Konesi 21

Tu na Paulo Yerusalema

1A gwe sona nagon yi aje koŋa ko lepeŋat nu, a yi iti gwo ko ki ’bo tojo Kosi; ko ’bure a yi pine Kosi tojo Rode, a suluje Rode a yi iti Patara. 2a yi ryeji ki ’bo nyu logon ’dek laŋaddu tojo i jur lo Poinike, a yi kije lukata, a iti tu. 3a yi ’dure i pirit nagon yi bubulö meddya Kuprio, a kölöddi lepeŋ i swöt lo kadoŋe, a iti tojo Suria, a yi monoji Turo yu, anyen tito ’duma kaŋo i ki ’bo yu. 4a yi galaddi ŋutu kajujumuk, a yi iŋge si ’da ko lepeŋat perok buryo. A lepeŋat takiŋdye Paulo ko riŋit na Mulokötyo Loke adi ti nye gwe ti tu Yerusalema.

5A nagon diŋit nikaŋ ko se aje temakiŋdya nu, a yi ŋiorö o ’brö, a suluje jölö, a lepeŋat liŋ ko wate kase se ko ŋwajik kase nyömuŋdye yi kaŋo köji kata, a yi liŋ rugwuŋöni kak i kijit na tör, a kwakwaddi kwakwaddu. A kirut yi rome ko ’börik, 6a yi kije i ki ’bo kata, a lepeŋat yitöni kase i midijik.

7A yi ko tutuŋge jölwe nikaŋ Turo yu a yi ’dure Petolemai, a yi rome ko luŋasirik lo yubbö kulo, a yi iŋge si ’da ko se lor geleŋ. 8#Kon 6.5; 8.5Ko ’bure a yi ŋiörö ŋiörö, a ’dure Kaisaria; a yi iti ko Pilipo katokuönit lo Loŋe Lo ’but mede, lepeŋ a lele lo kaŋarak#21.8 kaŋarak buryo Kendi Konesi 6.1-6 buryo, a yi si ’dani ko lepeŋ yu. 9Lepeŋ gwon ko ŋwajik wate iŋwan nagon a ko yema, nagon bubulö keju. 10#Kon 11.28A na mönuŋdye yi nyu ko kulye perok nu, a lele nebi karin kanyit a Agabo lo ’dure, lepeŋ po Yudaya yu. 11A lepeŋ poŋdi kayaŋ ni, a ’dumuŋdye kamba na Pajilo na, a toŋi mugun i mokosi se ko i könisi, kulya adi, Mulökötyo Loke lo kulya adi, Yudayaki lo gwon Yerusalema yu kulu mo totor monye ŋina kamba sona, a mo ŋutukiŋdye nye i könisi ti Lwaka. 12A na yiŋge yi kine kulya nu, a yi se ko ŋutu lo gwon nyu kulu mamaŋdi Paulo adi ti nye gwe ti tu Yerusalema. 13a Paulo waddi pija adi, Nyo nagon ta gwigwien a tiŋdi töili liŋ i ’beleŋo? Nan gwon ajo ti gwon i rereka ka ’de, ama ma ’di i twan Yerusalema yu kogwon karin ti Matat Yesu. 14A nagon yi tine bulö löpukuŋdyö lepeŋ nu, a yi kö ’yi kö ’yu a kulyani adi, Ti gwe gwoso nagon Matat ’de ’dekan.

15A i mukök na kilo perok, a yi totoroji tito kaŋ a iti Yerusalema.

16A kulye ŋutu ti Kaisaria logon a kajujumuk moraddi koyi, a nyömöddi yi tojo ko Minasona lo Kuprio anyen si ’da kanyit midi. Lepeŋ a ’beron suluja gwon a kajujumunit.

Paulo a ’yo ’yu Yakobo

17A na ’durökiŋdye yi Yerusalema nu, a luŋasirik logon a kayupök kulo iŋge wu yi ko lyoŋön. 18Ko ’bure a yi se ko Paulo iti i ’yö ’yu na Yakobo, a turyeni temejik liŋ gwe nyu. 19A nagon Paulo aje roman ko se nu, a nye nyönyöggi kulya liŋ geleŋ geleŋ nagon Ŋun a tikin nye i kitari ko ŋutu ti jurön kiden kune. 20a na yiŋge se kine kulya nu, a se pupurje Ŋun, a kulyani adi, luŋaser, do a met Yudayaki kata aliŋan logon a kayupök, lepeŋat liŋ gwon ko pusök i Saresi ti Mose. 21Lepeŋat a taki kulya kunök adi do lu todinikiŋdyö Yudayaki liŋ logon si ’da i jurön logon a lepelok kulo anyen kö ’yu Saresi ti Mose, köti adi do a takiŋdya se adi ti se gwe ti taweŋu ŋwajik kase ko ti gwe ti kepoddu keriat. 22Lepeŋat ’diri de yiyiŋ adi do aje ’durökin, a kirut nyo na konani?

23 # Ken 6.13-21 Nyenagon koŋdi ŋo nagon yi tatakin do kine. Yi gwon ko ŋutu iŋwan logon aje nyekiŋdyö Ŋun milye. 24’Dumuŋdye kilo ŋutu ko toke ’yi mugun ko se i pirit na geleŋ, ko paraki lepeŋat ko ŋo nagon se ködyö wukin a ti milye lose kune, anyen se ’ba ’barinu kusik. A kirut ŋutu liŋ mo deŋdi adi do ’bak kulya i ŋo na jama kune, köti adi do ko mugun inot ’de ’dep Saresi ti Mose.

25 # Kon 15.29 Ama i kulya ti ŋutu ti jurön lo yubbö kulu, yi köju aje wurökin lepeŋat waraga, i takiŋdya na se adi yi aje lilija adi se ködyö paju kinyojin logon wuki ŋunyen logon a nyömuejin. ko ti gwe ti nyesu rima, ko ti nyesu ŋo nagon totolo, köti ti se ködyö teŋgi ’börik i towutön. 26A Paulo joŋgi kilo ŋutu, ko ’bure a lepeŋ toke ’yi mugun ko se liŋ i pirit na geleŋ, a luŋöni i kadi na Ŋun i tuggö na perok tokelesi ko tutuŋgö nanu, a se liŋ geleŋ geleŋ wukiŋdye rubaŋgajin kase.

Paulo a moka i Kadi na Ŋun

27A nagon perok buryo tokelesi gwe nyona ko ’baka nu, a kulye Yudayaki lo po i jur lo Asia ko meddi Paulo i Kadi na Ŋun, a topije lodir ’bukuluŋ, a morgi lepeŋ, 28a lepeŋat kulyajine ki adi, Ta ŋutu ti Yisaraele, paraki ta yi! Ŋilo a ŋuto logon todiŋdyö ŋutu arabat i piritön liŋ i kulya ti ŋutu kaŋ ko i kulya ti Saresi kaŋ ko i kulya ti na pirit; a nye köti joŋdi ŋutu ti kulye jurön i Kadi na Ŋun, a iŋge toluddya na pirit nake na rurwan. 29#Kon 20.4Lepeŋat kulya sona kogwon se köju a meddya Turopimo ŋuto lo Epeso ko Paulo i pirit na geleŋ köji kata, a se yeyeji adi Paulo ŋona a joŋ lepeŋ i Kadi na Ŋun lukata.

30A köji liŋ iŋge köbuŋö, a ŋutu liŋ wöku i pirit na geleŋ, a se morgi Paulo a jiŋge lepeŋ kaŋo i Kadi na Ŋun, ’de ’de a kotumiton kinuni kinu.

31A nagon se ga ’yi tatuja Paulo nu, a lore lo sonyoni ko liwa lo kamörök ti Roma yu adi Yerusalema liŋ a köbuŋo. 32’De ’de a lepeŋ ’dumuŋdye teŋ na kamörök se ko dumalak kase ti kamörök mia geleŋ mia geleŋ, a woki ko lepeŋat yu. A na meddi se liwa se ko kamörök nu, a se kö ’yi ’biddyö Paulo. 33A kirut liwa iti ko Paulo yu, a morgi lepeŋ, a sarakiŋdye adi ti lepeŋ rerekani rereka ko topot murek, a pije ko nye a pa köti ko nye a koŋdya nyo. 34A kulye ŋutu i kiden na lodir kulyajine ki, kulye jambu ka ’de kulye jambu ka ’de; a nagon nye tine ryö to ’diri kogwon woŋon na ŋutu nu, a lepeŋ saŋi saŋu anyen Paulo jopa i pirit nagon kamörök si ’da kata nu.

35A na ’durökiŋdye nye i kiyesi nu, a kamörök ’doggi lepeŋ kogwon lodir gwe a kaŋajin. 36Kogwon lodir liŋ kepoddu lepeŋ woŋoro ki adi, Tatune lepeŋ!

Paulo a tökoŋu kulya kanyit

37A nagon Paulo gwe nyona ko toluŋöji i pirit nagon kamörök si ’da kata nu, a nye pije liwa adi, Nan ŋona bubulö jamakiŋdya do kune kulya? A liwa waddi pija lepeŋ adi, Do deden kutuk na Giriki le? 38Do ŋona ’bayin a ŋilu Ejipetotyo logon i diŋit na lwöŋgu a topiju ŋutu i mörö ko miri a iŋge nyömöddu ŋutu aliŋan iŋwan logon a karemok i yöbu? 39a Paulo waddi adi, Nan a Yudayakityo yuŋwe Taruseu na Kilikia, nan a ŋuto lo köji na kukwön. Böŋö ti do ruköki nan i jambu ko ŋutu. 40a nye rukökiŋdye lepeŋ i jambu. A Paulo gwo ’de i kiyesi a nanakiŋdye ŋutu könin, a ŋutu yiŋani taliŋ adi lii, a kirut lepeŋ jambi ko se ko kutuk na Ebere adi,

Currently Selected:

Konesi 21: BBE

Highlight

Copy