1 Juan 1

1Qamkunamanmi Kawatsikuq Palabra imanö kanqanta#1.1 Kawatsikuq Palabraqa Jesucristum. qellqamü. Payqa imapis manaraq kaptinmi karqanna.#Juan 1.1; 1Juan 2.13-14. Paytam rikäyashkä, yatayashkä y wiyayashkä. 2Kawatsikuqta Dios Yaya kachamuptinmi rikäyarqä.#Juan 1.14, 18. Tsaymi willayaq mana ushakaq kawayta qaramaqnintsik kanqanta. Paymi Dios Yayawan kanqanpita noqantsikman shamushqa. 3Rikäyanqäta y wiyayanqätam qamkunata musyatsiyaq. Tsaynöpam Dios Yayapa y Tsurin Jesucristupa puntanchö kawayanqänö qamkunapis paypa puntanchö kawayanki. 4Tsaykunatam qellqamü kushishqa kawakunapaq.

Jutsata mana rurar kawakunapaq ninqan

5Jesucristo yachatsiyämanqallantam willayaq: Dios Yayam aktsi. Paychöqa manam tutapaypis kantsu.#1.5 <<Dios Yayam aktsi>> nirqa y <<paychöqa manam tutapaypis kantsu>> nirqa Dios Yaya jutsannaq kanqantam nin. 6Tsaymi mayqantsikpis <<Dios Yaya munanqannömi kawakü>> nikar tutapäpukushqanö purirqa llullakuykantsik. Tsaynö kawakurqa manam rasunpatsu Dios Yaya munanqannö kawaykantsik. 7Dios Yaya atsikyaychö kanqannö noqantsikpis atsikyaychö kawarmi#1.7 Dios Yaya atsikyaychö kanqanta nirqa Dios Yaya rasun kaqllata ninqanta y jutsannaq kanqantam nin. Noqantsikpis atsikyaychö kawanapaq nirqa Dios Yaya munanqannö kawanapaqmi nin. juknin juknintsik kuyanakur kaykantsik. Tsaynöllam Tsurin Jesucristo yawarninwan tukuyläya jutsantsikta mayllamantsik.

8Mayqantsikpis <<jutsannaqmi kä>> nirqa manam rasun kaqtatsu parlantsik, sinöqa llullakuykantsikmi. 9Peru jutsa ruranqantsikpita confesakushqam sïqa prometimanqantsikta cumplir Dios Yaya perdonamäshun. Payqa alli ruraq karmi llapan jutsantsikta mayllamäshun.

10<<Noqaqa jutsannaqmi kä>> nirqa pay ninqankunata manakaqmanmi churaykantsik. Tsaynö kawarqa manaraqmi willakuyninta chaskishkantsikraqtsu.#Prov. 20.9.

Currently Selected:

1 Juan 1: qxn

Highlight

Copy