Matai 28
28
Ukusyuka kwa Yesu
(Mar. 16,1-18; Luk. 24,1-12; Yoh. 20,1-10)
1Lelo bo amalike Sabati, bo bukwanda ukukya ubusiku bwa isiku lya kwanda lya ndungu, popapo Maria gwa mu-Magdala na Maria uyungi yula, balinkwisa kukuketa
2ilipumba. Popapo kalinkwisa akasenyenda akakulumba; namanga ugwandumi gwa Ntwa asulwike ukufuma kumwanya,
3alinkwisa alinkulisegula ilibwe lila, alinkutugasyapo. Ukuboneka kwake kulinkufwana lumuli lwa njasi, nimyenda gyake
4gyali swe bo ingala. Panongwa ya kuntila, abalindilili
5balinkutetema, balinkuya bo abandu abafwe. Umwene ugwandumi alinkubabula abakikulu bala alinkuti: Umwe mwe mungatetemaga, buno menye ukuti mukundonda Yesu
6uyu akomeligwe pakikohekano; akayapo apa, namanga asyukile, bo apa ayobile; isaga mukete apa balindambalike.
7Amubukege lelo mbibimbibi, mukababulege abafundigwa bake ukuti asyukile mbafwe; keta, ikubalongolelangapo ukubuka mu-Galilai, mo mwisakwakumbonaga. Keta, mbabulile.
8Popapo balinkusokako kwipumba mbibimbibi, balinkongania nulutende nulusekelo lu lwingi; balinkubopa balinkwakuba-
9bula abafundigwa bake. Popapo Yesu alinkwaganila nabo, alinkuyoba nabo alinkuti: Nikubaponia. Abene balinkusegelela kumyake, balinkunkola amalundi balinkumbungu-
10lukila. Popapo Yesu alinkubabula alinkuti: Mungatetemaga, amubukege mukababulege abamyitu babukege mu-Galilai, mo bikwakumbonaga.
11Abene lelo bo bali munjila, popapo bamo abalindilili balinkubuka nkaya, balinkwakubabula abaputi abakulumba
12syosa sisyo syabonike. Popapo balinkubungana pamopene nabakulumba, balinkuyobana; popapo balinkubapa abasikali
13indalama si nyingi, balinkubabula balinkuti: Amutigi, abafundigwa bake bisile pakilo, bamwibile bo uswe tugonile
14utulo. Linga ilisyu lilili alipilike undindililakisu, po twisakundabasyaga yuyuswe, umwe mutisakuyaga ninongwa.
15Popapo abene balinkwambilila indalama, balinkwakubomba bo mumo bamanyisigwe. Ilisyu lilili lyo lifumwike mbaYuda na kulilino kuno.
Yesu ikwibonesya kubafundigwa kalongo na yumo
16Loli abafundigwa kalongo na yumo bala, balinkubuka mu-
17Galilai, kukyamba kikyo Yesu abalagile. Abene bo ba-mbwene, balinkumbungulukila, loli bamo balinkwilamwa.
18Popapo Yesu alinkusegelela, alinkuyoba nabo alinkubabula alinkuti: Amaka gosa mbegigwe yuyune kumwanya na pasi.
19Popapo lelo amubukege mukabapelege bafundigwa abandu ifikolo fyosa, mukabokesyege mungamu ya Kyala uGwise,
20niya Mwana, niya Mbepo Mwikemo; mukabamanyisyege ukukonga syosa isi mbalagile umwe; keta une ndipo nanumwe bwila, ukwakufika na kubumalikilo ikisu.
Currently Selected:
Matai 28: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
