Zacarías 10
10
Kuyashqan runakunata Tayta Dios salvananpaq promitishqan
1Mikuy winaykashqan witsan tamyatsimunanpaq Tayta Diosta manakäriy.
Payqa elqütsimurmi shumaq tamyatsimunqa.
Tsaynöpami chakraykikunacho qewa shumaq winamunqa.
2Ïdulukunapa jutincho wilakuqkunaqa lulakärinmi.
Tsaynölami musyakuqkunapis lulakärin.
Imapaq sueñushqanta tapukuptinpis lutankunalatami parlapäkun.
Janan shonqulami kuyapanpis.
Tsayno engañaptinmi mitsiqniynaq uyshakunano maytsaypapis matsikashqa runakuna karkaykan.#Jer. 50.6-7; Eze. 34.5-6; Mat. 9.36; Mar. 6.34.
3 Tayta Diosmi kayno nin:
<<Kuyashqä runakunapa mandaqninkunapita rabyashqa karmi paykunata fiyupa castigashaq.#Eze. 34.2.
Nirkurmi kuyashqä Judá runakunata kikï rikashaq.
Yanapaptïmi guërracho pelyananpaq alinnin cawalluno kanqa.
4<<Judá runakunapitami juk ali mandaq shamunqa.
Payqa kanqa cimientucho alinnin kaq rumino,
tolduta ichitsinanpaq estäcano
y pelyananpaq kaykaq flëchanömi.
Tsaynölami Judá runakunapita wakin mandaqkunapis kanqa.
5Paykunami ali chölulantaq kanqa.
Nänicho mituta jarur ushaqnömi contrankunata guërracho ushakätsinqa.
Yanapaptïmi pelyacho vincipäkunqa.
Cawallun muntashqa kaqkunatapis vincirmi penqayman churapäkunqa.
6<<Judá runakunatami mana qelanänanpaq shakyätsishaq.
Josépita miraqkunatami#10.6 Josépita miraqkunaqa Israel runakunami kaykan. salvashaq.
Paykunata kuyapashpämi nacionninman kutitsishaq.
Imaypis mana kacharishqanömi paykuna kanqapaq.
Noqaqa paykunapa Tayta Diosninmi kaykä.
Manakamashqanta imaypis mayashaqmi.
7Efraín#10.7 Efraín runakunaqa Israel runakunami kaykan. runakunaqa ali chölulantaqmi kapäkunqa.
Vïnuta upurkur kushikuqnömi kushishqa kawapäkunqa.
Kushishqa kaykaqta rikarmi tsurinkunapis kushikärinqa.
Yanapashqäpita kushikurmi alabapäkamanqa.
8<<Kuyashqä runakunatami salvashaq.
Wichyakuypa qayakurmi maytsaypitapis shuntamushaq.
Nawpata mirashqannömi yapaypis tsaytsikaman mirapäkunqa.
9Maytsay markakunaman qarqushqa kaptïpis sirvimänanpaqmi tantiyakärinqa.
Karu nacionkunapitami tsurinkunawan kutipäkamunqa.
10Noqami Egiptupitapis Asiriapitapis kutitsimushaq.
Nirkurmi Galaad y Líbano partikunaman churashaq tsaycho täpäkunanpaq.
Tsaycho atskaman mirapäkuptinmi tänanpaqpis kichki rikakunqa.
11<<Lamarcho ölakunanöraq nakaykuna kaptinpis tsayta chawätsiqnömi paykunata yanapashaq.
Cargashqa mayunöraq nakaykuna kaptinpis jawka kawananpaqmi yanapashaq.
Asiria runakunataqa ali chölu tukuptinpis y Egipto runakunataqa munayniyuq kaptinpis manakaqmanmi churashaq.
12Kuyashqä runakunatami valorta qoshaq cäsukamar ali kawapäkunanpaq.
Noqa Tayta Diosmi tsayno nï>>.
Currently Selected:
Zacarías 10: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
