बळयिर 4

पत्रुन, योहनिन, पंचता मुनेह निल्पिह कीस्तोर

1पत्रु, योहन, वेरु लोकुरा संगे वळ्ह्‌कसोर मतोर अस्के, बूमयालोर, मंदिरता दरोगाल ओसो सदुकिरा तुंगातोर उय्तुर ओरगा वातोर. (सदुकिर इतेके यहुदिराङ पेदल्कना उंद तुंगातोर आंदुर, वेर हामुरताहि जीवा अरयह्‌तोर इन्जि नमोर आंदुर.) 2ओर इर्वुर लोकुरिन येसुनाङ पोल्‍लोङ काग़्हचोर मतोर, लोकुर येसुना लेह्‌का डोलिसि जीवा अरयनुर इनजोर, पोकुर कीसोर मतोर.#3:15; 17:18 इद पोल्‍लोतेनाह्‌क यहुदिराङ पेदल्क पकाय ओङ आतोर. 3ओङ आसि पत्रुन, योहनिन पोयतोर. पोळ्‍द अन्ज मता अदिह्‌क, इमा दिया नेयम कीकल इनजोर, ओरिन जेलते वाटटोर.#5:18 4मति पत्रुनाङ पोल्‍लोङ केंजतोर वेल्‍लाटोर लोकुर येसुन विस्वस कीतोर. अद्रम विस्वस कीतोरु, वेट कोय्तोरे कोनि एयुङ अजर्क मतोर.#2:41,47; 5:14; 6:1,7; 9:31,42; 11:21,24; 14:1,21; 16:5; 17:12

5इमा दिया यहुदिराङ पेर्मालोर, सास्त्रमगूरुर, ओसो दुस्रोर पेदल्क येरुसलेम सहरते पंच उदतोर. 6ओसो ओरा संगे मोदुल पेर्माल अनाल,#लूकाल 3:2; योहन 18:12-13 तना अने कयपाल#मत्याल 26:3; योहन 11:49; 18:12-14 ओसो पेर्माना सटमतोर, ओरगा योहन ओसो सिकंदर, वेर इर्वुर वने मतोर. 7पया ओर पत्रुन, योहनिन, नडुम निल्पिह कीस ताल्ह्‌कतोर, “मीट वेग़ कूटानु बेद लावते, बोना अदिकरते ताकनाह कीतिर रा?” इतोर.

8पया पत्रु देवुळता पवित्र जीवाते निंदतोग़,#लूकाल 1:15,67; 4:1; बळयिर 1:8; 2:4; 4:31; 6:3,5; 7:55; 9:17; 13:9,52 निंदतस्के इद्रम वेहतोग़, “ए मावोर पेर्मालोरिर, पेदल्कनिर! 9रोगमतोनेनाह्‌क माट बेसता कबळ कीतोम, अदिन वेग़ बह आस बेस आतोग़ इन्जि, मीट नेंड माक पर्ह्‌किस ऊळिह्‌निर. 10मीट ओसो मावोर सबेटोर इस्रयेलतोर बेस पुन्ह्‌टु, नासरेत नाटेनोग़ येसु किर्स्तुन हव्कनागुटातगा हव्कनाह कीतिर, मति देवुळि ओन जीवा अर्हचीता.#मत्याल 28:5-6; मार्कल 16:6; लूकाल 24:5-7; योहन 21:14; बळयिर 2:24; 2:32; 3:15,26; 5:30; 10:40; 13:30,33-34,37; 17:31; रोम सहरतोर 4:24; 6:4; 8:11; 10:9; 1 कुरिंततोर 6:14; 15:4,20; 2 कुरिंततोर 4:14; गलातितोर 1:1; इपिसुसतोर 1:20; कुलुसितोर 2:12; 1 तिसलुनितोर 1:10; इब्रितोर 13:20 ओग़े येसु किर्स्तुना अदिकरते,#2:22; 3:6 वेग़ मन्कल सव्रेम आसि, मीवा मुनेह नितोग़. 11‘बेद बंडातुन मुने बेल्दर्कु पोहचीतुर, अदे बंडा इंजेके आदरता मूला बंडा आता’ इन्जि, देवुळताङ पाटानगा वेहतद मन्ह्‌ता.#देवुळताङ पाटाङ 118:22; मत्याल 21:42-43; 1 पत्रु 2:7 अद बंडा इतेके येसुये, बेल्दर्क इतेके मीटे, ओन पोहचीतप ऊळतोरिर. 12वेग़ येसुन विळ्सिस बोग़े, मावा पापमता सिक्साताहि पिसिह कीया पग़वोग़. बाराह्‌क इतेके माट पापमताह पिसलाहि, इद बूमतगा ओन विळ्सिस, दुस्रोग़ पिसिह केवान देवुळि मन्कलोरिह्‌क एवो!”#मत्याल 1:21; बळयिर 5:20; 10:43; 13:26; 1 तिमोति 2:5 इतोग़.

13पत्रु, योहन, वेर इर्वुर कग़यवोर केनकेनेतोर मन्ज तेला, दीराते वळ्ह्‌किंदुर. वेरा दीरातुन ऊळिसि, तग्वाङ केवालोर बयल आतोर.#2 कुरिंततोर 3:12 पया वेर इर्वुर येसुना संगतोर, (अदिह्‌क इद्रमता दीरा वेरिह्‌क वाता) इनजोर पुतोर. 14मति सव्रेम आतोग़ मन्कल वेरा संगे नितदिन ऊळिसि, वेरा अडम बातय वळ्ह्‌क पग़वोर. 15पया बाताल कीतोर इतेके, पत्रुन, योहनिन, सव्रेम आतोग़ कूटान, पंचताहि पलते ओम्ह्‌टु इनजोर इतोर, इन्जि तमतमाय विचर कीयलाह बोटटोर. 16“इंजेके वेरिन माट बाताल कीकल? वेर इद्रमता बेरा सीना तोहतोर इनजोर, पूरा येरुसलेम सहरतोर पुतोरे. अदिन वेर केवोर इनजोर, माट बह इनदा पग़यकल? 17आयो रा! इद्रम कीकल, (ओरिह्‌क सिक्सा एवल); मति इद पोल्‍लो आबुर आयना आयो इनजोर, इंजेटग्डाहि वेग़ येसुना पोल्‍लोतुन बेगान वेहमाट इनजोर, ओरिन रेय्‍पिह कीसि विळ्सिसीकल,” इतोर. 18पया ओर इर्वुरिन लोप्पा केयिसि, “मीट इंजेके येसुना पोल्‍लोतुन बेगान वेहमाट, बेगान काग़्हमाट,” इनजोर इतोर.#5:28 19मति पत्रु, योहन, वेर इद्रम इतोर, “देवुळता पोल्‍लोतुन विळ्सिस, मीवा पोल्‍लोतुन केंजना देवुळतुह्‌क ओप्पग़ाया?#5:29 मीटे विचर कीस ऊळाट! 20माट ऊळतव, केंजतव पोल्‍लोन वेहवालेवा, केमेन मनदा पग़वोम,#1 कुरिंततोर 9:16; 1 योहन 1:1 ” इनजोर इतोर.

21-22इंजेके देवुळता लावते सव्रेम आतोग़ पुटकूटाल, रेंड वीसाङ वर्साह्‌काय एक्‍वा वय्सतोग़ आंदोग़ इनजोरे, सबेटोर लोकुर देवुळतुन जोहर कींदुर.#2:47; 5:13 अदिह्‌के लोकुर माक विरुद आयनुर इन्जि, लोकुरिह्‌क रेयिस#5:26 तग्वाङ केवालोर ओरिन पका रेय्‍पिह कीस, विळ्सिस ईतोर.

विस्वसिर देवुळतुन केयिह्‌तोर

23पया पंचताहि पत्रु, योहन पेसिसि, ओर तमा तोळतोरगा अतोर. अस्के पेर्मालोर ओसो दुस्रोर पेदल्क बाताङ बाताङ इतोर, अव सबे पोल्‍लोङ विस्वसिरिह्‌क वेहतोर. 24अदिन केंजिसि, विस्वसिर उंदिय एकाते जोरते, देवुळतुन इद्रम वळ्ह्‌कतोर, “जोहर सामि! पोग़ोटा बूमतुन, इळ्ता बूमतुन, सम्दुरतुन, ओसो अविस्कनगा मनदनव सबेटविन निमान पुटिह कीतिन.#पेसमुळि 20:11; नहेम्याल 9:6; देवुळताङ पाटाङ 146:6; बळयिर 14:15; 17:24; तोहचीतव पोल्‍लोङ 14:7 25नीवा सेवक मावा पेदामुय्तोग़ दाविद राजाल, नीवा पवित्र जीवाता बुदते इद्रम वेहतोग़ इतेके

‘ यहुदि आयवोर इचोन रोदा पोयह्‌तोर, मति बार्किया?

यहुदिर, जमा आसि उगसताङ आय्डाङ पंडिह्‌तोर, मति बार्किया?

26 ओराङ राजालोर लळयतुह्‌क तेदतोर,

ओराङ मुक्यालोर वने जमा आसि, आय्डाङ पंडिह्‌तोर,

देवुळता अहे अद आचिस तासतोग़ राजाना वने अडम आस्तोर,’ # देवुळताङ पाटाङ 2:1-2

इन्जि वेहतोग़. 27-28ओग़ वेहतद पोल्‍लो निटम करल आता. एरोद अंतिपस राजाल,#मत्याल 14:1; लूकाल 23:7-11 पिलाति गुमसि,#मत्याल 27:2; मार्कल 15:1; लूकाल 23:1,12; योहन 18:28-29 वेरु इदे येरुसलेम सहरतगा, यहुदि आयवोरा संगे यहुदिर कलियिसि, निमा निल्पिह कीतिन ओग़ पवित्र सेवक येसुन#3:13,26; 4:30 अडम आतोर. मति निमा अचोन लावतोनिन इतेके, बेद नीवा मुनेताहि विचर मता, अचोने ओर कीया पग़तोर.#लूकाल 22:22; बळयिर 2:23 29इंजेके देवुळबाबानिन, तग्वाङ केवालोर माक रेय्‍पिह कीयनदिन सीता कीम, कीसि माट नीवा सेवकिरोम पका दीराते नीवा पोल्‍लोतुन वेहतलाह ईम,#4:13; 14:3; 2 कुरिंततोर 3:12; पिलिपितोर 1:14 30माट वेहतह्‌पा, दुकतोरिन सव्रे कीसि, नीवा पवित्र सेवक येसुना पेदिरते,#3:13,26; 4:27-28 नीवाङ बामनाह लेह्‌काडाङ सीनाङ तोहचीम,” इन्जि देवुळतुन ताल्ह्‌कतोर. 31ताल्ह्‌कतस्के, ओर जमा आस मतद लोन मेलियता.#16:26 ओर कतमतोर पवित्र जीवाते निंदिसि,#लूकाल 1:15,67; 4:1; बळयिर 1:8; 2:4; 4:27-28; 6:3,5; 7:55; 9:17; 13:9,52 देवुळता पोल्‍लोतुन रेयवालेवा, कतमतोरिह्‌क वेहता बोटटोर.#पिलिपितोर 1:14

विस्वसिर ओर्विना-ओर्वोग़ साय्ता कीस्तोर

32सबेटोर विस्वसिर उंदिय एकाते मतोर. आपुना-आपुना मादुन बोरे नावा इनजोर इनोर आंदुर; मति सबेटोर मन्कलोर तमा सामनतुन, ओर्विना-ओर्वोग़ काळ्ङसोर पिसिंदुर.#2:44 33किर्स्तु येसु जीवा अरतोग़ इन्जि, बळयिर साक्सि वेहन्दुर, वेहतनस्के देवुळता लाव ओरगा दिसिंदु. देवुळता दया सबेटोर विस्वसिरगा बेस मता. 34बोन्के बातय कमि इलवा मता. जागा-बूमि बोरगा मता, ओर बेस्के-बेस्के वमिसि, 35अव कोताङ तचि बळयिरा कयदे तूसलाह ईंदुर. बोन्काय गर्ज अरतेके, अव कोताङ पया तूसिस ईंदुर.#2 कुरिंततोर 8:14 अदिह्‌के बोन्के बातय कमि इलवा मता.#2:45 36-37अद्रमे योसेप पेदिरतोग़ ओर्वोग़ मतोग़. ओग़ कुपरुस इनदनद देसेमतोग़#11:19; 13:4लेविना पुळ्गतोग़ (इतेके देवुळवडे) आंदोग़. ओग़ बाताल कीतोग़ इतेके, तना बूमतुन वमिसि, कतम कोताङ बळयिरगा तचि ईतोग़. किर्स्तुनाङ बळयिर ओन बार्नबस (इतेके दीरा एवाल) इंदुर.#9:27; 11:22-30; 13:2; रोम सहरतोर 12:8; गलातितोर 2:1,13

Currently Selected:

बळयिर 4: माडियाबाय्बल

Highlight

Copy