुटनामुने, बेद्रम माट इर्वल ऐंगे डीसातोरल मतल, अद्रमे इंजेके नीवा संगे नाक डीसातोग़ आयलाह ईमु.#7:39; 13:31-32; 17:1-2,24; 1 पत्रु 1:21

कग़यवालोरेनाह्‌क पार्तना

6“बोर मन्कलोरिन निमा इद दुनियातोरग्डाहि नाक ईतिन, वेरिह्‌क निमा बेद्रमतोनिन इन्जि, नना पुन्पिह कीतन.#17:26 वेर नीवा मन्कलोर आसि, वेरिन निमा नाक ईतिन.#17:9 ओसो वेर नीवा पोल्‍लोतुन केंजिस, अहलेह्‌का कीतोरु.#तोहचीतव पोल्‍लोङ 3:10 7बेद डीसा, बेद बुदि, बेव पोल्‍लोङ निमा नाक ईतिन, अव कतमे निटम नियग्डाहि वातव आंदुङ इनजोर, वेरिह्‌क इंजेक तेळियता. 8बाराह्‌क इतेके बेव गोटिङ निमा नाक वेहतिन, अविस्किन नना वेरिह्‌क वेहतन.#6:68; 8:26,40; 12:49; 15:15; 17:14 नना वेहतस्के वेर अविस्किन पोयतोर, पोसि नना नियग्डाहि पेसिस वातन इनजोर, वेर करले पुतोर, ओसो निमाने नाक लोहतिन इन्जि वेर नमतोर. 9वेरेनाह्‌क नना इंजेके नीक ताल्ह्‌किह्‌नन. नना दुनियातोरेनाह्‌क ताल्ह्‌कोन, मति बोरिन निमा नाक ईतिन, सिरपि ओरेनाह्‌के ताल्ह्‌किह्‌नन, बाराह्‌क इतेके वेर नीवाये लोकुर आंदुर इनजोरे.#17:6 10बोर बोर नावा लोकुर आंदुर, ओर कतमतोर नीवा वने लोकुर आंदुर. ओसो बोर नीवा लोकुर, ओर नावा वने लोकुर.#16:15 ओसो वेरा नडुमि नावा डीसा तोहतद मन्ह्‌ता. #2 तिसलुनितोर 1:10 11नेटाहि नना इद बूमते ओसो मनोन आयकन. नना नियके वाय्ह्‌नन,#7:33; 14:12,28; 16:5,10,17,28; 17:13; 20:17 मति वेर इतेके इद बूमतेन मनदनुर.#13:1 ए पवित्र बाबानिन, बहलेह्‌का माट इर्वल उंद आस मह्‌नल, अहलेह्‌का वेर वने उंद पट आयना इन्जि,#17:21-23; रोम सहरतोर 12:5; गलातितोर 3:28 वेरिन काप आडा. ओसो निमा नाक नीवा पेदिरता लाव ईतिन, अद लावते वेरिन काप आडा. 12नना वेरा संगे इद दुनियाते मनेके, नाक ईतद नीवा पेदिरता लावते, वेरिन राका कींदन.#यहुदाल 1 बोग़ बूळेम आयवाल मन्ह्‌तोग़, ओग़ यहुदान विळ्सिसि, वेरग्डाहि बोग़े बूळेम आयोग़.#6:39; 10:28-29; 18:9 ओग़ बूळेम आयवाना लोप्पा, सास्त्रमते रासतद पोल्‍लो करल आयना इन्जि, इव गोटिङ आयनाय गावले.#देवुळताङ पाटाङ 41:9; योहन 13:18

13“नना इंजेके नियके वाय्ह्‌नन, बाबा.#7:33; 14:12,28; 16:5,10,17,28; 17:11; 20:17 मति वेरा जीवाते नावा गिर्दा पूरा निंदना इन्जि,#15:11; 16:24 नना इद बूमते मनेकेने, इव गोटिङ वेहतह्‌नन. 14नना नीवाङ पोल्‍लोङ वेरिह्‌क काग़्हतन. दुनियातोर इतेक, वेरिन कोंटे कीसोर मन्ह्‌तोर;#मत्याल 10:22; 24:9; मार्कल 13:13; लूकाल 21:17; योहन 7:7; 15:18-20; 1 योहन 3:13 बाराह्‌क इतेके, बहलेह्‌का नना इद दुनियातोनन आयोन, अहलेह्‌का वेर वने इद दुनियातोर आयोर.#8:23; 15:19; 17:16; 1 योहन 4:5 15निमा वेरिन इद बूमताहि पेहचीम इनजोर ताल्ह्‌कोन. मति वेर इद बूमते मनेके, देयह्‌कना मुक्यानग्डाहि#17:15 देयह्‌कना मुक्यानग्डाहि मोदुल कागिदते “लाग्वदिनाहि”. वेरिन पिसिह कीम इन्जि, नना नीक ताल्ह्‌किह्‌नन.#मत्याल 6:13; लूकाल 22:31-32; 1 योहन 5:19 16बहलेह्‌का नना इद दुनियातोनन आयोन, अहलेह्‌का वेर वने इद दुनियातोर आयोर.#8:23; 15:19; 17:14; 1 योहन 4:5 17नीवा सेतेम पोल्‍लोता मेटे, नीके माळना इन्जि, वेरिन अलग कीस तासा.#8:32; 17:19; इपिसुसतोर 5:26 18बहलेह्‌का निमा नाकु दुनियातोरगा लोहतिन,#3:17; 10:35-36; 11:42; 17:3,21-23,25 अद्रमे नना वने वेरिन इद दुनियातोरगा लोहतन.#मत्याल 10:16; लूकाल 10:3; योहन 4:38; 20:21 19ओर सेतेम पुन्जि, दुनियाताहि अलग ताकना इन्जि,#इब्रितोर 10:9-10; 1 योहन 3:3 नना वने इद दुनियाताहि अलग आस ताकिह्‌नन.

सबेटोर विस्वसिरेनाह्‌क पार्तना

20“नना सिरप वेरेनाह्‌के आयो, मति बोर वेरा पोल्‍लोतुन केंजिसि नाक नमनुर, ओरेनाह्‌क वने नना नीक ताल्ह्‌किह्‌नन. 21ए बाबा, बेद्रम निमा, नना, ऐंगे जोळेम आस मह्‌नल, अहे ओर सबेटोर उंद आसि मयगा जोळेम आस मनिर.#10:38; 14:11,20; 17:11,23; 1 योहन 1:3 अस्के निमा नाक लोहतिन इनजोरे, दुनियातोर पुनदनुर. 22-23निमा नाक लोहतिन,#3:17; 10:35-36; 11:42; 17:3,18,21,25 ओसो बेचोन निमा नाक जीवा कीतिन, अचोने ओरिन वने निमा जीवा कीतिन इनजोर,#14:21,23; 16:27 दुनियातोर पुनदनेनाह्‌क,#तोहचीतव पोल्‍लोङ 3:9 ओर कतमतोर उंद एका आयिर. बहलेह्‌का माट इर्वल उंद आस मह्‌नल, अहलेह्‌का ओर वने उंद एका आयिर: नना ओरगा जोळेम आस मह्‌नन,#पिलिपितोर 2:1-2 ओसो निमा नयगा.#10:38; 17:11,21; 1 कुरिंततोर 6:17 इदिनेनाह्‌क बेद्रम निमा नावा संगे उंद आसि, नाक मान ईतिन, अद्रमे नना ओरा संगे उंद आसि, अदे मान ओरिह्‌क ईतन.#1:14; 17:24; रोम सहरतोर 8:30; 2 तिसलुनितोर 1:12; 1 योहन 4:17-18

24“बाबा, ओरिन निमाने नाक ईतिन. ओर नावा डीसातुन ऊळनेनाह्‌क, बेगा नना दाय्ह्‌नन, अगाने ओर वने नावा संगे मनदना, इदे नावा विचर आंदु.#12:26; 14:3; 2 कुरिंततोर 3:18; 5:8; 1 तिसलुनितोर 4:17; 1 योहन 3:2 अद डीसा निमा नाक ईतिन बाराह्‌क इतेके, दुनिया पुटनामुनेने नाक जीवा कीतिन.#17:5; 1 पत्रु 1:21

25“ए सेतेमतोग़ बाबानिन,#तोहचीतव पोल्‍लोङ 16:5 नीक दुनियातोर पुनोर;#7:28; 8:19,55; 15:21; 16:3; 1 योहन 3:1 मति नना नीक पुह्‌नन. ओसो निमा नाक लोहतिन इनजोरे, नाक नमवालोर वने पुन्ह्‌तोर. 26बेद्रम निमा नाक जीवा कीय्ह्‌निन, अद्रमे वेर वने जीवा केवालोर आयना. ओसो नना वने वेरगा जोळेम आस मनदना इन्जि, नना नीक ओरिन पुन्पिह कीसीतन, ओसो कीसोर मनदकने,”#17:6 अह इन्जि येसुना पार्तना मारता.

Currently Selected:

योहन 17: माडियाबाय्बल

Highlight

Copy