1 Juan 5

Dios Yayapa Tsurinman creyikunapaq ninqan

1Jesús salvamaqnintsik Cristo kanqanta creyiqkunam llapanpis Dios Yayapa wamran kayan. Dios Yayata kuyarqa wamrankunatam kuyantsik. 2Wamrankunata kuyanqantsiktam musyantsik Dios Yayata kuyar mandamientunkunata cumplir.

3Dios Yayata kuyarqa mandamientunkunatam cumplintsik.#Juan 14.15; 2Juan 6. Mandamientunkunata cumplinapaqqa manam ajatsu.#Deut. 30.11; Mat. 11.30. 4Tsaynö kaykan Dios Yayapa wamrankuna Satanásta vencishqa kayaptinmi.#Juan 16.33. Dios Yayaman confiakurmi payta vencintsik. 5¿Pitan Satanásta vencin? Jesucristo Dios Yayapa Tsurin kanqanta creyiqkunallam.

Jesucristo salvamaqnintsik kanqan

6Jesucristo Diospa Tsurin kanqantam musyantsik bautizakunqan höra Dios Yaya <<wamrämi>> nimushqa kaptin#Mat. 3.17; Juan 1.31-34. y yawarninta jichar wañushqa kaptinmi.#Mar. 15.39. Manam bautizakunqan höra Dios Yaya: <<Wamrämi>> nimunqanllapitatsu musyantsik, sinöqa yawarninta jichar wañunqanpitam. Tsaynöllam Diospa Tsurin kanqanta musyantsik Espíritu Santu tantiyatsimashqa. Espíritu Santu tantiyatsimanqantsikqa rasun kaqmi.

7[Ciëluchö] kimsa testïgukunam Diospa Tsurin Jesucristo kanqanta musyatsimantsik. [Tsay testïgukunam kayan Dios Yaya, Tsurin Jesucristo y Espíritu Santu. Paykunam kimsaq karpis jukllaylla kaykan. 8Tsaynöllam kay patsachöpis kimsa testïgukuna musyatsimantsik.] Tsay testïgukunam kayan Espíritu Santu, Jesucristo bautizakunqan y wañur yawarninta jichanqan. Tsay kimsa testïgukunam tsayllata musyatsimantsik.

9Runakuna willamanqantsikta creyiykarqa Dios Yaya nimanqantsiktaqa masraq creyishun. Tsurin Jesucristupaq Dios Yaya nimanqantsikmi mas välin runakuna willamanqantsikpitapis.#Juan 5.32-37; 8.18. 10Jesucristo Diospa Tsurin kanqanta creyiq kaqmi Dios Yaya tantiyatsinqanta creyin. Peru Jesucristo Diospa Tsurin kanqanta mana creyiq kaqmi sïqa Dios Yaya tantiyatsinqantapis creyintsu. Mana creyirmi Dios Yayata manakaqman churan.

11 Mana ushakaq kawayta qaramanqantsiktam Dios Yaya tantiyatsimashkantsik. Tsay kawaytaqa tarintsik Tsurin Jesucristuman creyikurmi. 12Dios Yayapa Tsurinman creyiq kaqqa mana ushakaq kawaytam tarin. Peru mana creyiq kaqmi sïqa tsay kawayta tarinqatsu.#Juan 3.36.

Cartapa ushanan

13Dios Yayapa Tsurinman confiakuyaptikim kay cartata apatsimü mana ushakaq kawayta tariyanqaykita musyayänaykipaq.#Juan 20.31.

14Dios Yaya munanqannö kananpaq imatapis mañakushqaqa wiyamanqantsiktam musyantsik. 15Wiyamanqantsikta musyarmi mañakunqantsiknö yanapamänapaq kanqantapis musyantsik.#Mat. 7.7-11; Luc. 11.9-13; Juan 15.7, 16; 16.23-24; 1Juan 3.21-22.

16Wawqikuna y panikuna jutsa ruranqanta mayqaykipis musyarqa paykunapaq Dios Yayata mañakuyay. Perdonananpaq kaq jutsa kaptinqa Dios Yayam perdonanqa. Mana perdonananpaq kaq jutsa kaptinqa Dios Yayata ama mañakuyaytsu.#Jer. 7.16; 14.11-12; Mat. 12.31-32; Heb. 6.4-6; 10.26. 17Mana alli rurayqa llapanmi jutsa. Tsaynö kaptinpis Dios Yaya mana perdonananqan jutsam kan.#5.17 Mana perdonanqan kaq jutsaqa jutsa rurayta mana dëjayanqanmi. Tsay jutsa ruraq runaqa Dios Yayata manam perdonta mañakuntsu. Peru jutsata ruranqanpita llakikur perdonta mañakuptinmi sïqa Dios Yaya perdonanqa (1Juan 1.9).

18Musyantsikmi Dios Yayapa wamran kar jutsata mana rurar kawanqantsikta. Tsaynöllam Dios Yayapa Tsurin Jesucristo Satanáspita tsapämantsik.

19Musyantsikmi Dios Yayapa wamran kanqantsikta. Tsaynömi musyantsik llapan kay patsa Satanáspa mandädunchö kanqanta.

20Musyantsikmi Dios Yayapa Tsurin Jesucristo kay patsaman shamur Dios Yayata reqinapaq tantiyatsimanqantsikta. Tsaymi Dios Yayapa y Tsurin Jesucristupa poderninchö kawakuykantsik. Jesucristum kikin Dios. Paymi mana ushakaq kawayta qaramantsik.#Juan 17.3.

21Kuyay wamräkuna, ima ïdulukunamanpis ama creyiyaytsu. [Amén.]

Currently Selected:

1 Juan 5: qxn

Highlight

Copy