OKHURULA 2

Okhwibulwa khwa Musa

1Mutsinyanga etsio, omundu okhurula muluyia lwa Lawi yatsia nateeshia omukhaana okhurula muluyialwe lwene. 2#Ebikh. 7:20; Abaheb. 11:23Mana omukhasi tsana wateshibwa oyo nahela inda, ne niyebula omwana omusiani. Ne lwomukhasi oyo yalola mbu, omwana oyo yali niyanera obulayi, yamubisa khulwemiesi chitaru. 3Nebutswa lwomwana oyo yali nalanyala okhubiswa khandi ta, nyinamwana yabukula eshikapo shialukhwa okhurula khumaturu, nashihomakhwo ihula, naramwo omwana oyo ne nashira mumakata keshisari, khulukuku lwomwalo. 4Ne omukhaana wabwe omwana oyo nasinjila ehalekhwo mbu, ahenjelesinjie okhulola eshiakhekholekha khumwana oyo.

5Mana omukhaana womuruchi wa Misiri yakholomokha natsia mumwalo okhwisinga, nabo abakholibe beshikhaana nibatong'a nibachendanga khulukuku lwomwalo okwo. Ne lwomukhaana womuruchi wa Misiri oyo yalola eshikapo mushisari, yaruma omukholiwe weshikhaana okhushibukula. 6Ne lwomukhaana womuruchi oyo yashibukula, yalola omwana nalimwo, ne omwana tsana oyo yali nalilanga. Yamulolela tsimbabasi ne naboola ari, “Uno nimulala khubaana ba Abaheburania.” 7Naye omukhaana wabwe omwana oyo nasita ahambi nomukhaana womuruchi oyo ne namureeba ari, “Enzie ekhulanjile omulesi okhurula mubakhasi Abaheburania mbu, akhulelele omwana uno noho?” 8Ne omukhaana womuruchi wa Misiri oyo namukalusia ari “Tsia.” Mana omukhaana wabwe omwana oyo natsia nalanga nyinamwana omwana oyo. 9Naye omukhaana womuruchi namuboolela ari, “Bukula omwana uno undelele ne nasi ndilikhurunga obukholibwo.” Kho omukhasi oyo nabukula omwana oyo ne namulela. 10#Ebikh. 7:21Mana omwana nakhula. Ne olwa yali nanuniishe, yamala amukalusilie omukhaana womuruchi wa Misiri, mana omwana oyo naba omwana womukhaana womuruchi. Naye namukulikha mbu Musa, eshifune mbu, “Emukhwesile okhurula mumaatsi.” #2:10 Musa: lirumbukhanga muluheburania shinga okhwinulula.

Musa yelushila Midiani

11 # Ebikh. 7:23-28 # Abaheb. 11:24 Inyanga yindi olwa Musa yali niyakhulile, yatsia okhukonya abandu boluyialwe Abaheburania, ne nalola obusiro bwemilimo chiabwe. Khandi nalola Omumisiri nakhupanga Omuheburania, mulala khuboluyialwe. 12Musa nakhupa amashemo nahenga eyi nende eyi, ne olwa yalola mbu, omundu abulaho oumulolanga, yeera Omumisiri oyo, ne namubisa mumuyeshe. 13Ne olwa yakalukhayo inyanga yalondakhwo, yalola Abaheburania nibakhupananga. Mana nareeba omusaatsa wali naranjile owashie ari, “Mbushiina nonywekha owashio?”

14Naye omusaatsa oyo namureeba ari, “Oukhukholile okhuba omuruchi khandi omukhalachi weshiina khwifwe niwiina? Wenya okhunzira shinga olwa wayerire Omumisiri ulia?” Mana Musa naria khandi niyereeba mumwoyokwe ari, “Khane akandaakholile kaamanyiishe?” 15#Ebikh. 7:29; Abaheb. 11:27Olwa omuruchi wa Misiri yahulilakhwo likhuwa elo, yakhaaba okhwira Musa. Nebutswa Musa yelukha natsia okhwibisa Midiani, ne niyekhala hasi ahambi khwiyabo lindi 16Omwisaaliisi wa Midiani yali nabaanabe abakhaana musaafu, abeetsa okhutaha amaatsi nibetsusia tsisiongo tsiabwe khulwa okhunywesia emiruko chia papa wabwe. 17Abaayi nabo nibeetsa nibabalonda. Nebutswa Musa yabuukha nakhoonya abakhaana abo okhunywesia ebiayo biabwe. 18Olwa bachelela ewa Yetsiro#2:18 Yetsiro: khandi niye oulangwa mbu, Reweli. sabwe yali, yabareeba ari, “Ne leelo mukhacheleele murie bwangu?” 19Nabo nibamukalusia bari, “Omumisiri akhuhonokosiye okhurula khubayi mana omwene nakhutayila amaatsi khandi nanywesia ebiayo biefwe.” 20Naye nabareeba ari, “Ne omwene ali hena? Mbushiina nimumulekha? Tsie mumulanje yetse aliekhwo ebiokhulia ninefwe.” 21Mana Musa nafuchilila okhumenya nende Yetsiro, naye Yetsiro nahelesia Musa omukhaanawe ulangwa mbu, Zipora okhuba omukhasiwe. 22Zipora yebula omwana omusiani ne Musa namukulikha mbu, Gerishomu#2:22 Gerishomu: muluheburania lihulilikha shinga ‘omurende.’ shichila yaboola mbu; “Endi omurende, mushialo shino.”

23Emiyika eminji nichiwele, omuruchi wa Misiri yamala nafwa. Nabo Abaisiraeli bali nibashinyakhananga, nibeyiniakana nende okhuhaba nibenya obununuli nende okhuhabinwa. Mana Nyasaye nahulila okhuhaba khwabwe. 24#Obucha. 15:13,14Khandi Nyasaye nahulila okhwiyiniakana khwabwe ne niyetsulila indakano eya yali niyakhola nende Aburahamu, Isaka nende Yakobo. 25Mana Nyasaye nalola obubohe bwabandu ba Isiraeli ne nababeelelela.

Currently Selected:

OKHURULA 2: OLUDC

Highlight

Copy