Marko 2
2
Ukubumbulusigwa ugwa mbungo ya bukokonyale
(Mat. 9,1-8; Luk. 5,17-26)
1Bo gakindile amasiku manandi, alinkwingila kangi mu-Kapernaumu; silinkupilikigwa ukuti ali nnyumba.
2Balinkubungana abandu ba bingi, bulinkusita nukuyapo
3ubuyo pakifigo, umwene alinkubabula ilisyu. Popapo balinkwisa abandu aba balintwalile ugwa bukokonyale, uyu
4apimbigwe nabandu bana. Bagile lelo batoligwe ukufika apa alipo panongwa ya kilundilo; popapo balinkupangula pamwanya panyumba apa alipo. Bo basotwile, balinkusololosya
5ulutato ulu alambalelepo ugwa bukokonyale. Umwene Yesu bo alubwene ulwitiko lwabo, po alinkumbula ugwa bukokonyale alinkuti: Gwe mwanangu ugwe, uswegigwe inongwa
6syako. Loli balipo bamo abamanyakalata aba balitugele papo,
7balinkwilusania mundumbula syabo balinkuti: Fiki ukuti uyu ayobege bo sisisi? Ikunhelula Kyala! Ywani uyu abagile ukuswa inongwa? Loli yumoywene itolo, yo yu Kyala.
8Nakalinga Yesu alinkusyagania mumbepo syake, ukuti syo bikwilusania munda mmyabo, alinkubabula alinkuti: Syo
9mukwilusania syaki sisisi mundumbula syinu? Lyo ipepe liliku, ilya kumbula ugwa bukokonyale ukuti: Uswegigwe imbibi syako, pamo nilya kuti: Sumuka pimbaga ulutato
10lwako gwendege? Loli ko kuti mumanyege ukuti, Nnya-
11mundu ali namaka ukuswa inongwa nkisu — alinkumbula ugwa bukokonyale alinkuti: Nikukubula nikuti: Sumuka,
12pimbaga ulutato lwako ubukege kukaya. Popapo umwene alinkusumuka, nakalinga itolo alinkupimba ulutato alinkusoka bo bosa bikuketa; bunobuno ikitengusi kilinkubaga bosa, balinkuntufya Kyala balinkuti: Syo tukasibonamo siku sisisi.
Ukubilikiligwa kwa Levi
(Mat. 9,9-13; Luk. 5,27-32)
13Popapo alinkusoka kangi, alinkubuka pambali panyanja. Ikilundilo kyosa kilinkwisa kumyake, umwene alinkuba-
14manyisya. Lelo bo ikukinda, alinkumbona Levi unnya Alfai bo itugesye pabusongelo isongo, popapo alinkumbula alinkuti:
15Ngongaga. Umwene alinkusumuka alinkunkonga. Bo atugele pakulya nnyumba yake, abasongesyasongo ba bingi nabatulanongwa balinkutugasania na Yesu nabafundigwa bake
16pakulya, namanga abene bali bingi aba bankongaga. Lelo abamanyakalata ba baFarisai bo bambwene ikulya pamopene nabatulanongwa nabasongesyasongo, balinkuyoba nabafundigwa bake balinkuti: Fiki ikulya pamopene nabasonge-
17syasongo nabatulanongwa? Bo Yesu apilike, alinkubabula alinkuti: Bakaya bo bakafu aba bikundonda unganga, loli ba babine. Ngisa kukubabilikila abagolofu, himma, loli ba batulanongwa.
Isya kufipika ifindu
(Mat. 9,14-17; Luk. 5,33-39)
18Lelo abafundigwa ba Yohani nabaFarisai bali pakufipika ifiundu. Popapo balinkwisa abandu balinkumbula balinkuti: Fiki abafundigwa ba Yohani naba baFarisai bikufipika ifindu,
19loli abafundigwa bako batikufipika? Umwene Yesu alinkubabula alinkuti: Ngimba aba pabwegano babagile ukufipika ifindu bo bali numwegankikulu? Akabalilo kosa aka bali
20numwegankikulu, bakabagila ukufipika ifindu. Loli gikwisaga amasiku apa umwegankikulu isakusosigwangako ku-
21myabo, po loli po bisakufipikaga ifindu ilisiku lilyo. Nayumo atikusonelapo ikigamba kya mwenda umpya pamwenda unkulu; buno linga akatikepo, ikigamba ikipya kikunyafulako
22umwenda unkulu, po gukongelapo ukunyafuka. Kangi nayumo atikukusyamo ubwalwa bwa mafilu ubuteta munyambi ingulu; buno linga umundu akusisyemo ubwalwa ubuteta bukupufula inyambi, po ubwalwa bwa mafilu bukoneka, syope ninyambi sikonangika. Loli fikuti ubwalwa bwa mafilu ubuteta bukusigwege munyambi imbya.
Isya kunsungula Sabati
(Mat. 12,1-8; Luk. 6,1-5)
23Lumo pa-Sabati bo ikukinda mmigunda, abafundigwa bake balinkwanda ukupulula ifisasa fya ngano bo bikwenda.
24Popapo abaFarisai balinkuyoba nagwe balinkuti: Keta!
25Fiki bikubomba pa-Sabati aka kali mwiko? Umwene alinkubabula alinkuti: Mukabalamo sila abombege Davidi,
26bo ali mbutolwe ali ninjala, yuyo naba bali nagwe? Apa ingilege nnyumba ya Kyala mmasiku ga mputi unkulumba Abiatari, pala alyege ifisyesye ifikemesigwa, ifi fyali mwiko ukulya yumo umundu, loli bene ba baputi, apa abapege naba
27bali nagwe? Kangi alinkubabula alinkuti: Sabati apeligwe panongwa ya mundu, umundu akapeligwe panongwa ya
28Sabati. Bunobuno Nnyamundu yo Malafyale gwake na yu Sabati.
Currently Selected:
Marko 2: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
