Salmo 118
118
Salmo 118 (117)
Tayta Dios kuyakuq kashqan
1Alilata ruraq kashqanpita Tayta Diosta agradëcikäriy.
Kuyapäkuyninqa manami imaypis ushakantsu.#1Crón. 16.34; 2Crón. 5.13; 7.3; Esd. 3.11; Sal. 100.5; 106.1; 107.1; 136.1-26; Jer. 33.11.
2Israel runakuna kayno nitsun:
<<Tayta Diospa kuyakuyninqa mana ushakaqmi kaykan>>.
3Aarónpita miraqkunapis#118.3 Aarónpita miraqkunaqa cürami karqan. kayno nitsun:
<<Tayta Diospa kuyakuyninqa mana ushakaqmi kaykan>>.
4 Tayta Diosta mantsakuqkuna lapanpis kayno nitsun:
<<Tayta Diospa kuyakuyninqa mana ushakaqmi kaykan>>.
5Lakikushpämi Tayta Diosta manakurqä.
Mayamarmi nakaypita jorqamashqa.
6 Tayta Dios noqawan kaptinmi imatapis mana mantsakütsu.
Runakuna conträ sharkuptinpis manami lakikütsu.#Sal. 56.4, 11; Heb. 13.6.
7Noqataqa Tayta Dios manami kacharimantsu.
Paymi imaypis yanapaykäman.
Rikashaqraqmi chikimaqnïkunata ushakätsishqanta.
8Runaman yärakunantsipa trukanqa Tayta Diosman yärakushqantsimi mas ali kaykan.
9Mandaq reykunaman yärakunantsipa trukanqa Tayta Diosman yärakushqantsimi mas ali kaykan.
10Maytsay nación soldädukunami atacamänanpaq juntapämarqan.
Jina kaqtami Tayta Diospa jutincho lapanta ushakätsirqä.
11Tsay soldädukunami atacamänanpaq jiruruypa tsapämarqan.
Jina kaqtami Tayta Diospa jutincho lapanta ushakätsirqä.
12Abëja juntaqnömi juntapämarqan.
Jina kaqtami kashata nina ushaqno lapanta ushakätsirqä.
Tayta Diospa jutinchömi supayninta apatsirqä.
13Paykunaqa ichiklapami mana vincimarqantsu.
Tsayno kaptinpis Tayta Dios yanapamaptinmi vincirqä.
14 Tayta Diosmi imaypis valorta qoman.
Paytami imaypis alabä.
Paymi imapitapis salvamaqnï.#Éxo. 15.2; Isa. 12.2.
15Tayta Dios munashqanno kawaqkunami toldunkunacho kushikurkaykan.
¡Tayta Diosmi munayninwan lapanta vincishqa!
16¡Tayta Dios munayniyuq kashqanqa mantsariypaqmi kaykan!
¡Tayta Diosmi alawqa kaq makinwan lapanta ushakätsishqa!
17Noqaqa manami wanushaqraqtsu.
Tayta Dios rurashqankunata wilakunäpaq kawashaqraqmi.
18 Tayta Dios fiyupa castigamarpis wanuypitaqa tsapämashqami.
19¡Templu punkunta kichapaykalämay!
Tayta Diosta agradëcikunäpaqmi yaykuyta munaykä.
20Tsay punkumi kaykan Tayta Dios kaqman yaykuna punku.
Tsay punkupaqa yaykun pay munashqanno kawaq runakunalami.#Sal. 15; 24.3-6.
21Tayta Dios, manakushqäta mayamashqaykipitami qamta agradëcikü.
Noqata salvamashqaykipitami yusulpalä nï.
22Wayi sharkatsiqkuna <<kay rumiqa manami alitsu>> nir jitarishqanmi wayi esquïnan cimientuchöna churaraykan.
23Tsayno kananpaq Tayta Diosmi kamakätsishqa.
Tsaypitami pasaypa kushikuntsi.#Mat. 21.42; Mar. 12.10-11; Luc. 20.17; Hech. 4.11; 1Ped. 2.7.
24Kay junaqqa Tayta Dios yanapamashqantsi junaqmi kaykan.
Tsaypita kushikur payta alabashun.
25¡Tayta Dios, noqakunata salvaykalämay!
¡Lapan rurashqäkunapis ali kananpaq yanapaykalämay!
26 Tayta Diospa jutincho shamuq runa alabashqa kaykulätsun.
Tayta Diospa wayinchömi qamkunata kushishqa chaskikärï.#Mat. 21.9; 23.39; Mar. 11.9; Luc. 13.35; 19.38; Juan 12.13.
27 Tayta Dioslami rasunpa kaq Diosqa.
Paymi ali kawayta qomashqantsi.
Tsayno kaykaptinqa altarpa waqrankuna kaykashqanman chayashqantsiyaq rämakuna aptashqa yaykushun.#118.27 O altarpa waqrankunaman sacrificiupaq uywata watashun.
28Tayta Dios, qammi Diosnï kaykanki.
Qamta agradëcikurmi alabashayki.
29Alilata ruraq kashqanpita Tayta Diosta alabashun.
Payqa imaypis kuyapäkuqmi kaykan.
Currently Selected:
Salmo 118: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
