Luka Eli na kalanʉ
Eli na kalanʉ
Bádha Ngali gba Yesu Kilisito maka lɨ Luka aye lɨe ngasuno Yesu maka Mʉkobho ɨnde lɨ Ebhe apa nanɨ me nɨ aha e pɨ piga gba omaƗsalaele la di ne pɨ ndʉ opiga na pɨ́la doto hana. Luka ngakpokpo me Bu Bhobua gba Ngámá-a aɨ nanɨ Yesu ngʉbula nakpokpo Bádha Ngali pɨ obhʉlʉ ndɨbhɨlɨ (4:18). La, Bádha Ngali ango-o abedhe ne ndjinga bhʉ́ e pɨ okpála ɨnde bhʉ́ o ne omʉlopolo gba o hana. Engʉ́ na ndjɨlɨ abhʉ́ bhuku gba Luka ngbéngbé ane la mane bhʉ́ oalo na kalanʉ ɨnde ngakpokpo ’ngʉ́ nago gba Yesu. Engʉ́ na djalɨ ango-o ane matá mane bhʉ́ ’so ’kpɨ́ nedhɨnga naʉ ka Yesu abhʉ́lá. A ko bha Luka bini ɨnde akpokpo ’ngʉ́ bhʉ́ bhuku na Kulu gba obhʉlʉ titima gba Yesu pɨndjɨ nabhele a la di-e nayangba ka nabhuka bhʉ́ Kilisito pɨta naʉ ka Yesu abhʉ́lá-o.
Bhʉ́ Bádha Ngali ɨnde-e, u ngagama ’ngʉ́ naali pɨndjɨ mayo, ne pɨndjɨ Bu Bhobua, ne pɨndjɨ kulu gba olɨsɨ bhʉ́ kulu gba Yesu, di ne lele maka lɨ Ebhe ngambu lɨ sisiti ’ngʉ́ gba okpála lɨe-o.
Ongbengbe ongʉ́ ɨnde bhʉ́ bhuku ɨnde-e ngae ɨnde:
Eli na kalanʉ 1:1-4
Nazu lɨe ne nadʉ bhʉ́ ndɨlɨ lɨe gba Djaa bhʉlʉ nabatisa okpála di ne Yesu 1:5 – 2:52
Kulu gba Djaa bhʉlʉ nabatisa okpála 3:1-20
Batisimo di ne nale ɨnde lɨ Djabʉlʉ ale Yesu ne e-o 3:21 – 4:13
Kulu ɨnde lɨ Yesu amene e bhʉ́ ká okpála bhʉ́ Galilaya 4:14 – 9:50
Dhʉkʉ gba Yesu nayie bhʉ́ Galilaya ngʉ́ nanʉ abhʉ́ Yelusalema 9:51 – 19:27
Oekpɨ́ nasoso gba Yesu abhʉ́ Yelusalema 19:28 – 23:56
Nazuku gba Yesu, ne nakoto ka anɨ lɨ okpála, a la di-e naʉ ka anɨ abhʉ́lá-o 24:1-53
Currently Selected:
Luka Eli na kalanʉ: mdm
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.